1 ONGPATHÜ 12:16 - DAÜLANGPÜ LAIHING (BSI)

¹⁶ Mechem Israel ami jomi epü kü ongpai nebangpü eepa, nanglakthüi ongpa kü lenei hapakei e, “Hami David mü mehe phaihan, hatü Jesselei cheha mü mehe mükjüp nyüpa? Oh Israel am, laophülei shemei leidaikemshah! Oh David, ammei shahishem kü mon shaangü veihahtuh!” Hanangkü Israel am shemei leidaikem.

1 ONGPATHÜ 12:16 Referans Kwoze

2 SAMUEL 20:1

Shaang Benjamin am Bikrilei cheha Sheba longi nebahnevaipü shennyak halei nyu. Büpai amit vüngtü lenei, “Ham David mü phaihan neshiüpih, Jesselei cheha mü hean neshiüpih! Ashakshem mongei nyupüthü peü, Oh Israel!” shei e.

JEREMIAH 33:21

ngelei chongphobü David mü vangpüshuwpü, hatü ngei chongphopü Levi am ngongpathü mü vangpüshuwpü mangtükaokhen, hatü Davidi laophülei ong uoshing kü vanglem lemhen hühiha neshiüi nyuhen.

2 SHÜPPÜKENGPÜ 10:16

Mechem Israel ami jomi epü kü ongpai nebangpü eepüshang, jomi ongpa kü jangei e, “David mü ham mehe hean nyüpa? Jesselei cheha mü mehe phaihan nyüpa? Laophü laophülei shem yemei leidaikemtuh, Oh Israel! Ammei shemong kü mon veihahtuh, Oh David.” Hanangkü Israel nanglakthü peü shemei leidaikem.

ISAIAH 7:2

Mechem Judah ongpai Aram am Israel kahdokei peiyei nyükeja shei danpa, Ahaz ongpa hatü nanglakthü peü yingnyülei vanglüki phenha jenhüpü keiha jomei mongdang kheüteke.

MENVIH KESHO 132:17

Halei ngei David shing vaung hük vamhühen; ngei jelangpü ongpa shing ngei awdük hük temei nyüpeih.

MENVIH KESHO 76:10

Hangku mongshihpai nüngei men longhen mü vamnyeih; vehok kübü yangpüthü nüngei men kü mo monyeih.

1 ONGPATHÜ 22:36

Vanghe shühen hepak kü Israel am peü touei, “Shennyak peü laophülei kahmük hatü ching yemei leikemtuh” shei len.

1 ONGPATHÜ 22:17

Hahepak kü Mikaiah-i jangei, “Mi yombü neshiüpü mithü keiha Israel am kemei shanghishong kü nyaidaikemi eenyüke, hatü Shembüpai, ‘Hathü nanglakthülei mübü neshiü; hanangkü jom peü nyemleidaikem’ shei enyüke” shei eteke.

1 ONGPATHÜ 11:39

Hapa phuo kü ngei Davidei hühihathü hanghihühen, shejao denshing payü nevai’ ” shei e.

1 ONGPATHÜ 11:36

Ngelei men kü khümhen ngei jepü shing Jerusalem Chingnyü kü ngelei chongphobü Davidei hühihathüi vanglem lempü nedoh-i nyuhen shingvaishi ngei Solomonei cheha kü jat hük mon shuohhen.

1 ONGPATHÜ 11:34

Shejoong ngei Solomonei lak leipü ongching kemei payü neyahlangpih; ngei jepü ngelei shahkung hatü vanglemthü bangpü ngelei chongphobü Davidei men kü ngei büpalei den kemei ong vaihühen,

1 ONGPATHÜ 11:13

Shejao ngei büpalei ongching kemei payü nehantükhen, shejao ngelei chongphobü David hatü ngei jepü Jerusalem men kü jat hük shuohhen” shei e.

2 SAMUEL 16:11

Davidi Abishai hatü büpalei chongphobüthü peü kü, “Ngelei hapeü dangkao ngei jühen yemjü Benjamin ami neyemhen je? Büpa hei-üng nyemnyu, hatü büpai nyemthaüvaü; mehenangkü Shembüpai hapakei dükhen eshuohpü khih.

2 SAMUEL 15:13

Phongmokbü hük David touei leiyei, “Israel nanglakthülei mong kemei Absalom pheikü lepdaikemteke” shei e.

SHAHPHENBÜTHÜ 8:35

Israel am shingvaishi hajük doumei dükpü Jerubbaal (Gideon) am shem kü bampü nehu.

LUK SHAHSHA APPÜ 19:27

Shejao ngelei vepathü üami jom shak kü ngei ong nevaihahhü, hathü hatouei deiyei ngei touei jütuh” shei eteke.

LUK SHAHSHA APPÜ 19:14

Shejao laophülei nanglaki büpa kü jiühit, hatü büpa pheikü phongmokbüthü shomei, ‘Hami hapa shennyak ham shak kü vanglem lemkahen nenanyih’ ” shei e.

JOHAN 13:8

Peteri büpa kü, “Nüngi ngelei la demü tephukei” shei e. Jisui, “Ngei nüng mangpaü thahshi nüng ngei mü phaihan neshiü” shei e.

1 ONGPATHÜ 11:11

Hanangkü Shembüpai Solomon kü, “Nüngi mongpükei deihtü nüngi ngei mü vangeishuwpü nedüki nüng kü ngei epü ngelei shahkungthü mangtükpü nangkü, ngei nüngei ongching nyi vaishi hantü nüngei chongphobü hük kü shuohtükhen.

1 ONGPATHÜ 11:35

shejao büpalei chehalei lak leipü hapa ongching yahlanghen, hatü nüng kü jat an shuohhen.

ISAIAH 7:17

Shembüpai nüng hatü nüngei nanglakthü hatü ongsha ongshem kemei kü Israel am Judah kübü yanhinüng chemao mangpeipü shanghah koei peikahen– büpai Assyria ongpa müei peikahen” shei e.

EZEKIEL 37:16

“Shennyak ha, peshow hük yah-ei hapa kü, ‘Judah ongching’ shei nyangtuh. Shao peshow lebü hük yah-ei hapa kü, ‘Israel ongching’ shei nyangtuh,

SHAHPHENBÜTHÜ 9:28

Ebedlei cheha Gaali, “Abimelekh üpaang, hatü jen Shekhem ami büpa chongphohen jen üamang? Jerub-baalei cheha hatü büpalei lakchongbü Zebul nyi-i jenei bü Hamor chongnephoangpü je? Mehekei jeni büpa chongphohen?

KANDOK 15:1

Inyainyiami epai mongshihpü meitüknyeih, shejao shahwong epai mongshih nyeinya vamhünyeih.

MARK 3:24

Ongching hüki laophü kü-üng khüei hanjema, mechemao hapa ongching neyaongaokpih,