1 ONGPATHÜ 12:10 - DAÜLANGPÜ LAIHING (BSI)

¹⁰ Büpa mü chemi longpü nethethüi büpa kü, “Ampai ham kü hanggovih-i chethüpeih, shejao hamei hanggovih shangtükshih shei nüng kü epü nanglakthü kü, ‘Ngelei lakjaangshomhayü opalei shüng mao chetpüba hih’ shei eyeishuoh.

1 ONGPATHÜ 12:10 Referans Kwoze

ISAIAH 47:6

Ngei ngelei nanglakthü kü mongshih-ei nyupeih; Ngelei mükjüpao nevaipükei ngei jom yakphongpeih; Ngei ammei lak kü jom shuohpeih, shejao amphongi jom kü phahji nehu; Viünyü viüpa kao ammi hanggovih kohüpeih.

KANDOK 29:23

Shennyak hük changmeipai laophü-üng vünyüpeih, shejao maanpü leipü shennyaki dhüm dangnyüpeih.

KANDOK 28:25

Hahnempü shennyaki dehilao vamhünyeih, shejao üpai Shembüpa kü hinglemhen, lemphü anghen.

KANDOK 10:14

Kon kohpü shennyaki nyingpühingpü jaoei tuhnyüpeih, shejao ngapalei shahvangjusha-i mahhen nyükhahnyeih.

1 ONGPATHÜ 12:9

Büpai jomphong kü, “Hathü nanglakthüi ngei kü, ‘Ampai ham kü shuohpü hanggovih shangtükshih’ shei phepü kü ngei shahnyok shuohhen ammiyao mekei deih-angke?” shei phe.

1 ONGPATHÜ 12:11

Opai am kü hanggovih kohüpeih, shejao ngei ha mü nyeinya vihpüba kohühen. Opai am kü lüngi bheipeih, shejao ngei am kü yiüjikaungkangi kethüei shüveihen” shei eyeishuoh shei e.