1 ONGPATHÜ 19:14 - DAÜLANGPÜ LAIHING (BSI)

¹⁴ Büpai jangei, “Ngeiyü Shembüpa Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük, nüngei moidüthü benei yaktük, hatü nüngei thibüthü peü jütükteke. Shaangü ngei mon aopü khih, hatü shaang jomphongi ngeiyao jütüknüng yemnyüke” shei e.

1 ONGPATHÜ 19:14 Referans Kwoze

HEBREW 8:9

hayü ngei Ijip kahdok leipü mülangpü ngelei laki müei daipü nyih chebü chepa mü lingpü vangpüshuwpü kei nevai; Mehenangkü jomi ngelei vangpüshuwpü kü nedoh-i nenyu; Hanangkü ngei jom baong neyemi tuhpeih shei Shembüpai enyüke.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

DANIEL 11:30

Mehenangkü büpa khüei Kittim leipü jahasthü peihen, hatü büpa nyemei mongmah-ei nyokei leidaihen. Büpa mongshih-ei nyokei leiyei Kahvangei daülangpü vangpüshuwpü khüei dou dükhen. Büpa nyokei leiyei Kahvangei vangpüshuwpü yaktükpüthülei shah yahhen.

JEREMIAH 22:9

hatü hapa kü jangpeyü, “Mehenangkü jomi Shembüpa, jomei Kahvang mü vangpüshuwpü mangtüktü lebü kahvangthü kü khümei chongphopü nangkü ha vampüja” shei ehen.

ISAIAH 62:1

Zionlei daülangshemshepü vanghela kei mangnya thahshi, hatü Jerusalemei yemleipü awnya kei mangnya thahshi, Zion men kü ngei nenmü nenyupih, hatü Jerusalem nangkü ngei nyiumeiyei nenyupih.

ISAIAH 1:4

Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.

MENVIH KESHO 78:37

Jomei mongi büpa kü lanei neshuoh, büpalei vangpüshuwpükü jom hingshangi nenyu.

SHAHKÜP 31:20

Mechem ngei jomei chebü chepa kü lahpü amma hatü nyahjiü yenpü kahdokei müei daihen hatü mechem jomi mohmeiyei hahtü nyiushem kü nyuhenshang, jomi ngei tuhphongtü ngei mü vangpüshuwpü mangei lebü kahvangthü touei lepei hathü kü khümhen,

SHAHKÜP 29:25

hatü hapa kü jangpeyü, “Hapayü Shembüpa, jomei chebü chepalei Kahvangi jom Ijip leipü müei daipü hepak kü jom mü vangpüshuwpü mangtükpü nangkü,

ROM SHAHSHA APPÜ 11:3

“Shembüpa, jomi nüngei thibüthü jütük, jomi nüngei moidüthü bentük; sheyü ngei monha aoteke, hatü jomi ngei jühen yemnyüke.”

1 ONGPATHÜ 18:22

Hahepak kü Elijah-i nanglakthü kü, “Shembüpalei thibü-ü ngei monha aopü khih; shejao Baal kahvangei thibüthü-ü kho ali mü pinyipüan nyüke.

1 ONGPATHÜ 18:30

Hahepak kü Elijah-i nanglakthü peü kü, “Ngei yopailei heihkei” shei e, hatü nanglakthü peü büpa yopailei heih. Mangtüktü nyupü Shembüpalei moidü büpai ling.

DANIEL 3:18

Shejao büpai hapakei neyangphüjao, Oh Ongpa, hamphongi nüngei kahvangthü chongnephohen hatü nüngi lingpü hon lajei kü nekhümpih shei nüng kü nyinghünyüpeih” shei jangei e.