1 ONGPATHÜ 19:19 - DAÜLANGPÜ LAIHING (BSI)

¹⁹ Hanangkü Elijah hatoueipü daiyei Shaphatei cheha Elisha pongteke. Halei mohohbaong jora anpünyi han hokei chongjateke, hatü büpayü shompü anpünyipabü mohoh mütü han hokei nyuteke. Elijah-i büpa touei heihtü büpalei ashaki büpa kü ümteke.

1 ONGPATHÜ 19:19 Referans Kwoze

2 ONGPATHÜ 2:8

Hahepak kü Elijah-i büpalei ashak yah-ei temtü yung kü bhei, hatü jiji kahvan kü yung manghomdai thahshi laknyong lakdah philei yung handai.

1 SAMUEL 28:14

Büpai pinnyü kü, “Büpa veiheni mekei khih?” shei phe. Pinnyüi, “Viüpa hük ashak ümtü vamkei-i eenyüke” shei e. Hanangkü Sauli hapayü Samuel khih shei nying hatü büpa kahdokei aümei shatü khüm.

ZEKHARIAH 13:5

shejao jomi, “Ngeiyü thibü hük nevaipih, ngeiyü vangsha am hih; mehenangkü hashih mebü kahdok kü ngüh-ei shünyü langei heihpeih” shei ehen.

1 ONGPATHÜ 19:13

Mechem Elijah-i ha danpa, büpai ashak shüei anei dhe kü jümtü vamei yaongsha shadenei yaong. Hahepak kü ngeü hüki büpa kü, “Elijah, nüng hatouei mehe lingnya?” shei phe.

SHAHPHENBÜTHÜ 6:11

Hahepak kü Shembüpalei phongshan yiüei Ophrah chingei Abiezer am Joashlei longkhampü phangei peiyei uoteke. Büpalei cheha Gideonü yiü bhitshingei Midian am kü joei wheat hah tenei nyu.

MÜLANGPÜ 3:1

Shaang, Mosai cheko Jethro, Midian am ngongpalei mi yomei nyu; büpai mithü müei yingnyü homei Kahvangei daülangpü Horeb Kahshangei aong.

AMOS 7:14

Amos-i Amaziah kü jangei e, “Ngeiyü thibü hükao nevai, nevaijü thibülei hapeüao nevai, shejao ngeiyü mi yombü hük, hatü bhukjük pü kah lingpü shennyak hük nyuhampeih.

HEBREW 11:37

Jomphong kü yaongi shükei, nyi anei püvet longkhoih-i vetei, yani bapei jüteke; jomphong kü mishuw hatü yumshuw yah-ei owhü, taoeinangei shüveiyei hanghiyei angteke.

1 SAMUEL 11:5

Shaang-üng Saul kah lingei nyupü mohoh müei leiyaki büpai, “Nanglakthü hapakei thephen meyü mehe pongpa?” shei phe. Hahepak kü jomi büpa kü Jabesh ami mehe epa, ha jung ejateke.

1 ONGPATHÜ 19:16

Shao Israel kü ong vaihen Nimshilei cheha Jehu jetuh, hatü Abel-Meholah leipü Shaphatei cheha Elisha nüng nangjeiyei thibü vaihen jetuh.

AMOS 7:15

Shejao Shembüpai ngei kü mi yompü dousho kübü nyükei ngei kü, ‘Daituh, hatü ngelei nanglak, Israel am kü teteivanei eyeishuoh’ shei ephopeih” shei e.