1 ONGPATHÜ 17:12 - DAÜLANGPÜ LAIHING (BSI)

¹² Shejao pinnyüi, “Shembüpa, nüngei Kahvangei men kü enyeih, lingtükpü aan sheiyü neshiüpih; dük hükei atta aan lakpaoh hük mon, hatü shong hükei mainga maani mon nyüpeih. Hapeü henjinyi-i hapa aan lingei hahtü didaihen shei deihshi aan linghen pü yahnyüpeih” shei e.

1 ONGPATHÜ 17:12 Referans Kwoze

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

KAHBHAO 21:16

Hapheikü pinnyüi lahhan kappü daiyei vüpü shing shük taishi daiyei uoteke; mehenangkü pinnyüi, “Ngelei hapeü dipü ngelei müki neveihahhüang” shei e. Pinnyü halei daiyei wongmü thep.

YOUNG LAI 4:9

Hahhen yinghen neshiüi phaülei aeiyei leyei dileimeyü, vehok kü didaipüthü-üng vangmei khih.

JEREMIAH 14:18

Ngei kahlei shajajao yani mahpüthü mon eenyüke. Ngei chingnyülei shüjajao münghishaü homei dipüthü mon eenyüke. Thibü hatü ngongpathü peü jomi nenyingpü kahdokei shüei lüdainyüke.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

2 SAMUEL 15:21

Shejao Ittai-i ongpa kü, “Vanyangyem Shembüpalei men kü, hatü ngelei shembü ongpa nyupü thahshi, melei ngelei shembü ongpa nyuhen, dijao yangjao haleiüng nüngei chongphobü nyuhen” shei e.

1 SAMUEL 26:10

Davidi, “Vanyangyem Shembüpai jütükhen, nevaijü büpalei hantet ngoiyei dihen nevaijü vehok kü daiyei mahdaihen.

1 SAMUEL 25:26

“Hanangkü shaang ngelei shembü, nüngei laki bhüh yemei iy yenhen kübü Shembüpai shoungei tuhpü khih. Nüngei vepathü üami nüng kü nemeipü dükhen yemnya, jomphongao Nabal kei hanghihen.

1 SAMUEL 20:21

hatü ngei naü hük shomei, ‘Yiütuh, hapa lahhan yemtuh’ shei ehen. Ngei büpa kü, ‘Veituh, veituh lahhanü nüng lemei nyüke, hathü ankei’ shei eküjema, nüng aongkei; mehenangkü vanyangyem Shembüpalei men kü nüng shingvaishi ten hatü vongshüh neshiü.

1 SAMUEL 20:3

Shejao Davidi lah-ei, “Nüngi meshük ngei kü kennya ha ampai nyingei nyüke, hatü büpai, ‘Jonathan kü ha nenyinghüpih, hei nevaijema büpa hanghihen’ shei deihnyüke. Shejao vanyangyem Shembüpalei men kü, hatü nüng yemmü nyupü thahshi ngei hatü dihen nyi aa kü lakham hük mon nyüke” shei e.

1 SAMUEL 14:45

Shejao nanglakthüi Saul kü, “Israel kü aokpü longpü danghüpü Jonathan jütükhen je? Hapakei nevai! Vanyangyem Shembüpalei men kü vangei enyeih, büpalei shangjing kübü sholah hükao nevüshihpih; mehenangkü Kahvangi sheühpü homei büpai ha dükpeih” shei e. Hanangkü nanglakthüi Jonathan nejütüki yangei tuh.

1 SAMUEL 14:39

“Israel am kü aokpü danghüpü Shembüpalei men kü vangei enyeih, üpai pungpüshang jühen; ngelei ha Jonathan vaijao jühen” shei e. Shejao üpaiyao shah phahükao ne-e.

MATHI 26:7

nyüha hük phei longi wongpü vong büpü meli dük hük deiyei büpa haüdü touei uoshi nyushingkü ha yah-ei shangjing kü cheiteke.

KAHBHAO 21:15

Mechem koei daipü yung kemdaipa, pinnyüi naü pü hük phangei tuhphong.

1 ONGPATHÜ 17:11

Pinnyüi hapa deijanüng heihjajü büpai pinnyü kü nyüktü, “Nüngei lak leipü aanao deikei” shei e.

1 ONGPATHÜ 17:13

Elijah-i pinnyü kü, “Nüng mongteshang. Shemei leiyei nüngi epükei düktuh; shejao shongei ngei kü shong hapa aan maani yah-ei lingtü ngei kü yahshih; hapheikü mon anha anji shing linghahtuh.