1 ONGPATHÜ 18:19 - DAÜLANGPÜ LAIHING (BSI)

¹⁹ Hanangkü shaang ngei mü Karmel Kahshangei pongteihen shingvaishi Israel am peü kü nyükkütuh, hatü Jezebelei nükdülei hahyingpü Baal kahvangei thibüthü jom kho ali mü pinyipüan, hatü Asherah nyüha kahvangei thibüthü jom kho ali omshi nyükkei” shei e.

1 ONGPATHÜ 18:19 Referans Kwoze

1 ONGPATHÜ 16:33

Ahabi büpa she kübü Israel ongthüi dükpü mü nyeishi büpai Asherah nyüha kahvangei lajei ling, hatü hapai nyeinya Shembüpa, Israel Kahvang mongshihhü.

JOSHUA 19:26

Allammelekh, Amad, hatü Mishal omei nyu. Heshüphi kü viongü Karmel hatü Shihor-Libnath kü leanshi nyu.

2 ONGPATHÜ 2:25

Haleipü büpai Karmel Kahshangei aong, hatü haleipü Samarialei nyokei leidai.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

SHAKEI VAMPÜ 2:20

Shejao ngei am khüei ha nyüpeih: Ammi hapa nyüha Jezebel, üpa pinnyü nyingi thibüla shei etü ngelei chongphobüthü kü mükbongjuyunghen hatü lajeithü kü moila shuohtükpü hahying hahhen nyuh-ei lemnyong kü mülang, ammi pinnyü hei-üng veishi tuhnyüke.

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

AMOS 9:3

Karmel shangchingei jom aongei jodaijao, haleipao ngei jom yemei yepei leihen, hatü jomi ngei toueipü yungching shaongdohlei shüei jodailangmao, haleipao ngei yungching biünyü kü ngeükhüam shuohhen, hatü hapai jom kü kaokhen.

AMOS 1:2

Amos-i e: Shembüpai Zion Kahshang leipü ngüngnyüke, hatü Jerusalem kübü büpalei ngeü annyüke; mi yombüthülei het ühshing phenha kaudaiteke, Karmel kahshang leipü thüng vandaiteke.

JEREMIAH 46:18

Ngeiyü vanyangyem Kahvang, Jeiyong Shembüpa, ongpa. Kahshangthü peü mü Tabor Kahshang shaopü keiha, yungching shangkü Karmel kahshang shaopü keiha, am hahhen hük peikahen.

2 ONGPATHÜ 13:6

Shejao jomi Israel am mang thahhüpü Jeroboam am shemei mang kübü neyan hatü nedoh-i hapa kü nyu, hatü Samarialei Asherah kahvangei lajeiyao lakshing tuh.

2 ONGPATHÜ 9:22

Mechem Jorami Jehu eepa, büpai, “Jehu, mei deihshi peiküpü vaaikhihma yo?” shei e. Jehu-i jangei, “Anyü Jezebeli dükpü mükbongjuyung, hatü phongyom hingletpü nedoh-i nyupü thahshi mehe chingmei nyuaokhen?” shei e.

1 ONGPATHÜ 22:6

Hanangkü Israel ongpai thibüthü jom kho ali hükshing nyükei leiyei jom kü, “Ngei Ramoth-Gilead hahnüng daihen hi nedaihenang?” shei phe. Jomi büpa kü, “Daituh, mehenangkü Shembüpai ongpalei lak kü hapa shuohhen” shei e.

1 ONGPATHÜ 18:22

Hahepak kü Elijah-i nanglakthü kü, “Shembüpalei thibü-ü ngei monha aopü khih; shejao Baal kahvangei thibüthü-ü kho ali mü pinyipüan nyüke.

1 ONGPATHÜ 15:13

Büpai chebi Maakah ongla hümlungnyü vaipü kübüao katitük; mehenangkü pinnyüi jiühitnalaipü Asherah kahvangei lajei ling; Asa-i lajei mangtük, hatü Kidron Kahjilei aw kü jaktük.

1 SAMUEL 15:12

Nepphei lomi büpai Saul mü pongteihen daishingkü Samuel kü, “Saul-ü Karmelei heihteke. Halei büpai büpalei men kü nebehen yaonglu hük sheiyei nyüpüja, hatü haleipü Gilgalei yiühenja” shei eshuoh.

1 ONGPATHÜ 18:20

Hanangkü Ahabi Israel am peü, hatü thibüthü peü Karmel Kahshangei nyükei thaihü.

2 ONGPATHÜ 3:13

Elisha-i Israel ongpa kü, “Ji aa kü eteihen mehe nyüpa? Anyü hi ampa ami pheteihampü thibüthü kü daiyei phehahtuh” shei e. “Nevaipih! shei Israel ongpai jangei e; mehenangkü Moab am kü shuohtüknüng shei ongthü ham jem kü nyükpeyü Shembüpa hih” shei e.

2 ONGPATHÜ 10:19

Hanangkü shaang Baal kahvangei thibüthü peü, büpa chongphobüthü hatü ngongpathü peü nyükkei. Hükao ne-ami nyüktuh; mehenangkü ngei Baal kahvang kü moila longpü shuohnüng hih. Üpai nepeihenshang yemmü netuhpih” shei e. Shejao hayü Baal kahvang chongphopüthü jütüknüng shei Jehu-i lawlüppü shiüteke.

NEHEMIAH 5:17

Jen shonei nyupü jatthü kübü peipüthü mü lenei Jehoda nanglak hatü lakchongbüthü düngei kho hük mü pinyipüan thahshi ngelei nükdülei hahhampeih.

SOLOMONEI KESHO 7:6

Nüng meshük nela meipüang, Oh monghahpü nelanyü!

JEREMIAH 23:13

Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.