1 ONGPATHÜ 22:15 - DAÜLANGPÜ LAIHING (BSI)

¹⁵ Mechem büpa ongpa touei heihpa, Ahab ongpai büpa kü, “Oh Mikaiah, Jehoshaphat ongpa henjinyi-i Ramoth-Gilead hahnüng nedaihen hi daihenang?” shei phe. Mikaiah-i büpa kü, “Aongei hahtuh; Shembüpai hapa ongpalei lak kü shuohhen” shei e.

1 ONGPATHÜ 22:15 Referans Kwoze

MATHI 26:45

Hapheikü büpa nanglomthü touei leiyei jomphong kü, “Amphong shaang thahshi shiyei nyiumeinyu je? Veituh, hepak ngoikünyüke, hatü Shennyak Ha mangthülei lak kü lanei shuohtükteke.

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

2 SHÜPPÜKENGPÜ 18:14

Mechem büpa ongpa ngoipa, ongpai büpa kü, “Mikaiah, ngei Ramoth-gilead am khüei hoknüng daijü hi nedaijü meihen khih?” shei e. “Daiyei hoktuh hatü aokpü dangte; nüngei lak kü jom shuohhen khih” shei jangei e.

2 ONGPATHÜ 3:13

Elisha-i Israel ongpa kü, “Ji aa kü eteihen mehe nyüpa? Anyü hi ampa ami pheteihampü thibüthü kü daiyei phehahtuh” shei e. “Nevaipih! shei Israel ongpai jangei e; mehenangkü Moab am kü shuohtüknüng shei ongthü ham jem kü nyükpeyü Shembüpa hih” shei e.

1 ONGPATHÜ 18:27

Hamhah pheikü Elijah-i jomphong kü yaüeilungei, “Wong mü phoptuh” shei e. “Hingmei büpayü kahvang! Üpai nyingpa, büpayü mong nga-ei shah deihhah-ei shiühen, nevaijü büpa nang nekoh-i shiühen, nevaijü büpa dipükei shidaipü vaihen phukeishuoh” shei e.

SHAHPHENBÜTHÜ 10:14

Daiyei ammi jehahpü kahvangthü kü nyükeishuoh; am ponghahpü nyih jomi am nyemyangpha” shei e.

1 ONGPATHÜ 4:13

Ramoth Gilead (Gilead kü Manassehlei hapeüthü Jair am nyupü chingthü, hatü Bashan kübü Argob district, hatü haleipü penyü showtükpü, hatü melangnyiam peshem haongpü chingnyü pejempüvok kemei) kü Ben-Geber;

1 ONGPATHÜ 22:12

Lebü thibüthü kemei aihük mü teteivanei, “Ramoth-Gilead hahnüng aongtuh, hatü nüngi aokhen khih; Shembüpai hapa kahdok ongpalei lak kü shuohhen khih” shei e.

1 ONGPATHÜ 22:16

Shejao ongpai büpa kü, “Shembüpalei men kü eshingkü lebü nevai, shejao shahhing eshih shei ngei meshükpa nüng kü enya?” shei e.

JEREMIAH 37:17

Hapheikü Zedekiah ongpai büpa yahnüng deishih-ei ongshemei müei lei, hatü ongpai joei büpa kü, “SHEMBÜPAleipü peipü shah meheyao nyüla?” shei phe. Jeremiah-i “Nyüpeih!” shei e. Hahepak kü büpai, “Nüngü Babylon ongpa kü shuohtükhen” shei e.

EZEKIEL 13:6

Jomei manghkhangü nejiü, hatü jom tetpüvanpü kemei shahshem. Shembüpai jom neshomshomi, “Shembüpai hapakei enyüke” shei enyüke hatü jomi epü nyemjiüja shei deihnyüke.