1 ONGPATHÜ 15:13 - DAÜLANGPÜ LAIHING (BSI)

¹³ Büpai chebi Maakah ongla hümlungnyü vaipü kübüao katitük; mehenangkü pinnyüi jiühitnalaipü Asherah kahvangei lajei ling; Asa-i lajei mangtük, hatü Kidron Kahjilei aw kü jaktük.

1 ONGPATHÜ 15:13 Referans Kwoze

MÜLANGPÜ 32:20

hatü jomi linghahpü mohoh cheha yah-ei büpai aw kü jaktük, hatü khih mü ngümtü yungei haitük, hatü Israel am kü ha yingshuohteke.

GALATIA 2:14

Mechem jomphongü shahjangmei kü nyupü shahhing lem kü jiüshi nedüknyu shei ngei veiaokpa, ngei jom peü touei Peter kü, “Nüngü Jehoda am, shejao Jehoda am kei nevai, Kung am kei nyunyüke. Shejema, mekei etü nüngi Kung am kü Jehoda am kei nyutuh shei nyeanshuohnya?” shei eshuohpeih.

2 KORINT 5:16

Hanangkü, shaang mü leitü hami üpa kao kahdoknyü phai aimü neveinyih; chem hami Khristayü phai aimü nyingjao hajük kü hapa aimü nenyingnyih.

JOHAN 18:1

Jisui hathü shah eyei kempheikü büpai büpalei nanglomthü mü Kidron Kahji homei pe hük nyupü shing hükei dai, hatü halei büpa hatü büpalei nanglomthü nyuteke.

MATHI 10:37

Üami ngei mü nyeishi laophülei nyühipa kü bamhenshang, büpa ngelei nanglak vaihen nechang; hatü üami ngei mü nyeishi laophülei hapeüthü kü bamhenshang, büpa ngelei nanglak vaihen nechang,

ZEKHARIAH 13:3

hatü thibü hanei dangkao shao vamjema, jom büh jom paümpü nyühipathüi, “Didaikemtuh; mehenangkü ammi Shembüpalei men kü shahshem enyüke” shei ehen, hatü mechem jom teteivanei ejahen, jom büh jom paümpü nyühipathüi-üng jom jütükkemhen.

2 SHÜPPÜKENGPÜ 34:4

Büpai epü aimü Baal kahvangei moidü kemei bentük; büpai hathü kü jakpü ayingshü moidü kemei bentük, hatü Asherah nyüha kahvangei lajei hatü lebü lajeithü peü nihtük. Büpai hathü kemei nihtü hathü kü moila shuohteipüthülei mahngchongei haitük.

2 ONGPATHÜ 23:6

Büpai Shembüpalei Phopshem leipü Asherah nyüha kahvangei lajei chingnyü haolei Kidron Kahjilei deiyei aw kü jaktük, hatü hapa depla yah-ei khih mü ngümtü ching mahngchongei haitük.

2 ONGPATHÜ 18:4

Büpai vaümchongthü, daülangpü yaongthü, hatü Asherah kahvangei lajeithü yaktük. Büpai Mosai lingpü melangnyiam biü khih mü mangtük; mehenangkü hapa hepak thahshi Israel ami hapa kü ayingshü jakei moila shuohhamteke. Hapa kü Nehushtan shei nyükteke.

1 ONGPATHÜ 15:10

hatü büpai Jerusalemei bong pinyipü hük thahshi vanglem lem. Büpalei chebilei menü Abishalomei yiükha Maakah nyu.

1 ONGPATHÜ 15:2

Büpa Jerusalemei vangbong jem thahshi ong vai. Büpalei chenyü-ü Abishalomei yiükha Maakah nyu.

2 SAMUEL 15:23

Nanglakthü peü peih-ei daishingkü kahmük kempai wongmü thep; ongpayao Kidron kahji homei dai, hatü nanglakthü kemei yingnyü lemei dai.

JOSHUA 6:24

Jomi chingnyü hatü halei nyupü lemphüli awi haptük; hon hi ngin, melangnyiam hatü nyiam yungshongthü mon yah-ei leiyei Shembüpalei dou tuhshingei tuh.

SHAHKÜP 33:9

Jomi laophülei nyühipa, jeihinaü, hatü hapeüthü mao nüng kü hinglemteke; Nüngei shah bangteke, hatü nüngei vangpüshuwpü jiüshi dükteke.

SHAHKÜP 9:21

Ngei ammei mang dou mohoh chehayao yah-ei aw kü jaktük. Hapheikü ngei ha khih mü mangei bhihla kei ngümtük hatü ha yah-ei daiyei kahshang leipü yenei shapü yungyenei yaktük.

SHAHKÜP 7:5

Ammi jom kü hapakei dükeishuoh: Jomei moidüthü bentüktuh; jomei daülangpü yaong shemnyüthü nihtüktuh; jomei Asherah kahvang lajei mangtüktuh, hatü jomei lajeithü aw kü jaktüktuh.

LEVI 26:30

Ngei ammei khümshingthü mangtükhen, ammi ayingshü jakteipü moidüthü bentükhen, hatü ammei mahng doei nyupü lajeithü shangkü shükphonghen. Ngei am yakphonghen.

1 ONGPATHÜ 2:19

Hanangkü Bathshebai Solomon ongpa touei Adonijahlei men kü hapa ehen pei. Ongpai chenyü mü pongteihen yaong, hatü pinnyü touei aümei sha, hatü laophülei ong uoshingei uo. Büpai chenyü shingao uoshing hük dei, hatü pinnyü ongpalei lakdah philei uohü.

2 ONGPATHÜ 10:26

daülangpü yaong shemnyüthü ngaiyei aw kü jaktük.

2 ONGPATHÜ 23:4

Hapheikü ongpai Hilkiah ngongchong hatü sheühteipü ngongpathü, hatü Phopshem shaden yompüthü kü Phopshem mongeipü Baal kahvang, Asherah nyüha kahvangthü, hatü lithathü kü khümshingkü noteipü douhinangthü ngaikei shei ngeükhüam shuoh. Büpai hathü Jerusalem haolei Kidron Kahjilei deiyei aw kü jaktük, hatü hapalei depla Bethelei dei.