1 ONGPATHÜ 20:13 - DAÜLANGPÜ LAIHING (BSI)

¹³ Hahepak kü Israel ongpa Ahab touei thibü hanei peiyei, “Shembüpai hapakei enyüke: ‘Nüngi hapa veshan khong longpü eenyüla? Veituh, shinnyih ngei hathü nüngei lak kü shuohhen, hatü ngeiyü Shembüpa shei nüngi nyinghen’ shei enyüke” shei eshuohteke.

1 ONGPATHÜ 20:13 Referans Kwoze

1 ONGPATHÜ 20:28

Israel ongpa Ahab touei thibü hük peiyei, “Aram ami ngeiyü kahjilei Kahvang nevai, shejao shangchingthülei kahvangthü khih shei epü nangkü ngei hapa veshan khongnyü longpü nüngei lak kü shuohhen, hatü ngeiyü Shembüpa shei nüngi nyinghen” shei e.

EZEKIEL 20:22

Shejao ngei ngelei lak shounglangpeih, hatü ngelei men kü, hatü jatthüi eeshi ngelei men netenhen, hatü jomi eeshi ngei jom müei leilangpü nangkü ngei ha nedükpeih.

JOEL 3:17

Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

ISAIAH 37:20

Oh Shembüpa, hamei Kahvang, kahdoknyü ongchingthü peüi nüng monha Kahvang khih shei nyinghen shangmü nüngi büpalei lakmong leipü ham yangshih, Oh Shembüpa” shei phop.

2 ONGPATHÜ 7:1

Elisha-i jangei, “Shembüpalei shah bangtuh. Shembüpai hapakei enyüke: Ngenyih shaang kei Samaria penyüshalei ngin phahük kü atta dok jem nevaijü barley aung dok vok yukahen” shei e.

MÜLANGPÜ 16:12

“Ngei Israel am langmaanpü danteke. Om kü jomi phai hahhen, hatü dhom mü jom hahhüpüshük hahhen hahying danghen shei e; shejüang jomi ngeiyü Shembüpa, jomei Kahvang shei nyinghen” shei eteke.

MÜLANGPÜ 14:18

Mechem ngei jom neühenshang, Ijip ami ngeiyü Shembüpa shei nyinghen” shei eteke.

EZEKIEL 6:7

Ammei nanglakthü peü lemei jühen, shejüang nedi-i yangpüthüi ngeiyü Shembüpa shei nyinghen.”

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

2 ONGPATHÜ 13:23

Shejao Shembüpai jom kü phahjiei deih; mehenangkü büpai Abraham, Isak hatü Jakob mü vangteishuwteipü nangkü jom kü yahyang shinshang hu. Shinnyih thahshi büpai jom nemahtük nevaijü büpa toueipü nechangtük.

2 SAMUEL 10:13

Hanangkü Joab hatü büpa mü nyupü veshanthü Aramea am mü hokhen thepjulei heih, hatü jom büpa toueipü nyaidai.

1 ONGPATHÜ 20:14

Shejao Ahabi, “Üpai hapa vehok hokhenang?” shei phe. Thibüpai, “District kü mübüthü phangkü chongphopü nethe veshanthüi hokhen” shei e.

1 ONGPATHÜ 20:22

Hahepak kü hapa thibüpa Ahab ongpa touei peiyei, “Leiyei nüngei veshanthü wong kohshi thaiyei küpjan meishi lingtü show lingtuh; mehenangkü ngüvang ünyü hepak kü shao Aram ongpai nüng mü hoknüng peikahen” shei e.

JOSHUA 10:8

Shembüpai Joshua kü, “Nüngi jom kü tenyem; ngei nüngei lak kü jom shuohtepih. Jom üpayao am khüei neyaongaokpih” shei e.

1 ONGPATHÜ 18:39

Mechem nanglakthü peüi hapa eepa, jomi kahdokei doei shatü lenei, “Shembüpa, büpayü Kahvang! Shembüpa, büpayü Kahvang!” shei e.

2 ONGPATHÜ 3:18

Hapayü Shembüpa shingvaishi ahshi-üng douyo; büpai Moab amao ammei lak kü shuohhen.

2 SHÜPPÜKENGPÜ 20:15

Jahazieli e, “Bangtuh, Jehoshaphat ongpa, hatü Judah hatü Jerusalemei nyupüthü! Shembüpai am kü hapakei enyüke: ‘Hapa veshan khongnyü eeyei am tenyem nevaijü mongtemaan. Mehenangkü vehokü ammei nevai, hapayü Kahvangei.

2 SHÜPPÜKENGPÜ 20:17

Ammi hapa vehok hokhen nevai. Ami show lingtuh, hatü Shembüpai am kü aokpü shuohpü kü yaongshi veituh, Oh Judah hatü Jerusalem. Am tenyem nevaijü mongtemaan. Ngenyih am thepjulei heihtuh, hatü Shembüpa am mü nyukahen.’ ”