1 ONGPATHÜ 21:11 - DAÜLANGPÜ LAIHING (BSI)

¹¹ Hanangkü chingnyülei nyupü behethü hatü chinglong chingvangi jom kü Jezebeli shomshuohpü lai kü nyangpükei dükteke.

1 ONGPATHÜ 21:11 Referans Kwoze

PHONGSHANTHÜ DOU 5:29

Shejao Peter hatü phongshanthüi, “Hami shennyak leimeyü Kahvangei shah banghen.

PHONGSHANTHÜ DOU 4:19

Shejao Peter hi Johan nyi-i jomphong kü, “Kahvangi epü meyü amphongi epü-üng banghen Kahvang touei jiüpü hi nejiüpa ammi shah phentuh;

MATHI 2:16

Mechem heongphi leipü nahpülangpüthüi büpa kü luteke shei Herodi nyingpa, büpa longi mongshih, hatü büpa kü nahpülangpüthüi ejapü hepak aimü ittü Bethlehem hatü hapa shinei nyupü kübü hashihthü bong nyi hatü ha phang kübü peü ngeükhüam shuohtü jütükkem.

MATHI 2:12

Hatü Kahvangi mangh mü Herod ongpa touei nyokei neleihen shahvüng shuohtükpü nangkü jom lebü lemei jomei kahdok yemei leidai.

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

HOSEA 5:11

Ephraim amü tok vainyüke, shahphenpai nyonghüteke; Mehenangkü jom angkong kü sheühpü yemei longteiteke.

KANDOK 29:26

Peüi vanglem lembü leipü yahyang shinshang yemnyeih, shejao shennyak hüki shahhingü SHEMBÜPAleipüdangnyüpeih.

KANDOK 29:12

Vanglem lembü hüki shahshem kü bangjema, büpalei lakchongbüthü kemei shennyakten leidainyeih.

2 SHÜPPÜKENGPÜ 24:21

Shejao jomi büpa khüei yaong, hatü ongpalei ngeükhüam homei jomi büpa yaongi shükei phopshem chingshelei jütük.

1 SAMUEL 23:20

Hanangkü Oh ongpa, nüngi mechem yiühününgshang yiükei, hatü hami büpa nüngei lak kü yepei yahphahen” shei e.

1 SAMUEL 22:17

Hahepak kü ongpai yaakei büpa toueipü yombüthü kü, “Yaakei leiyei Shembüpalei ngongpathü jütuh; mehenangkü jomphongao David kü sheühnyu khih; jomphongi David lüdaipü nyingtü ha jung ngei kü ngaiyei ne-epeih” shei e. Shejao ongpalei chongphobüthüi Shembüpalei ngongpathü jühen lak neno.

LEVI 19:15

Shahhingi shahshem teleihü; taopa kü baong hanei nevaijü longpü am kü hayaoha bamei teno, shejao shahhingi ammei chingyowpalei shahphentuh.

MÜLANGPÜ 1:21

Naü bühjü sheühteipü nyüha nyi kü Kahvangi bampü nangkü jijinyi kao laophü laophülei awdep yemhen shuohteke.

MÜLANGPÜ 1:17

Shejao naü bühjü sheühteipü nyüha nyi-i Kahvang kü nyem, hatü Ijip ongpai jiji kü eshuohpükei nedük, shejao bahanaüthü-ao yangei tuh.

1 ONGPATHÜ 21:10

Büpai Kahvang hatü ongpa nyi kü eelapeih shei büpalei dhe kü nyeanshi thaüvaühen shingvaishi neveü gühshe shapü shennyak nyi büpalei dhe kü khangshi uohütuh. Hapheikü büpa chingmong leipü haolei müei daiyei yaongi shükei jütuh” shei e.

1 ONGPATHÜ 21:12

Jomphongi shüaeiyunglehen nyih hük chüng, hatü Naboth deiyei thaipü khongkü shongnyü uoshingei uohü.

ISAIAH 59:14

Shahhing changtük, daülangshemshepü taidai; chingyangshongei shahhing-ang huluh shuohhünyüke, hatü jiüshangpü shühen shing neshiü.