1 ONGPATHÜ 19:11 - DAÜLANGPÜ LAIHING (BSI)

¹¹ Shembüpai büpa kü, “Vamtuh hatü Shembüpalei Kahshangei yaongtuh; mehenangkü Shembüpa hatou peih-ei daikahen” shei e. Hahepak kü longi wong kohshi vanglük lükei kahshangthü bhaoei yaongnyüthü khih mü bhaokteke, shejao hapa vanglükei Shembüpa nenyu. Vanglük lükpheikü shao pedi vük, shejao haleiyao Shembüpa nenyu.

1 ONGPATHÜ 19:11 Referans Kwoze

EZEKIEL 1:4

Ngei veishingkü apshaphi leipü yinglükleisho vamkei-i ee. Phumtem longpü hük hapa kü vangngai-i shinei yahtü awlah kei klang nyaüpei vamteke. Aw jiamü nyiam nyeleppü keiha nyuteke,

MENVIH KESHO 50:3

Jenei Kahvang peikünyüke, hatü nenmü nenyunyu; büpa touei laiyeilungei hahhen aw, hatü mangpü yinglükpalei shinei nyüke.

ISAIAH 30:30

Shembüpai büpalei müknyinshekhangpü ngeü peü kü danhühen, hatü büpalei lak mongshihpai awlom mü, phumnyak hatü klang vangteng, hatü shü vüpükei yiükünyüke.

JOB SHAHSHA APPÜ 38:1

Hapheikü Shembüpai yinglükpalei kübü vamei Job kü eteke:

HEBREW 12:26

Hahepak kü büpalei ngeüi kahdoknyü jenhü, shejao shaang büpai, “Shao chem ngei kahdoknyü mon nevai, vangshothüao jenhühen” shei lahteke.

EZEKIEL 37:7

Ngei kü ephopü keiha ngei teteivanei e, hatü ngei teteivanei eshingkü ngangahük kü jenao jenshi ngeü hük vam, hatü vangtaothü hüki hük mü thentei.

MENVIH KESHO 68:8

kahdoknyü jennyüke, hatü vangshoi Sinai Kahvang touei, hatü Israel Kahvang touei vang keihünyüke.

MÜLANGPÜ 34:2

Nüngi ha nepnüng dhom mü temtuh hatü Sinai Kahshang shangtaolei ha ngei kü shuohhen aongkei.

MÜLANGPÜ 19:20

Mechem Shembüpa Sinai Kahshang shangtaolei yiüpa, Shembüpai Mosa kü kahshang shangtaolei aongkei shei nyük, hatü Mosa aong,

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

SHAKEI VAMPÜ 16:18

Halei klang nyepei, vangmuk khungei hatü ahshi mangshi pedi vükei pei; kahdoknyü kü hangku nyuhinüng chemao hapakei nevam; pedi ahshi mangshi vükteke.

SHAKEI VAMPÜ 11:19

Hahepak kü vangsho leipü Kahvangei phopshem apteke, hatü büpa Vangpüshuwpü Pela phopshem mongei ee, hatü halei klang nyeppü, klungpü hatü vangmuk khungpü, pedi vükpü hatü vihpü shüyaong nyuteke.

MÜLANGPÜ 24:18

Mosai phum yingkü shüei kahshangei aong; halei büpa nyih pinyi ya pinyi nyuteke.

MÜLANGPÜ 24:12

Shembüpai Mosa kü, “Ngei touei kahshangei aongkei, hatü hamü dantuh; hatü ngei nanglakthü kü noteihen shingvaishi nyangpü shahkungnyü kemei kohshi yaongshung nyi yahphahen” shei e.

MATHI 28:2

Ngangahük kü pedi longi vük; mehenangkü Shembüpalei vangsho phongshan hük vangsho leipü yiüei ha yaong ngowtüktü ha kü uoshi nyuteke.

ZEKHARIAH 4:6

Büpai ngei kü, “Hapayü Zerubbabel kü Shembüpai epü shah nyüke: ‘Wongi nevai, ngani nevai shejao ngelei laanghai’ shei Jeiyong Shembüpai enyüke” shei e.

NAHUM 1:3

Shembüpayü mongshihhen youngmü, hatü nganhiwong kü longpü nyüpeih; Shembüpai nemeipü am kü hanghi neshuoh-i hei-üng netuhphongnyih. Büpalei lemü alüngleple kü nyüke; yinglükleisho hatü phumthüyü büpalei la kübü bhihla nyüke.

MÜLANGPÜ 34:6

Hatü Shembüpai büpa shekü, “Shembüpa, Shembüpa, phahjipü hatü shinshangpü Kahvang, mongshih youngmü anpü, hatü bampü hatü monglempü kü den ngoipü.

MÜLANGPÜ 20:18

Mechem nanglakthü peüi klang vangteng, amit ngeü danpa, hatü kahshangei awshit vampü eepa, jom nyemei kheüteke, hatü tailuei yaongdaikem,

MATHI 24:7

Mehenangkü jati jat khüei, hatü ongchingi ongching khüei yaonghen, hatü shing peü philei shaühile hatü pedi vükpü nyukahen.

ZEKHARIAH 14:5

Judah am ongpa Uzziah hepak kü pedi jenpü kü nyaipükei kahshang handaitü Azel thahshi vampü kahji kü am nyaiyei daihen. Hahepak kü Shembüpa, ngelei Kahvang büpalei phongshanthü büpa mü yiükahen.

1 SAMUEL 14:15

Hahepak kü veshanthü kemei baümtapei, kahlei, veyomdülei hatü thepju kü yaongpüthü kemei nyemdai; kahdok jenteke hatü nyempüvüngpü longi nyuteke.

MÜLANGPÜ 19:16

Nyih jempabü dhom kü baümtapei nyupü nanglakthü peü nyemei kheüshi kahshangei klang vangteng hatü phum thihteke, hatü amit ngeü longpai vüngteke.

MENVIH KESHO 68:9

Oh Kahvang, nüngi vang changshi keihünyüke, hatü cheü neshiüpükahdok shao kahcheü vamhünyeih.