1 ONGPATHÜ 16:9 - DAÜLANGPÜ LAIHING (BSI)

⁹ Shejao büpalei koyei kharithü hükkeishing kü veipü büpalei lakchongbü Zimri-i büpa khüei yaong. Hahepak kü Elah-ü Tirzahlei yiüi chokei Tirzah ongshem kü veibü Arza am shemei nyu.

1 ONGPATHÜ 16:9 Referans Kwoze

1 ONGPATHÜ 18:3

Ahabi ongshem kü veibü Obadiah kü nyük. (Obadiah-ü Shembüpa kü longi dhüm shuohshi vaipü shennyak hük nyuteke.

KAHBHAO 39:4

Hanangkü Potiphar-i Joseph kü monghah-ei deih, hatü büpalei shemei nyupü lemphü kü büpai veibü vaihen dousho shaei tuh.

KAHBHAO 24:2

Abrahami büpalei chongphobü peü mü behe hatü khei vaipü shennyak kü, “Ngelei shüngkung kü nüngei lak haütuh,

LUK SHAHSHA APPÜ 21:34

“Lishi nyutuh, hei nevaijema mop dameihupü, yiü chokpü hatü yangnyu mongshangi ammei mong vihhen, hatü hapa nyih nüngi nenyingpü kü taikoni keiha nüng manlanghen.

NAHUM 1:10

Jomphongü hühhihang kü hühhen, hatü jomei yiüi chokhen; Jomphongü hahtang kei awi hahtükhen.

DANIEL 5:30

Ha ya-üng Babylon ongpa, Belshazzar jütükteke,

JEREMIAH 51:57

Ngei jomei lakchongbüthü, hatü kon kohpü shennyakthü, jomei governor, mübüthü hatü veshanthü yiüi chokhühen; Jom den kü shidaihen hatü nepao-aokhen shei Ongpa, üpalei men, Jeiyong Shembüpa nyüpa, büpai enyüke.

2 ONGPATHÜ 15:30

Judah kü Uzziahlei cheha Jotham vanglem lempü bong kukhapabü kü Elahlei cheha Hoshea-i Pekah ongpa khüei phaüshah show, hatü büpa jütüktü jeiyei ong vaiteke.

2 ONGPATHÜ 15:25

Büpalei lakchongbü longpü hük, Remaliahlei cheha Pekah-i büpa khüei phaüshah show. Büpa mü Gilead am shennyak pinyipüan mütü büpai Pekahiah mü Argob hatü Arieh nyi Samaria Chingnyü ongshemei jü. Hanangkü Pekah-i Pekahiah jütü büpa jeiyei ong vaiteke.

2 ONGPATHÜ 15:10

Jebeshlei cheha Shallumi Zekhariah khüei phaüshah show. Büpai nanglakthüi eeshi büpa jü, hatü büpa kü jeiyei ong vaiteke.

2 ONGPATHÜ 12:20

Büpalei lakchongbüthüi büpa khüei phaüshah showtü aongei Sillalei yiüpü lem Beth-Millolei büpa jütük.

2 ONGPATHÜ 9:14

Hanangkü Jehu, Jehoshaphatei cheha, Nimshilei chehüi Joram ongpa khüei phaüshah show. Shaang Joram hatü Israel am kemei Aram am Hazael ongpa kü shomshi Ramoth-Gileadei nyu,

1 ONGPATHÜ 20:16

Ben-Hadad hatü büpa mü sheühteipü ongthü hapüanpünyi jomei paümtapei yiüi chokdaikemtü nyupü hepak kü Israel am hamhah pheikü layaongei dai.

1 ONGPATHÜ 15:27

Issakhar am jat Ahijahlei cheha Baasha-i büpa khüei yaong, hatü Baasha-i büpa Philistia kahdok Gibbethonlei jü; mehenangkü Nadab hatü Israel am kemei Gibbethonlei büpa kü shümteke.

KAHBHAO 39:9

Hapa shem kü ngei mü longpü üpayao neshiü. Nüng mü lenei ngelei shembüi ngei kü neshuohpü meheyao neshiü; mehenangkü nüngü büpalei nyüha. Mehekei henüng keipü douten dükhen hatü Kahvang touei mang thahhen?” shei e.

KAHBHAO 24:10

Hapheikü chongphobüi büpalei shembülei ut an mütü meipü thintho lemphü kotü layaongei Aram-Naharaim kahdok Nahor ching yemei dai.

KAHBHAO 15:2

Shejao Abrami, “Oh Shembüpa Kahvang, nüngi ngei kü mehe yahphahen? Mehenangkü ngeiyü hapeü neshiü, hatü ngelei mükjüpü Damaska am Eliezer-i yahhen je?” shei e.

1 ONGPATHÜ 16:8

Judah kü Asa-i ong vaipü vangbong hapüvokpabü kü Baashalei cheha Elah-i Israel kü ong vai, hatü büpai Tirzahlei vangbong nyi thahshi ong vaiteke.

1 ONGPATHÜ 16:10

Judah kü Asa-i ong vaipü bong hapünyetpabü kü Zimri peiyei büpa kü baptü jü, hatü büpa ong vai.

1 ONGPATHÜ 20:12

Ben-Hadadi büpa mü lebü ongthü büpalei shemei yiü yingei nyushingkü hapa shahnyok dangei büpai büpalei nanglakthü kü, “Hokhen temtuh” shei e. Hanangkü jomi hapa chingnyü hahtükhen show lingteke.

KANDOK 31:4

Hapayü ongpathü shing nevaipih, Oh Lamuel, Yiü yinghenü ongthülei dou nevai, nevaijü vanglem lempüthüi chokpümokpü hahhen nevai;