1 ONGPATHÜ 3:28 - DAÜLANGPÜ LAIHING (BSI)

²⁸ Mechem Israel am kemei-i ongpai shahphen shuohpü danpa, jomi ongpa kü dhüm longi shuoh; mehenangkü büpa kü shahhingi vanglem lemhen Kahvang leipü kihikon nyüke shei nying.

1 ONGPATHÜ 3:28 Referans Kwoze

KOLOSI 2:3

Büpa kü kihikon hatü nyingpühingpü mop peü jaoshi nyüpeih.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

1 KORINT 1:24

shejao üamphong nyüklang, Jehoda hatü Greek am nyiphen kü Khristayü Kahvangei ngan, hatü Kahvangei kihikon nyüke.

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

CHONGVENBÜ 7:19

Chingnyü hük kübü vanglem lempü shennyak an leimeyü kihikoni shennyak hük nyeinya kon, hatü wong koh-ei leihünyeih.

KANDOK 24:21

Ngelei hapeü, Shembüpa kü nyemtuh, hatü ong kü dhüm shuohtuh; Nüngi üpalei venao nedani tenyu;

EZRA 7:25

Ezra, nüng kü nüngei Kahvangi shuohpü kihikon nüng kü nyupü shangshi Euphrates heshüphi kü nyupü Kahvangei shahkung nyingpü nanglakthü peü kü shahhingi vanglem lemhen shingvaishi vanglem lembüthü hatü shahphenbüthü jetuh, hatü nüngi shahkung nenyingpüthü kao nyuhtuh.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

MENVIH KESHO 72:2

Büpai nüngei nanglakthükü daülangshemshepai, hatü taopathü kü shahhingi shahphenhütuh.

1 SHÜPPÜKENGPÜ 29:24

Lakchongbüthü, veshanthü hatü Davidei chehathü peüi Solomon phangkü lanei chongphohen lah.

1 SAMUEL 12:18

Hanangkü Samueli Shembüpa kü nyük, hatü ha nyih Shembüpai vangmuk hatü vang shom, hatü nanglak peüi Shembüpa hatü Samuel nyi kü longi nyem.

JOSHUA 4:14

Ha nyih Shembüpai Israel am peüi eeshi Joshua shangei longei anshih, hatü jomi Mosa kü dhüm shuohpükei büpalei yangnyu den kemei kü dhüm shuohteke.

MÜLANGPÜ 14:31

Israel ami Ijip am khüei Shembüpai dükpü dou longpü eeteke. Hanangkü nanglakthüi Shembüpa kü nyem, hatü Shembüpa hatü büpa chongphopü Mosa kü hinglem.

MENVIH KESHO 72:4

Ongpai taopathülei shah jiüshi phenhen; nehahneyingpüthü kü sheühhen, hatü mih kü shüveipüthü ngümtükhen.

KOLOSI 2:2

Ngei ha dükpü mükhongü jom mongkü mongnang thongteihen hatü bampü kü mongjemhen nangkü nyüpeih, shejüang hingshangpü danteipai koei peipü lekhingpü mop hatü Kahvangei shahjo lappai, Khrista nyinghen.

1 ONGPATHÜ 3:27

Hahepak kü ongpai shahphen shuoh-ei, “Hapa naüyem shongpü nyüha kü yah-eishuoh. Naü tejütük; naüei chenyü-ü pinnyü khih” shei e.

1 ONGPATHÜ 4:1

Solomon ongpai Israel am peü shak kü vanglem lem,

KANDOK 16:10

Ong hüki shahphen shuohpeyü Kahvang leipü kei enyüpeih; shahphen shuohshingkü büpai mang nethahnyih.

ISAIAH 28:6

Shahphenpü uoshing kü uopüthü shingvaishi büpayü shahhing laangha vaihen, hatü penyüshalei thepju kü vepa kü khangei yaongpüthü shingvaishi wong vaikahen.

DANIEL 1:17

Ha nethethü jom ali kü Kahvangi nyingpühingpü, laiyung, hatü lemphü yao-aokhen kihikon shuoh. Ha mü chemi, Danieli mangh hatü manghkhang lemphüli tetei eaokteke.

1 ONGPATHÜ 10:9

Nüng kü monghahpü hatü nüng Israel ong uoshing kü uohüpü Shembüpa nüngei Kahvangei men longtuh! Shembüpai Israel am kü düngei bampü nangkü shahhing hatü daülangshemshepü dou dükhen shingvaishi büpai nüng ong vaihüpü khih” shei e.

KANDOK 8:15

Ngei-i ongthü vanglem lemhünyeih, hatü vanglem lempüthüi shahhing shahkung linghünyeih.

KANDOK 25:2

Kahvangei müknyinshekhangü shahhidouthü joei tuhhen ha nyüke, shejao ongpalei dou-ü hathü yemei danghen nyüke.