1 ONGPATHÜ 14:16 - DAÜLANGPÜ LAIHING (BSI)

¹⁶ Jeroboami thahpü büpalei mang hatü Israel am kao hapa mang thahhüpü nangkü Shembüpai Israel am yakphonghen shei e.

1 ONGPATHÜ 14:16 Referans Kwoze

1 ONGPATHÜ 16:2

“Ngei nüngü bhihla kübü homei yah-ei ngelei nanglak Israel amei mübü leihüpeih, shejao nüngi Jeroboamei lemthü kü kamei ngelei nanglak Israel am mang thahhü, hatü jomei mangi ngei mongshihhüteke.

1 ONGPATHÜ 15:34

Büpai Jeroboamei lemthü kü kamei büpai Shembüpa touei mang thah, hatü Israel amao mang thahhüteke.

1 ONGPATHÜ 15:30

mehenangkü hapayü Jeroboami mang thah, hatü Israel amao thahhü, hatü Shembüpa, Israel Kahvang mongshihhüpü nangkü ha vamteke.

1 ONGPATHÜ 13:34

Hapayü Jeroboam am shemei mang, hatü hapai büpalei ongching kahdok shak kübü dohtükpeih.

1 ONGPATHÜ 12:30

hatü hapa dou homei nanglakthü mang thah; mehenangkü nanglakthüi hük kü khümhen Bethel thahshi, hatü hükpa kü khümhen Dan thahshi dai.

ROM SHAHSHA APPÜ 14:13

Hanangkü jen hüki hükei shah nephenshah, shejao ha nang jeiyei mih-ei lem kü huluh yaong nehaühen nevaijü lem nebangteihen deihshah.

MATHI 18:7

Hangku mang thahhüpü douthü nangkü ha kahdoknyü onyükei! Hapa keipü dou vamkahen, shejao üpa homei ha vamhühenshang onyükei!

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

ISAIAH 40:24

Jomphongü shaang shompü nevaijü haiphongpü sheili kahdokei tünglang yiüei pangpü keiha nyüke. Mechem Shembüpai vanglük shomhen, jom kaudainyüke, hatü hahbhang keiha alüngleple-i jom maoei lüdainyüke.

MENVIH KESHO 81:12

Hanangkü ngei jom kü jomi mongpü dükhen vaanpü mongdang shuohpeih.

MÜLANGPÜ 32:35

Aaroni mohoh cheha lingei jomi ha kü khümpü nangkü Shembüpai nanglakthü kü cham shomei hanghihüteke.

MÜLANGPÜ 32:21

Mosai Aaron kü, “Nüngi hathü nanglakthü hajükjük longpü mang thahhen mü jomi nüng kü mehe lingphopa?” shei e.

MÜLANGPÜ 32:25

Aaroni nanglakthü ungei neaoki mangtükpü khih shei Mosai eeaokteke, hatü jomi vepathü tou kü mihnyiyangnyai leihüteke.

1 ONGPATHÜ 15:26

Chepalei lemthü kü kamei büpai Shembüpa touei mang thah, hatü hapa mang Israel amiyao thahhü.

1 ONGPATHÜ 16:19

Hapayü büpai Shembüpa touei nemeipü dükei, Jeroboamei lemthü kü kamei, hatü büpai thahpü mangi Israel amao mang thahhüpü manglat kü diteke.

1 ONGPATHÜ 21:22

Ngei nüngei shemong Nebatei cheha Jeroboam, hatü Abijahlei cheha Baasha am shem kei leihühen; mehenangkü nüngi ngei mongshihhü, hatü Israel am mang thahhüteke.

2 ONGPATHÜ 3:3

Shejoongpa büpai Nebatei cheha Jeroboamei mang mepai Israel am mang thahhü, hapa mang kübü büpa neyan.

SHAHKÜP 32:30

Mekei bahüki haja hük kü neüaokpa, nevaijü pa nyi moni haja an mü hokaokpa? Hapayü jomei Yaongi jom tuhphongpü nangkü, hatü Shembüpai jom yaktükpü nangkü khihma.

1 ONGPATHÜ 16:13

mehenangkü Baasha hatü cheha Ela nyi-i thahpü mang homei, hatü hapai Israel am peü jomei lajeithü homei mang thahhüei Shembüpa, Israel Kahvang mongshih vamhü.

1 ONGPATHÜ 16:27

Omri-i vanglem lempü, hatü büpai dükpü douthü peü Israel Ongthülei Büshah Laitap kü nyangei nyüpeih.

1 ONGPATHÜ 22:53

Büpai Baal kahvangthü chongpho, hatü hapa kü khüm; büpai chepai dükpü keiha Shembüpa, Israel Kahvang mongshih vamhü.

2 ONGPATHÜ 10:31

Shejao Jehu-i büpalei mong kempai Shembüpa, Israel Kahvangei shahkungthü nebang; Israel mang thahhüpü Jeroboamei mang kübü büpa neyan.

2 ONGPATHÜ 13:2

Büpai Shembüpa touei mehe mang, ha dük, hatü Israel am mang thahhüpü Nebatei cheha Jeroboamei mang lem kü kamei büpai hathü kübü neyan.

2 ONGPATHÜ 13:6

Shejao jomi Israel am mang thahhüpü Jeroboam am shemei mang kübü neyan hatü nedoh-i hapa kü nyu, hatü Samarialei Asherah kahvangei lajeiyao lakshing tuh.

2 ONGPATHÜ 14:24

Büpai Shembüpa touei mang dük, hatü Israel am mang thahhüpü Nebatei cheha Jeroboamei mang kübü neyan.

2 ONGPATHÜ 15:9

Chebü chepa ami dükpü keiha büpaiyao Shembüpa touei mang dük. Israel am mang thahhüpü Nebatei cheha Jeroboamei mang kübü büpa neyan.

2 ONGPATHÜ 15:18

Büpai Shembüpa touei mang dük; büpai vanglem lempü yangkemei kü Israel am mang thahhüpü Nebatei cheha Jeroboamei mang kübü büpa neyan.

2 ONGPATHÜ 17:21

Mechem büpai Israel am David phang kübü shaakei yaktükpa, Israel ami Nebatei cheha Jeroboamü jomei ong vaiyei tuh. Jom Shembüpalei phei müpü kübü Jeroboami jom yawh-ei deiyei nyempühanbenüng mang thahhü.

2 ONGPATHÜ 17:23

hatü Shembüpai büpa chongphopü thibüthü homei epükei Israel am büpa toueipü mangchangtük thahshi hapa mang kübü neyan. Hanangkü Israel amü laophülei kahdok kübü Assyria kahdokei shinnyih thahshi wüpküpei daiyei nyüpeih.

2 ONGPATHÜ 21:16

Büpai Judah am mang thahhüei Shembüpa touei mehe mang ha jomi dükpü mü Manasseh-i Jerusalem jung phihük kübü jung phihük thahshi mang neshiüpü kü iy longi yenhü.

2 ONGPATHÜ 23:15

Nebatei cheha Jeroboami Bethelei lingpü moidü, mepa homei Israel am mang thahhü, büpai hapayao bentük. Büpai vaümchongthü awi haptük hatü khih mü nihtük hatü Asherah kahvangao aw kü jaktük.

2 SHÜPPÜKENGPÜ 28:19

Judah ongpa Ahaz tata kü Shembüpai Judah am bhih-ei maanei leishihpeih; mehenangkü büpai Judah kü mang dahüpeih, hatü peü mü Shembüpa kü hingnelempü shennyak nyuteke.