1 ONGPATHÜ 16:26 - DAÜLANGPÜ LAIHING (BSI)

²⁶ Lajeithü homei mang thahhüpü Jeroboamei lemthü, hatü büpalei mangthü phei mü, hatü hapai Shembüpa, Israel Kahvang mongshihhü.

1 ONGPATHÜ 16:26 Referans Kwoze

1 ONGPATHÜ 16:19

Hapayü büpai Shembüpa touei nemeipü dükei, Jeroboamei lemthü kü kamei, hatü büpai thahpü mangi Israel amao mang thahhüpü manglat kü diteke.

1 ONGPATHÜ 16:13

mehenangkü Baasha hatü cheha Ela nyi-i thahpü mang homei, hatü hapai Israel am peü jomei lajeithü homei mang thahhüei Shembüpa, Israel Kahvang mongshih vamhü.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

JEREMIAH 18:15

Shejao ngelei nanglakthüi ngei betük; hatü lajeithü kü ayingshü jakei khümnyüke. Jom daihen lem kü huluh shuohnyüke, jomei lemchang kü nekamnyu, jomi lemnyüshong kü nevai keülem kü kamnyüke.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

JEREMIAH 10:8

Jom peü sholi neshiüpü ngapathü; jom keyü yahlak neshiüpü pü lajeithüi nyuhpeih.

JEREMIAH 10:3

Mehenangkü hathü nanglakthülei vanglemü yahlak neshiü; jomi phaü leipü pü agnyüke, hatü mistrithü peikha noshi ha shangnyüke,

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

MENVIH KESHO 31:6

Yahlak neshiüpü lajeithü kü khümpüthü kü nüngi jiühitnyüke, shejao ngei Shembüpa kü hinglemnyeih.

1 ONGPATHÜ 16:7

Nyeinya vaishi Baasha hatü jom shem khüei Shembüpalei shah Hananilei cheha Jehu thibü homei pei. Büpa shekü Jeroboam ongpai dükpü keiha büpai Shembüpa touei mang dükei Shembüpa mongshihhüpü mon nevai, shejao büpai Jeroboam am shem kemei jütük.

1 ONGPATHÜ 16:2

“Ngei nüngü bhihla kübü homei yah-ei ngelei nanglak Israel amei mübü leihüpeih, shejao nüngi Jeroboamei lemthü kü kamei ngelei nanglak Israel am mang thahhü, hatü jomei mangi ngei mongshihhüteke.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

1 ONGPATHÜ 16:27

Omri-i vanglem lempü, hatü büpai dükpü douthü peü Israel Ongthülei Büshah Laitap kü nyangei nyüpeih.

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”