1 ONGPATHÜ 14:21 - DAÜLANGPÜ LAIHING (BSI)

²¹ Shaang Solomonei cheha Rehoboami Judah kü ong vai. Mechem büpa ong vaipa, büpalei nyübüh vangbong pinyipü hük nyu, hatü büpai Shembüpalei men kü khümhen Israel jat peü khong kübü jepü Jerusalem Chingnyü kü vangbong anpünyet thahshi vanglem lem. Büpalei chenyü-ü Ammon am Naamah nyuteke.

1 ONGPATHÜ 14:21 Referans Kwoze

2 SHÜPPÜKENGPÜ 12:13

Hanangkü Rehoboam ongpai Jerusalem chongwongei vanglem lem. Mechem Rehoboam vanglem lemei chongpangpa, büpa nyübüh bong pinyipühük nyu. Jatthü peü khong kübü büpa khümhen jepü Shembüpalei chingnyü Jerusalemei bong anpünyet thahshi vanglem lem. Chenyülei menü Ammon am Naamah nyu.

1 ONGPATHÜ 11:36

Ngelei men kü khümhen ngei jepü shing Jerusalem Chingnyü kü ngelei chongphobü Davidei hühihathüi vanglem lempü nedoh-i nyuhen shingvaishi ngei Solomonei cheha kü jat hük mon shuohhen.

1 ONGPATHÜ 14:31

Rehoboam di, hatü David Chingnyülei chebü chepalei mahngchongei vü. Büpalei chenyü-ü Ammon am Naamah nyuteke. Cheha Abijah-i büpa kü jeiteke.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

2 SHÜPPÜKENGPÜ 13:7

hatü shahhing ne-e, vanglem nenyingpü shennyak tenthü thaiyei yahtü Solomonei cheha Rehoboam hashih meheyao mangnyingpü hepak kü Rehoboam khüei yaongpeih” shei e.

1 ONGPATHÜ 11:43

Büpa di, hatü chepa Davidei Chingnyülei mahng vü, hatü cheha Rehoboami büpa kü jeiyei ong vaiteke.

1 ONGPATHÜ 11:32

Shejao ngelei chongphobü David hatü Israel jatthü peü khong kübü ngei jepü Jerusalem Chingnyü men kü büpa kü jat hük mon shuohhen.

1 ONGPATHÜ 8:44

Mechem nüngei nanglakthü vehokei daihen, nüngi jom melemei shomhen, hatü mechem jomi nüngi jepü chingnyü hatü nüngei men kü ngei vepü shem philei meetü nüng kü phophenshang,

1 ONGPATHÜ 8:16

Ngei ngelei Israel nanglakthü Ijip kahdok leipü müei leipü nyih kübü shinnyih thahshi ngei kü khümhen shingvaishi ngelei men kü Israel kahdok kü chingnyü hükao Phopshem vehen nejeangpih shejao nanglak shak kü ong vaihen ngei David jepeih” shei e.

SHAHKÜP 23:3

Ammon am nevaijü Moab am nevaijü jomei hühihathü üpaiyao denshem an thahshi Shembüpalei nanglakthü khong kü omhen neaok.

SHAHKÜP 12:21

Shembüpa, ammei Kahvangi büpa kü khümhen jepü shing am nyushing kübü taishi nyujema, Shembüpai am kü shuohpü mohoh hatü mithü jüei am nyushingei ammi hahhüpüshük hahhen aok.

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

MÜLANGPÜ 20:24

Ammi ngei shingvaishi kahdok yah-ei moidü hük mon lingtuh hatü hapa shangkü ammei jakpü moila hatü mongjempü moila, ammei mi, yum hatü mohoh yah-ei ngei kü khümhen shingvaishi am kü shuohpü shing peü kü moilatuh; ngei am touei peikahen hatü moihimanhen.

1 ONGPATHÜ 14:20

Jeroboami bong hapünyi thahshi vanglem lemtü büpa di, hatü vü, hatü büpalei cheha Nadabi büpa kü jeiyei ong vaiteke.

1 ONGPATHÜ 8:29

“Ngelei men hatouei nyuhen” shei nüngi epü shingkü nüngei chongphobüthüi hapa shingei phoppü nüngi danlangphahen shangmü nyakhingai thüngei nüngei müki hapa Phopshem philei veishi nyukei.

1 ONGPATHÜ 11:1

Solomoni lebü kungla longi lüm. Ijip ong Pharaohlei yiükha mü Moab, Ammon, Edom, Sidon hatü Hit am nyühathü longi lüm.

1 ONGPATHÜ 12:17

Shejao Judah jilathülei nyupü Israel am shak kü mon Rehoboami vanglem lem.

1 ONGPATHÜ 22:42

Büpa ong vaipü hepak kü büpalei nyübüh vangbong hapüanpünga nyu, hatü büpai Jerusalemei vangbong hapünga vanglem lem. Chenyü-ü Shilhilei yiükha Azubah nyuteke.

2 SHÜPPÜKENGPÜ 12:1

Mechem Rehoboami vanglem lempü chongwongei lei, hatü büpa wong koh-ei leipa, büpa hatü Israel am peüi Shembüpalei shahkung yaktük.