1 ONGPATHÜ 20:1 - DAÜLANGPÜ LAIHING (BSI)

¹ Shaang Aram am Ben-Hadad ongpai veshanthü peü thaihü. Büpa kü sheüh-ei ongthü hapüanpünyi jomei koyei hatü koyei kharithü temei thai. Büpa Samaria am mü hoknüng aongei hapa ching shümei hahteke.

1 ONGPATHÜ 20:1 Referans Kwoze

1 ONGPATHÜ 15:18

Hanangkü Asha-i Shembüpalei Phopshem, hatü büpalei ongshem leipü hon hi ngin kemei yah-ei büpalei lakchongbüthü mü Aram ongpa Damaskalei vanglem lempü Hezonei cheha Tabrimmon, Tabrimmonei cheha Ben-Hadad kü,

1 ONGPATHÜ 22:31

Shaang Aram ongpai büpalei koyei khari mübüthü jom hapüanpünyi kü ammi, “Israel ongpa mü lenei longpü maanpü üpa mao tehok” shei e.

1 ONGPATHÜ 15:20

Ben-Hadadi Asa-i epü kü mong, hatü büpalei veshanthü Israel kü chingnyüthü hahhen shom. Büpai Ijon, Dan, Abel Beth-Maakah hatü Khinneroth hatü Naphtali kahdok kemei hahtük.

AMOS 1:4

Hanangkü ngei Hazael ongpalei shem kü aw shomhen, hatü hapai Ben-Hadadei penyüsha hahtükhen.

DANIEL 2:37

Oh Ongpa, nüngü ongthü khongkü ong khih. Vangsho Kahvangi nüng kü ongching hean, ngan, wong hatü müknyinshekhang shuohteke;

EZEKIEL 26:7

Shembüpa Kahvangi hapakei enyüke: “Ngei Tyre am khüei apshaphi leipü Babylon am Nebukadnezzar ongpa, ongthü khong kü ong, büpa mü koyeithü, koyei kharithü, koyei veshanthü hatü longpü, wong kohpü veshanthü müei peihen.

JEREMIAH 49:27

Ngei Damaska penyü kü aw hapshuohhen, hatü hapai Ben-Hadad penyüsha hahtükhen.”

ISAIAH 37:24

Nüngei phongmokbüthü homei nüngi Shembüpa kü yaüei eteke, hatü nüngi, ‘Ngei koyei khari mü Lebanon kahshang shaopü thahshi aongtepih. Haleipü shaopü cedar, hatü meipü cypress püthü agtepih; hapa shangching teppü hatü hapa yingnyü yingnyak thahshi shütepih.

ISAIAH 10:8

“Ngelei veshan mübüthü peü ongthü hih” shei büpai enyüke.

EZRA 7:12

Artaxerxes, ongthü khongkü ongpai vangsho Kahvangei Shahkung nyuhbü hatü ngongpa Ezra touei selam:

1 ONGPATHÜ 20:24

Hatü hapayao dükütuh: Shaangpü ongthü peü jeitüktuh, hatü jom kü jeiyei jomei lakchongbüthü yahtuh.

1 ONGPATHÜ 20:16

Ben-Hadad hatü büpa mü sheühteipü ongthü hapüanpünyi jomei paümtapei yiüi chokdaikemtü nyupü hepak kü Israel am hamhah pheikü layaongei dai.

1 ONGPATHÜ 16:24

Büpai Shemer leipü ngin haja vok shuohtü Samaria kahshang shakteke. Omri-i hapa kahshang kü chingnyü ling, hatü büpai hapa kahshang kü Samaria shei shongpü hapa kahshangei shembüpalei men menteke.

1 SAMUEL 13:5

Philistia ami Israel am mü hokhen shingvaishi koyei khari haja hapüan, koyei kü uotü hokhen shennyak haja vok, hatü veshanthü yungching bhihhiphang kei thaitü aongei Beth-Aven heongphi Mikhmashlei baümtap veteke.

SHAHPHENBÜTHÜ 4:3

Mehenangkü Jabinü nyiam khari kho shü angteke, hatü büpai Israel nanglakthü shangkü longi mangshi hatü nemei-i vangbong kukha thahshi vanglem lem. Hahepak kü Israel ami Shembüpa kü sheühshih shei len.

SHAHPHENBÜTHÜ 1:7

Hahepak kü Adoni-bezeki, “Ngelei nükdü phangei ongthü pejempüan jomei lakphiennyü hatü laphiennyü dehtüktü nükkuk homei hahshi nyuhampeih. Ngei mehe hathü kü dükshuohpa, shaang Kahvangi ha ngei kü nyokei yahphopü khih” shei e. Jomphongi büpa Jerusalemei yah-ei lei, hatü büpa halei didai.

SHAHKÜP 28:52

Shembüpa, ammei Kahvangi am kü shuohpü kahdok kübü chingnyüthü peü mahhen, hatü ammi mongnyangpü shaopü chingnyü pethü laamdaihen.

SHAHKÜP 20:1

Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.

LEVI 26:25

Vangpüshuwpü mangtükpü shingvaishi bhüh hahhen ngei vehok koei peikahen, hatü ammei chingnyüthü mongei yanglem yemei thaiyei küpshi nyulangmao ngei am touei nemeiaokbenüng dinten shuohhen, hatü ammei vepathülei lak kü lanei shuohtükhen.

MÜLANGPÜ 14:7

büpai Ijip kü nyupü koyei kharithü peü kü lakchongbüthü uohütü peü mü meipü koyei khari kho vok müei dai.

1 ONGPATHÜ 20:2

Büpai Israel ongpa Ahab nyupü chingnyü mongei phongmokbüthü shomei, “Ben-Hadadi hapakei enyüke:

2 ONGPATHÜ 6:8

Shaang Aram ongpa Israel am mü hokei nyu. Büpai laophülei lakchongbüthü mü shah shetteitü, “Hapa keipü shingkü ngelei baümtap vehen” shei e.

2 ONGPATHÜ 8:5

Mechem büpai ongpa kü Elisha-i didaipü yangei leishihpü jung ejaei nyupa, Elisha-i cheha yangei leishihpü nyühanyüi ongpa kü pinnyülei kahdok, hatü shemshing yününg peiteke. Gehazi-i, “Ngelei shembü ongpa, nyühanyüyü hapa hih, hatü Elisha-i cheha yangei leishihpü pinnyülei chehayü hapa hih” shei e.