1 ONGPATHÜ 5:7 - DAÜLANGPÜ LAIHING (BSI)

⁷ Mechem Hirami Solomonei shah danpa, büpa longi mongmei, “Shinnyih Shembüpalei men longtuh; mehenangkü büpai hapa longpü jat shak kü vanglem lemhen kon kohpü hapeü hük David kü shuohteke” shei e.

1 ONGPATHÜ 5:7 Referans Kwoze

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

KANDOK 23:24

Daülangpü shennyakei payü longi mongonghen; Üpai kon kohpü hapeü bühhahnya, hapa hapeü kü mongongnyeih.

ISAIAH 8:18

Shembüpai ngei kü shuohpü hashihthü mü ngei hammü nyüpeih. Hamphongü Israel am shingvaishi Zion Kahshangei nyupü Shembüpalei dou hük hih.

KANDOK 15:20

Kon kohpü hapeüi laophülei pa mongonghünyeih, shejao ngapü shennyaki laophülei nyü yakphongnyeih.

KANDOK 13:1

Kon kohpü hapeüi laophülei pa-i venpü kü bangnyüpeih, shejao venlepü hapeüi yeanpü neyahnyih.

KANDOK 10:1

Hapayü Solomonei kandok shahthü: Kon kohpü hapeüi pa kü mongong koei leinyüpeih, shejao ngadaipü hapeüi nyü thenshang mongtünghünyeih.

MENVIH KESHO 137:6

Ngei nüng deih-ei nedangjema, Jerusalemü ngelei mongong nyeipüba shei nedeihjema, yei aongei shaapdokei khatüktuh.

1 ONGPATHÜ 10:9

Nüng kü monghahpü hatü nüng Israel ong uoshing kü uohüpü Shembüpa nüngei Kahvangei men longtuh! Shembüpai Israel am kü düngei bampü nangkü shahhing hatü daülangshemshepü dou dükhen shingvaishi büpai nüng ong vaihüpü khih” shei e.

1 ONGPATHÜ 3:9

Hanangkü nüngei chongphobü kü nanglakthü shak kü vanglem lemhen hatü mang hi mei baong hanei yao-aokhen kihikon yahshih. Hei nevaijema mekei etü hajükpü nüngei nanglakthü shak kü vanglem lemaokhen?” shei e.

1 ONGPATHÜ 1:48

‘Ngelei müki eeshi shinnyih ngei kü jeihen shennyak eehüpü kü Shembüpa, Israel Kahvangei men longtuh’ ” shei e.

KAHBHAO 33:5

Hapheikü Esau chiyei veishingkü nyüha hapeüthü eeteke. “Nüng mü leipü hathü üamang?” shei phe. Jakobi, “Hathüyü nüngei chongphobü kü Kahvangi phahjiyei shuohpü hapeüthü khih” shei e.

1 ONGPATHÜ 5:6

Hanangkü ngelei men kü Lebanon leipü cedar püthü aghen ngeükhüam shuohkütuh. Ngelei nanglakthü aongei nüngei nanglakthü mü dou dükhen, hatü nüngei nanglakthü shing lat mekei nüngi itkahen hapakei ngei shuohhen. Mehenangkü nüngei nanglak Sidon ami manpükei pü aghen ngelei nanglakthüi nemanpü nüngi nyingdaiphei’ ” shei e.

1 ONGPATHÜ 5:8

Hirami Solomon kü, “Nüngi ngei kü shompü shah ngei ngoikütepih hatü nüngi napükei cedar hatü awkaongpü shuohhen.

1 ONGPATHÜ 4:7

Solomoni Israel kempülei district anpünyi kü governorthü je, hatü jomi ongpa hatü ongpalei shem am kü hahying shomhamteke. Pa hüki bong kü lenyang hük shing hahying shomhamteke.