1 ONGPATHÜ 2:37 - DAÜLANGPÜ LAIHING (BSI)

³⁷ Nüng haleipü laoei daipü hatü Kidron kahji homei daipü nyih-üng nüng hingmei mahhen shei deihtuh; nüngei iy nüngi kohen” shei e.

1 ONGPATHÜ 2:37 Referans Kwoze

2 SAMUEL 1:16

Davidi büpa kü, “Nüngei iy nüng shak kü nyutuh; nüngi laophülei ju-i, ‘Ngei Shembüpai jepü shennyak jüpeih’ shei denpü shuohteke” shei e.

2 SAMUEL 15:23

Nanglakthü peü peih-ei daishingkü kahmük kempai wongmü thep; ongpayao Kidron kahji homei dai, hatü nanglakthü kemei yingnyü lemei dai.

JOSHUA 2:19

Am hük dangkao shemong leipü chingshelei vamjema, büpa mahpeyü büpa-üng pungpü vaihen, hatü hayü ham pungpü nevaikahen; shejao shemongei nüng mü nyupü hük kü dangkao lak shihjema, hapa mang hami kohen.

JOHAN 18:1

Jisui hathü shah eyei kempheikü büpai büpalei nanglomthü mü Kidron Kahji homei pe hük nyupü shing hükei dai, hatü halei büpa hatü büpalei nanglomthü nyuteke.

EZEKIEL 18:13

Büpai nanglei yemei mih kü hang lushuohnyüke, hatü lop longi bhüei yahnyüke. Hapa keipü shennyak yemmü nyuhen je? Büpa nenyuaokhen! Büpai hathü jiühitpü douthü dükpü nangkü, büpa hingmei dihen, hatü büpalei iy büpalei shangjingei kohen.

2 ONGPATHÜ 23:6

Büpai Shembüpalei Phopshem leipü Asherah nyüha kahvangei lajei chingnyü haolei Kidron Kahjilei deiyei aw kü jaktük, hatü hapa depla yah-ei khih mü ngümtü ching mahngchongei haitük.

LEVI 20:9

Shennyak hanei-i laophülei nyühipa kü thaüvaüjema, hapa shennyak jütükhen, hatü büpalei iy büpa shak kü nyuhen.

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

2 SHÜPPÜKENGPÜ 29:16

Ngongpathüi phopshem daühen shü. Jomi phopshem mongei dangpü nedaünelangpü dou lemphü yah-ei ngai. Levi ami ha yah-ei Kidron Kahjilei koei dai.

1 ONGPATHÜ 15:13

Büpai chebi Maakah ongla hümlungnyü vaipü kübüao katitük; mehenangkü pinnyüi jiühitnalaipü Asherah kahvangei lajei ling; Asa-i lajei mangtük, hatü Kidron Kahjilei aw kü jaktük.

1 ONGPATHÜ 2:33

Jiji jüpü iy kübü pungpü mangü Joab hatü büpalei hühihathü kü denden kü nyemhet. Shejao David hatü büpalei hühihathü, büpalei shem am, hatü ong uoshing kü düngei SHEMBÜPAleipü chingmeivangmei nyuhen” shei e.

1 ONGPATHÜ 2:31

Hahepak kü ongpai Benaiah kü, “Büpai epükei dükeishuoh. Büpa jütüktuh hatü vüphongtuh; hapa keiha mang neshiüpü kü Joabi iy yenhüpü mang kübü ngei hatü opalei shem am daütükshih.

1 ONGPATHÜ 2:38

Shimei-i ongpa kü, “Nüngi mehe e, hayü meiangke. Ngelei shembü ongpai epükei nüngei chongphobüi dükhen” shei e. Epükei Shimei-i Jerusalemei hepak luangi nyu.