1 ONGPATHÜ 22:8 - DAÜLANGPÜ LAIHING (BSI)

⁸ Israel ongpai Jehoshaphat kü jangei, “Jeni Shembüpa kü phehen meyü shao lebü shennyak hük, Imlahlei cheha Mikaiah nyüpeih, shejao ngei büpa kü jiühitnyeih; mehenangkü büpai chemao ngei kü meipü jung ne-ephünyih; düngei nemeipü mon ephünyeih” shei e. Jehoshaphati jangei, “Nüngi hapakei te-e” shei e.

1 ONGPATHÜ 22:8 Referans Kwoze

JOHAN 17:14

Ngei jomphong kü nüngei shah shuohtepih, hatü kahdoknyüi jom kü jiühitteke; mehenangkü ngei kahdoknyülei nevaipükei jomphongao kahdoknyülei nevai.

JOHAN 7:7

Kahdoknyüi amphong kü nejiühithen, shejao ngei kü jiühitnyüke; mehenangkü ngei ha khüei hapalei douthüyü mang shei denpü shuohnyeih.

AMOS 5:10

Shahphen shingei shahhing ne-epüthü kü yeanpü shennyak kü ammi jiühitnyüke, hatü shahhing epü shennyak küang eelanyüke.

GALATIA 4:16

Am kü shahhing epü nangkü shaang ngei ammei vepa leidaipü je?

MIKA 2:7

Israel nanglakthü-ü thaüvaü phangkü nyüpeih shei nüngi deihnyu je? Shembüpai büpa nenteiaokpü mahtükpü je? Hingmei büpai henüng douthü düknyu je? Üami jiüpü düknya, hathü kü Shembüpai mei nedüknyu je?

JEREMIAH 38:4

Hahepak kü lakchongbüthüi ongpa kü, “Hapa shennyakü jütükhen vaipü khih. Mehenangkü büpai epü shah homei hapa chingnyülei nyupü veshanthü hatü nanglakthü mong maanhütüknyüke. Hapa shennyakiyü nanglak meihen nevai, jom lomohhühen mon yemnyüke” shei e.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

JEREMIAH 20:10

‘Nyemhihan peü lemei nyüke! Büpa kü eshuohshah! Jeni büpa kü eshuohshah’ shei nümnümpü ngei dannyüke.” Ngelei mongkhen küphüthü peüi ngei huluh nyemshuohja shei dannyüke. “Üpai nyingpa, büpa kü lueilemhen aokpeih, hatü jeni büpa kü neütü bhüh yemhen aokpeih” shei enyüke.

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 30:10

Jomi manghkhang eepüthü kü, “Hajük kü manghkhang te-ekei” hatü thibüthü kü, “Mehe jiü, hapa nang teteivanei te-ekei shei enyüke. Ham kü mongongbenüng mon eshih, mehe lekahen ha mon eshih;

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.

KANDOK 15:12

Nebahnevaipüthüi yeanei epü yaktüknyeih; jomi kon kohpü am touei nepeinyih.

KANDOK 9:8

Nemeipü am kü nüngi teyeantei; büpai nüng kü jiühitphahen; kon kohpü shennyak kü yeaneishuoh, büpai nüng kü bamphahen.

MENVIH KESHO 34:21

Mangi nemeipüthü kü dipü koei peinyeih, hatü üami daülangpüthü kü jiühitnya nyonghühen.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

2 ONGPATHÜ 9:22

Mechem Jorami Jehu eepa, büpai, “Jehu, mei deihshi peiküpü vaaikhihma yo?” shei e. Jehu-i jangei, “Anyü Jezebeli dükpü mükbongjuyung, hatü phongyom hingletpü nedoh-i nyupü thahshi mehe chingmei nyuaokhen?” shei e.

1 ONGPATHÜ 22:27

hatü hapa shennyak kü aan hatü yung nyi mon yingpü mü lenei lebü meheyao ne-üh-i ngei manglei thahshi khoklatei küpshi tuhtuh shei ongpai enyüke shei etuh” shei eteke.

1 ONGPATHÜ 22:13

Mikaiah kü nyüknüng deishihpü naühai büpa kü, “Veituh, lebü thibüthü kemei aihük mü ongpai aokpü danghen khih shei eteke. Nüngiyao hathüi epükei meishi eyeishuoh” shei e.

1 ONGPATHÜ 21:20

Ahabi Elijah eeyei büpai, “Oh ngelei vepa, nüngi ngei eepü je?” shei e. Elijah-i jangei, “Hih, ngei nüng eetepih. Mehenangkü nüng nyingi Shembüpa touei mehe mang ha dükhen yutükpü nangkü,

1 ONGPATHÜ 19:14

Büpai jangei, “Ngeiyü Shembüpa Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük, nüngei moidüthü benei yaktük, hatü nüngei thibüthü peü jütükteke. Shaangü ngei mon aopü khih, hatü shaang jomphongi ngeiyao jütüknüng yemnyüke” shei e.

1 ONGPATHÜ 19:10

Büpai jangei, “Ngeiyü Shembüpa, Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük; nüngei moidüthü benei yaktük, hatü nüngei thibüthü peü jütük, shaangü ngei mon aopü khih, hatü shaang jomi ngeiyao jütüknüng yemnyüke” shei e.

1 ONGPATHÜ 18:4

Mechem Jezebeli Shembüpalei thibüthü jütükpa, Obadiah-i thibüthü kho hük müei daiyei yaongsha nyi kü pinyipüan baong shüshihtü jotük, hatü hahying shuohteke.)

KAHBHAO 37:8

Chejeihijei ami büpa kü, “Nüngü hamphong shak kü ong vaihen deihpü je?” shei e, hatü jomphongi nyeinya büpalei mangh ejapü nangkü jiühit.

1 ONGPATHÜ 22:7

Shejao Jehoshaphati, “Jeni phehen mü hatouei Shembüpalei thibü lebü hükao nenyupü je?” shei phe.

1 ONGPATHÜ 22:9

Hahepak kü Israel ongpai lakchongbü hük nyükei, “Imlahlei cheha Mikaiah chem nyükei deikei” shei e.

1 ONGPATHÜ 22:18

Ahab ongpai Jehoshaphat kü, “Nemeipü mü lenei büpai ngei kü meipü jung chemao teteivanei ne-ephapih shei ngei ela?” shei e.

JEREMIAH 36:23

Mechem Jehudi-i laipha jem ali iepa, ongpai longkhoih yah-ei vetvettü hapa laidü kemei aw kü jaktük

KANDOK 29:10

Iythüng anhüpü shennyaki hingshangpüthü kü jiühitnyeih.