1 ONGPATHÜ 2:3 - DAÜLANGPÜ LAIHING (BSI)

³ hatü Shembüpa, nüngei Kahvangi mehe nanya ha düktuh. Büpalei lemthü kü kamtuh, hatü büpalei shahkungnyüthü peü Mosa Shahkung kü nyangei nyupükei düktuh. Shejüang nüngi dükpü lemphü kü, hatü nüng daipü lem peü kü dapüshepü nyukahen,

1 ONGPATHÜ 2:3 Referans Kwoze

SHAHKÜP 29:9

Ammi dükpü lemphü kü aokpü danghen shingvaishi hapa vangpüshuwpü mong shuoh-ei düktuh.”

MENVIH KESHO 119:2

Üami büpalei shahkungthü notei, hatü mongdang kempai büpa yem, jom moihiman.

1 SHÜPPÜKENGPÜ 29:19

Ngelei ha Solomon kü mongdang hüki nüngei shahkung, nüngei vanglem hatü nyuhpüvenpü peü dükhen, hatü ngei dou temei tuhshuohpü phopshem vehen chudeih mongdang yah-eishuoh.

MENVIH KESHO 119:111

Nüngei shahkungthüyü düngei ngelei mükjüp; hathüyü ngelei mongdangi mongongpü.

MALAKI 4:4

Ngelei chongphobü Mosa-i nyuhpü venpü Israel am peüi banghen shingvaishi Sinai Kahshangei ngei büpa kü shuohpü shahkungnyüthü deih-ei dangtuh.

MENVIH KESHO 119:138

Nüngi shuohpü shahkung kemei daülangpü, hatü hayü hinglemhen nyüke.

1 SAMUEL 18:14

Büpai dükpü lemphüli kü aokpü dang mehenangkü Shembüpa büpa mü nyu.

JOSHUA 22:5

Shejao Shembüpa, ammei Kahvang kü bamhen, büpalei lemthü kü kamhen, büpalei shahkungthü banghen, büpa kü wongshongi shuonghen hatü ammei mongdang hatü laangha kempai büpa chongphohen shingvaishi Shembüpalei chongphobü Mosai am kü shuohpü shahkungthü kenhingei noteituh” shei e.

MENVIH KESHO 19:7

Shembüpalei shahkungnyü den ngoipü, laangha jatonghünyeih. Shembüpalei shahkungü hinglembenüng; ngashi nyupüthüao nahhünyeih.

2 ONGPATHÜ 18:7

Shembüpa büpa mü nyu; büpai dükpü lemphü kü aokpü dang. Büpai Assyria ongpa khüei yaong, hatü büpai büpa chongnepho.

2 SAMUEL 8:14

Büpai Edom kahdok kempülei veshanthü khong longpü tuh, hatü Edom am kemei David phangkü nyu. Shembüpai David daipü lem peü kü aokpü danghü.

2 SAMUEL 8:6

Hapheikü Davidi Damaskalei Aramea am kü veshanthüi yomei tuh, hatü Aramea am David phangkü nyu, hatü büpa kü bom ühteke. David melemei dai, peü lem kü Kahvangi aokpü danghü.

1 SAMUEL 18:30

Hapheikü meshükpa Philistia ami hokhen daihenshang hajükpa Saulei lakchongbüthü meyü Davidei shennyakthü nyeinya aokpü dang; hapa keiha Davidü men-e leiteke.

1 SAMUEL 18:5

Sauli David melemei shomhenshang lemphüli aokpü dangei mon leijapü nangkü Sauli büpa veshanthü shak kü mübü vaihü. Hapakei dükpü nangkü nanglakthü hatü Saulei lakchongbüthü peüi mongongei deih.

SHAHKÜP 5:1

Mosai Israel am peü chemi nyükei thaihütü jomphong kü eteke: “Oh Israel am, shinnyih ngei ammi danshi epü shahkungnyüthü bangtuh. Hathü nyingei yahtuh hatü dou leiyei düktuh.

SHAHKÜP 4:45

Hapayü jomphong Ijip leipü vamei daipheikü Mosai jom kü shuohpü shahkungnyü nyüke,

SHAHKÜP 4:8

Ngei shinnyih amphong kü shuohpü shahhing shahkung kei lebü longpü üam jatthülei hapa keipü shahkung hatü vanglemthü nyüpa?

SHAHKÜP 4:5

Ammi yahhen nyupü kahdokei dükhen shingvaishi Shembüpa, ngelei Kahvangi ephopükei ngei am kü shahkungnyüthü peü nyuhtepih.

SHAHKÜP 4:1

Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

LEVI 8:35

Am ashakshem shadenei nyihnüng yanüng shei nyih nyet nedai-i nyutuh, hatü am nedihen shingvaishi Shembüpai mehe enya ha düktuh; mehenangkü hayü ngei kü ephopeih” shei eteke.

1 ONGPATHÜ 3:3

Moidü shing longilei moila shuohpü, hatü ayingshü jakpü mü lenei Solomoni Shembüpa kü longi bam, hatü chepa Davidi nyuhpü lem kü kam.

SHAHKÜP 29:8

Jeni jomei kahdok yah-ei Reuben, Gad hatü bhaosheipü Manasseh phang nyi kü mükjüp vaishi shuohteke.

JOSHUA 23:6

Hanangkü ammi kenhingei Mosa shahkung kü mehe nyangei nyu, ha banghen hatü dükhen kentuh, hatü haleipü laknyong nevaijü lakdah melemeiyao teleptei;

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.