1 ONGPATHÜ 13:9 - DAÜLANGPÜ LAIHING (BSI)

⁹ Mehenangkü ngei kü Shembüpai, ‘Nüngi meheyao tehahteying, nevaijü ngei daipü lem kü-üng nyokei telei shei ephopeih’ ” shei e.

1 ONGPATHÜ 13:9 Referans Kwoze

ROM SHAHSHA APPÜ 16:17

Jeihinaü hatü nyahinaüthü, ammi danpü nyuhpüvenpü khüei neshetnephen dehilao hatü huluh shuohpü vamhüpüthü kü mükhingshi veituh shei ngei am kü enyeih; hathü kübü yanei nyutuh.

JOHAN 15:14

Ngei am kü epü dükjema amphongü ngelei küphüthü.

JOHAN 13:17

Ammi ha nyingei hathü dükjema, amphong moihiman.

MENVIH KESHO 141:4

Nemeipü dükpüthü münang nekongi nyuhen mü nüngi ngelei mong ten lemei teleplang; jomei hetmeiyungma ngei tehahhü.

JOB SHAHSHA APPÜ 23:12

Büpalei shahkungnyüthü kübü ngei neyan; Büpalei shah ngelei mongei jaoei nyüpeih.

1 ONGPATHÜ 13:1

Shembüpai epü nangkü Judah leipü Kahvang shennyak hük Jeroboami moila shuohnüng shei moidü touei yaongshi nyushi aongei Bethel ngoiteke.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

BHEI-IE 16:26

Büpai nanglakthü kü, “Hapa nemeipü shennyakthülei ashakshem leipü lüdaikemtuh, hatü jomei doulem mepa kao laki tehong, hei nevaijema jomei mang tata kü amao jom mü maolanghen” shei e.

SHAKEI VAMPÜ 18:4

Hapheikü ngei vangsho leipü lebü ngeü hük hapakei eyei dan: “Ammi pinnyülei mang kü hean neyahhen shingvaishi, hatü pinnyülei cham nehanhahhen shingvaishi pinnyü leipü vamdaikei ngelei nanglak;

EPHESIA 5:11

Betjük nejükpü shangmang douthü kü hean teyah, shejao hathüyü shakei ngaihütuh.

1 KORINT 5:11

Shejao shaang ngei am kü nyangpeyü vaipü jeihinaü nevaijü nyahinaü shei men kotü mükbongjuyungei, hahnemei, lajei kü khümei, ten epü hatü gühpüthü mü tejemtei shei epeih. Henüng keipü shennyak mü chemiyao tehah teying.

1 ONGPATHÜ 13:8

Shejao Kahvang shennyaki ongpa kü, “Nüngi ngei kü nüngei mophimo hükkei shing bhaoei yahphüjao ngei nüng mü neleiküpih, nevaijü hatouei nehahneyingpih.

1 ONGPATHÜ 13:10

Hanangkü büpa lebü lemei leidai, shejao büpa Bethelei peipü lem kü nyokei nelei.

1 ONGPATHÜ 13:16

Kahvang shennyaki büpa kü, “Ngei nüng mü nyokei neleiaokpih, nevaijü hapa shingei hahyinghen neaokpih.

1 ONGPATHÜ 13:19

Hanangkü hapa Kahvang shennyak jom shemei leiyei hahying.