1 ONGPATHÜ 2:19 - DAÜLANGPÜ LAIHING (BSI)

¹⁹ Hanangkü Bathshebai Solomon ongpa touei Adonijahlei men kü hapa ehen pei. Ongpai chenyü mü pongteihen yaong, hatü pinnyü touei aümei sha, hatü laophülei ong uoshingei uo. Büpai chenyü shingao uoshing hük dei, hatü pinnyü ongpalei lakdah philei uohü.

1 ONGPATHÜ 2:19 Referans Kwoze

MENVIH KESHO 45:9

Ongthülei yiükhathüyü nüng kü dhüm shuohpü nelathü khong kü nyüke; nüngei lakdah philei onglanyü Ophir hon notü yaongnyüke.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

1 ONGPATHÜ 15:13

Büpai chebi Maakah ongla hümlungnyü vaipü kübüao katitük; mehenangkü pinnyüi jiühitnalaipü Asherah kahvangei lajei ling; Asa-i lajei mangtük, hatü Kidron Kahjilei aw kü jaktük.

LEVI 19:32

Viünyü viüpa kü sheühtuh; behe kü dhüm shuohtuh, hatü ammei Kahvang kü nyemtuh. Ngeiyü Shembüpa.

LEVI 19:3

Am peüi laophülei nyü hatü pa kü dhüm shuohtuh, hatü Sabbath themtuh. Ngeiyü Shembüpa, ammei Kahvang nyüke.”

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

MATHI 25:33

hatü büpai mithü lakdah philei, hatü yumthü laknyong philei tuhhen.

1 ONGPATHÜ 2:18

Bathshebai, “Meiteke, ngei nüng nangkü ongpa kü eshuohshah” shei e.

KAHBHAO 48:12

Hapheikü Joseph-i jiji chepalei shüngdok leipü yahlangtü büpai büpa touei kahdokei aümei sha.