1 ONGPATHÜ 3:6 - DAÜLANGPÜ LAIHING (BSI)

⁶ Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

1 ONGPATHÜ 3:6 Referans Kwoze

1 ONGPATHÜ 9:4

Nüng nang keyü nüngi-üng ngei touei mongdang kangshangi ampa Davidi kei kamjema, hatü ngei kangpü peü dükei hatü ngelei shahkungnyüthü hatü vanglemthü dükjema,

1 ONGPATHÜ 1:48

‘Ngelei müki eeshi shinnyih ngei kü jeihen shennyak eehüpü kü Shembüpa, Israel Kahvangei men longtuh’ ” shei e.

2 KORINT 9:11

Ammi nekaungi longi shuohpü nangkü lem peü kü am shemmei leihen; hapai ham homei Kahvang kü menvih shuohhen vamhühen.

1 ONGPATHÜ 2:4

hatü Shembüpai ngei kü lah-ei, ‘Nüngei hühihathüi jomei lem kü lishi nyujema, hatü jomei mongdang hatü laangha kempai ngei touei shahhing kü kamjema, Israel ong uoshing kü uohen shennyak netao-i nyuhen’ ” shei epeih.

2 KORINT 9:5

Hanangkü ngei jeihinaüthü kü ngei shekü yeihshi mebü am thümhen, hatü ammi lahpü thintho temei nyuhen ehen vaipü khih shei ngei deihpeih; shejüang hapayü kangeishungei nevai, ammi shuohhüei shuohpü khih shei huhen.

MENVIH KESHO 119:17

Ngei nüngei shah kü nyuei ha dükhen shingvaishi nüngei chongphobü kü mei dükshih.

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

MENVIH KESHO 15:2

Üpai eela neshiüi kamnya, hatü mehe jiü, ha düknya, mongdang kübü shahhing enya;

2 ONGPATHÜ 20:3

“Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

2 SAMUEL 7:5

aongtuh hatü ngei chongphobü David kü etuh: Shembüpai hapakei enyüke: “Ngei nyuhen shem hük vephahenü nüng je?

BHEI-IE 12:7

Shejao ngei chongphobü Mosa meyü hapakei nevai; Büpayü ngelei Israel nanglak peü kü veihen ngei shuohpeih.

MENVIH KESHO 13:6

Ngei Shembüpa kü menvih kesho lokhen, mehenangkü büpai ngei kü longi meishi nopeih.

1 ONGPATHÜ 15:5

Mehenangkü Davidi mepa Shembüpalei mük kü mei, ha dük, hatü Hit am Uriahlei nang mü lenei büpalei den kemei Shembüpalei shahkung neshai-i dük.

1 ONGPATHÜ 3:14

Nüngi ampa Davidi kampükei ngelei lemthü kü kamei ngelei shahkungthü noteijema, ngei nüngei yangnyu shoshoei tuhhen” shei e.

2 SHÜPPÜKENGPÜ 1:8

Solomoni Kahvang kü, “Nüngi ngelei opa David kü bampü longi hu, hatü nüngi büpa jeiyei ngei ong vaihüteke.

KAHBHAO 24:40

Büpai ngei kü, ‘Ngelei hapeü shing nyüha hük ngelei mükhiphang hatü opalei shem am kübü danghen shingvaishi ngei ven danei kampü Shembüpai büpalei vangsho phongshan nüng mü shomhen, hatü nüngei yendai aokpü danghen.

2 SAMUEL 22:21

Ngei daülangshemshepü aimü Shembüpai ngei kü dükpeih; Ngelei lak daülangpü aimü büpai ngei kü laklei shuohpeih.

2 SAMUEL 22:25

Ngei daülangshemshepü aimü, ngei büpa touei daülangi nyupü aimü Shembüpai ngei kü laklei shuohpeih.