1 ONGPATHÜ 22:23 - DAÜLANGPÜ LAIHING (BSI)

²³ Hanangkü shaang Shembüpai nüngei thibüthülei ju kü shahshem ehühen shahshem laangha shihteke; Shembüpai nüng vongshüh ponghühen temtüktü nyüke” shei e.

1 ONGPATHÜ 22:23 Referans Kwoze

EZEKIEL 14:9

Thibü hük lueilemei shahshem ejema, hapayü ngei, Shembüpai hapa thibüpa kü lueilempü vaihen, hatü ngei büpa khüei ngelei lak nohen, hatü ngelei nanglak Israel khong kübü büpa mahtükhen.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.

2 SHÜPPÜKENGPÜ 25:16

Mechem büpai ha eyei nyupa, ongpai büpa kü, “Hami nüngü ongpa kü shahnying venhen jepü je? Shah te-e; hei nevaijema jühen” shei e. Hanangkü thibüpai shah epü doh shejao eteke, “Mehenangkü nüngi ha dükpü nangkü Kahvangi nüng jütükhen temei nyüke shei ngei nyingnyüke, hatü nüngi ngei epü kü nebang.”

1 ONGPATHÜ 20:42

Hahepak kü thibüpai büpa kü, “Shembüpai hapakei enyüke: Ngei jütüktuh shei epü shennyak nüngi yangei leishihpü nangkü büpalei yangnyu nangjei nüngei yangnyu, hatü büpalei nanglakthü nangjei nüngei nanglakthü sho jeihen” shei e.

SHAHKÜP 2:30

Shejao Heshbon ongpa Sihoni jen peih-ei daihen nemong. Mehenangkü Shembüpa, ammei Kahvangi büpa neütüktü büpalei kahdok shaang thahshi jeni noteipü shuohhühen shingvaishi büpalei mong vaanhüpeih, hatü khüei yaonghüpeih.”

BHEI-IE 24:13

Nüngi nüngei ongshemei nyupü hon hi ngin kemei yahphüjao Shembüpai epü mü lenei ngei mongpükei nemeipao meipao meheyao dükhen neaokpih. Shembüpai mehe etuh shei e, hapa mon ngei ehen shei etepih” shei e.

1 ONGPATHÜ 21:19

Nüngi büpa kü Shembüpai hapakei enyüke shei etuh: “Nüngi shennyakao jü, hatü büpalei mükjüpao yahnyu je?” Shembüpai hapakei enyüke: “Shi-i Naboth-ei iy laipü shingei-üng nüngei iyao laihen” etuh shei eteke.

MÜLANGPÜ 10:20

Shejao Shembüpai Pharaohlei mong vaanhü, hatü büpai Israel am neleishih.

MÜLANGPÜ 4:21

Shao Shembüpai Mosa kü, “Nüng mechem Ijiplei nyokei leihenshang, ngei nüng kü Pharaoh touei dükhen shuohpü yashanpü dou peü düktuh; shejao büpai nanglakthü neleishihhen shingvaishi ngei büpalei mong vaanhühen” shei e.

1 ONGPATHÜ 22:24

Hahepak kü Kenaanahlei cheha Zedekiah aongei Mikaiahlei dhe kü aptü, “Nüng kü ha ephahen mü Shembüpalei laanghai ngei tuhtü mepa lem kü daipa?” shei e.

SHAHPHENBÜTHÜ 9:23

Hahepak kü Kahvangi Abimelekh hi Shekhem am aa kü mang laang shom, hatü jomi Abimelekh kü longi nemei-i noteke.

JEREMIAH 18:11

Hanangkü shaang Judah nanglakthü kü hatü Jerusalemei nyupüthü kü Shembüpai ha enyüke shei etuh: Veituh! Ngei am shing shanghah hük temnyüpeih hatü am khüei küpjan hük lingnyüpeih. Hanangkü ammei mang lemthü kübü am peüi mong leptuh, hatü ammei lem hatü dükhiling ja lingei leituh.