1 ONGPATHÜ 7:21 - DAÜLANGPÜ LAIHING (BSI)

²¹ Hirami phopshem shemhoh kü shemnyü nyi haongteke. Apshaphi kübü shemnyü kü Jakhin hatü pehephi kübü shemnyü kü Boaz shei nyük.

1 ONGPATHÜ 7:21 Referans Kwoze

2 SHÜPPÜKENGPÜ 3:17

Büpai hapa shemnyü nyi phopshem chingshelei hük lakdah lemei, hük laknyong lemei haongei tuh. Lakdah lemeipü shemnyü kü büpai Jakhin shei men, hatü laknyong lemeipü shemnyü kü büpai Boaz shei men.

1 ONGPATHÜ 6:3

Phopshem mongei shüpü shongnyü shaden chingshe kü shemshom hük ba kü meter 9 hatü chüpü kü meter 4.5 veteke; ba kü daülangpü shing hük kohshi ve.

SHAKEI VAMPÜ 3:12

Ammi vehok neüjema, ngei amü ngelei Kahvangei phopshemei shemnyü hük leihühen; am haleipü vamei nedaihen. Ngei am kü ngelei Kahvangei men hatü ngelei Kahvangei chingnyü men nyanghen; hayü vangsho leipü vamei ngelei Kahvang leipü yiüpü ja Jerusalem hatü ngelei men ja nyuhen.

GALATIA 2:9

Jakob, Peter hatü Johan hathüi ngei kü shuohpü phahji nyingei pei, hatü jomi Barnabas henji kü chemi lak kü dükteitü Kung am touei daihen, hatü jomphongü Jehoda am touei daihen mongteiteke.

MATHI 16:18

Hatü ngei nüng kü enyeih, nüngü Peter, hatü ha yaong shangkü ngei ngelei attoi linghen, hatü yimching peshadeni ha khüei neyaongaokpih.

ISAIAH 45:24

Jomi ngei nang hapakei ehen: “Shembüpa kü monha daülangpü, hatü wong nyüpeih.” Üami büpa khüei yaongnya, büpa touei peiyei veü ponghen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

1 ONGPATHÜ 7:12

Phopshem mongkü hatü shemhoh kü shihpü keiha shahphenpü uoshing kü cedar pü laap hük kü shükei lingpü yaong laap jem dheanei ling.

2 SAMUEL 7:12

Nüngei hantet kemei dijü nüngü nüngei bühipa mü vüphahen; nüng pheikü nüngei hühiha nüngei büm kübü vamhühen, hatü ngei büpalei ongching ong uoshing denshing linghen.

RUTH 4:21

Salmonü Boazlei chepa nyu, Boaz-ü Obedei chepa nyu,

1 ONGPATHÜ 7:22

Shemnyü ju kübü ow-ü yangkheihchü kei shiüteke. Hapa keiha shemnyüthü lingei tem.

RUTH 2:19

Chenyei-i pinnyü kü, “Nüng shinnyih hahdhei melei thaipa? Nüng üamei kahlei thempa? Nüng kü hajük mong shuoh-ei jungpü shennyak kü Kahvangi moihimantuh” shei e. Hahepak kü Ruth-i Naomi kü pinnyü üamei kahlei thempa ha jung ejateke. “Shinnyih ngei dou dükei thempü kah shembülei menü Boaz khih” shei e.

2 SHÜPPÜKENGPÜ 4:13

shemnyü julei nyupü chilimji kü jümhen shingvaishi pomegranat betjük lüng nyi baong ngeihhen lingei pomegranat betjük kho ali ling.