1 ONGPATHÜ 22:11 - DAÜLANGPÜ LAIHING (BSI)

¹¹ Shaang Kenaanahlei cheha Zedekiah-i nyiami vaung hük lingtü büpai, “Hapa yah-ei nüngi Aram am mangmahkem thahshi hokhen shei Shembüpai enyüke” shei e.

1 ONGPATHÜ 22:11 Referans Kwoze

SHAHKÜP 33:17

Büpa kü mohohbaong kü kei vaung kohshi nyüke, büpalei vaungü nyayalei vaung kei nyüke. Büpalei vaungü Manasseh am haja haja, hatü Ephraim am haja an kei nyüke. Büpai hapa vaungi jatlithü kahdok dohpü jung thahshi hokhen.”

2 TIMOTI 3:8

Jannes hi Jambres nyi-i Mosa khüei yaongpükei sholi mongdang tendaipü hatü shahshemi vainyeih shei epüthüi shahhing khüei yaongnyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

JEREMIAH 29:21

Ngelei men kü amphong kü shahshem teteivanei epü Kolaiahlei cheha Ahab hatü Maaseiahlei cheha Zedekiah nyi nang Jeiyong Shembüpa, Israel Kahvangi hapakei enyüke: “Ngei jomphong Babylon ongpa Nebukadnezzarlei lak kü shuohhen, hatü nüngi eeshi büpai jom jühen.

JEREMIAH 27:2

Shembüpai ngei kü hapakei eteke: Nüng nyingi vü bhawtuh, hatü ha nüngei üng kü ngeihtuh.

JEREMIAH 23:31

“Hih” thibüthüi laophülei yeijaang aülaüei etü, “Shembüpai hapakei enyüke” shei eteipüthü kü ngei khüei nyüpeih shei Shembüpai enyüke.

JEREMIAH 23:25

Ngelei men kü shahshem teteivanpü thibüthüi epü shah ngei dantepih. Jomi, “Ngei mangh hük manghpeih! Ngei mangh hük manghpeih!” shei enyüke.

JEREMIAH 23:17

Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

PHONGSHANTHÜ DOU 21:11

Ham touei peiyei büpai Paulei shüngshep yah-ei büpalei lakhila kü hapa shatü, “Hapa keiha Jerusalemei nyupü Jehoda ami hapa shüngshep shembü yepei shatü Kung amei lak kü shuohtükhen shei Laangha Daülangpai enyüke” shei büpai eteke.

1 ONGPATHÜ 22:12

Lebü thibüthü kemei aihük mü teteivanei, “Ramoth-Gilead hahnüng aongtuh, hatü nüngi aokhen khih; Shembüpai hapa kahdok ongpalei lak kü shuohhen khih” shei e.

1 ONGPATHÜ 22:24

Hahepak kü Kenaanahlei cheha Zedekiah aongei Mikaiahlei dhe kü aptü, “Nüng kü ha ephahen mü Shembüpalei laanghai ngei tuhtü mepa lem kü daipa?” shei e.

DANIEL 8:4

Mi chebaonghai heshü, apsha hatü pehe phikü vaungi hokpü ngei eeteke. Mepa yemhimakiyao büpa khüei neyaongaok, hatü büpalei lakmong kübü üpayao neyangaok; büpai mongpükei büpai dük hatü longpü leiteke.

JEREMIAH 23:16

Jeiyong Shembüpai hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”