1 ONGPATHÜ 16:7 - DAÜLANGPÜ LAIHING (BSI)

⁷ Nyeinya vaishi Baasha hatü jom shem khüei Shembüpalei shah Hananilei cheha Jehu thibü homei pei. Büpa shekü Jeroboam ongpai dükpü keiha büpai Shembüpa touei mang dükei Shembüpa mongshihhüpü mon nevai, shejao büpai Jeroboam am shem kemei jütük.

1 ONGPATHÜ 16:7 Referans Kwoze

HOSEA 1:4

Shembüpai Hosea kü, “Hapa naü kü Jezreel shei mentuh; mehenangkü meshük ne-angi ngei Jezreelei jüpü nangkü ngei Jehu am shem mahtükhen, hatü Israel ongching ngei dohtükhen.

ISAIAH 2:8

Jomei kahdokü lajei mon maei nyüke; jomi jomei laki lingpü douthü kü aümei khümnyüke.

MENVIH KESHO 115:4

Jomei kahvangü hon hi ngin, shennyakei laki lingpü mon.

1 ONGPATHÜ 14:14

Shembüpai büpa kü jeiyei Israel kü ong hük vamhühen, hatü büpai shinnyih, shaang-üng Jeroboam am shem kemei jütükhen.

PHONGSHANTHÜ DOU 2:23

Kahvangei küpjan hatü yeihshi nyingei nyupükei hapa shennyak ammei lak kü lanei shuoh, hatü ammi nemeipüthülei lak homei büpa shophang kü apei jütük.

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

1 ONGPATHÜ 16:8

Judah kü Asa-i ong vaipü vangbong hapüvokpabü kü Baashalei cheha Elah-i Israel kü ong vai, hatü büpai Tirzahlei vangbong nyi thahshi ong vaiteke.

2 ONGPATHÜ 17:13

Shembüpai Israel hatü Judah kü büpalei thibüthü, hatü manghkhangthü homei, “Ammi ammei mang lemthü kübü mong leptuh, hatü ngei ammei bühipathü kü dükhen shuohpü, hatü ngei am kao ngei chongphopü thibüthü homei shuohpü shahkungnyüthü bangei düktuh” shei shahvüng shuoh-ei eteke.

2 SHÜPPÜKENGPÜ 16:7

Hahepak kü Hanani thibü-i Judah am Asa ongpa touei peiyei büpa kü, “Mehenangkü nüngi Shembüpa, nüngei Kahvang kü nevai, Aram amei ong kü mongnyangpü nangkü Aram am ongpalei veshanthü nüngei lak kübü yangdaiteke.