1 ONGPATHÜ 11:4 - DAÜLANGPÜ LAIHING (BSI)

⁴ Mechem Solomon viüei behe leidaipa, büpalei shembünyüthüi büpalei mong lebü kahvangthü lemei mülang, hatü büpalei mong chepa Davidi hinglempü kei Shembüpa büpalei Kahvang kü hingnelem.

1 ONGPATHÜ 11:4 Referans Kwoze

1 ONGPATHÜ 9:4

Nüng nang keyü nüngi-üng ngei touei mongdang kangshangi ampa Davidi kei kamjema, hatü ngei kangpü peü dükei hatü ngelei shahkungnyüthü hatü vanglemthü dükjema,

1 ONGPATHÜ 8:61

Hanangkü shaang nyupü keiha amphongei thentoimongdang kemei Shembüpa, jenei Kahvang kü lanei shuohtuh, hatü büpalei vanglem hatü shahkungnyüthü bangtuh.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 ONGPATHÜ 11:6

Hanangkü Solomoni Shembüpa touei mang thah, hatü chepa Davidi müpükei Shembüpa pheikü nemü.

2 SHÜPPÜKENGPÜ 34:2

Büpai Shembüpa touei mehe jiü, ha dük, hatü laknyong lakdah melemeiyao neleplüki chebü Davidei lem kü kam.

2 SHÜPPÜKENGPÜ 17:3

Shembüpa Jehoshaphat mü nyu; mehenangkü büpai chongpangpü philei chepai kampü keiha kamteke. Büpai Baal kahvang kü nekhüm,

1 ONGPATHÜ 11:2

Jomphongü Shembüpai Israel am kü, “Ammi jom mü yiükyah lashompü tenyu; mehenangkü jomi ammei mong jomei kahvangthü lemei leplanghen” shei epüthü shiüteke. Shejao Solomoni hathü küang longi lüm.

SHAHKÜP 17:17

Ongpai nyüha longi neyahhen; mehenangkü hapai Shembüpa toueipü büpalei mong lepdaihen. Büpai hon hi ngin longi thaiyei netuhhen vongbong.

2 SHÜPPÜKENGPÜ 25:2

Büpai Shembüpa touei mehe jiü, ha dük, shejao hingshangpü mongdangi nevai.

1 SHÜPPÜKENGPÜ 29:19

Ngelei ha Solomon kü mongdang hüki nüngei shahkung, nüngei vanglem hatü nyuhpüvenpü peü dükhen, hatü ngei dou temei tuhshuohpü phopshem vehen chudeih mongdang yah-eishuoh.

2 ONGPATHÜ 20:3

“Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

1 ONGPATHÜ 15:14

Büpai khümshingthü peü nemangtükjao Asa-i den kemei büpalei mongdang Shembüpa kü shuoh.

1 ONGPATHÜ 15:3

Büpa shekü chepai dükpü mang kemei büpai dük, hatü chebü Davidi dükpükei nevai-i büpalei mongdang kempai Shembüpa, büpalei Kahvang kü hingnelem.

1 ONGPATHÜ 14:21

Shaang Solomonei cheha Rehoboami Judah kü ong vai. Mechem büpa ong vaipa, büpalei nyübüh vangbong pinyipü hük nyu, hatü büpai Shembüpalei men kü khümhen Israel jat peü khong kübü jepü Jerusalem Chingnyü kü vangbong anpünyet thahshi vanglem lem. Büpalei chenyü-ü Ammon am Naamah nyuteke.

1 ONGPATHÜ 11:42

Solomoni Jerusalemei Israel am kemei kü vangbong pinyi thahshi vanglem lem.

1 ONGPATHÜ 11:38

Ngelei chongphobü Davidi dükpü keipü nüngi ngei epü peü dükjema, hatü ngelei lemthü kü kamjema, hatü ngelei shahkung hatü vanglemthü dükei ngei touei mehe jiü, ha dükjema, ngei düngei nüng mü nyuhen. Ngei David kü dükpükei ngei nüng kao den kü longsha ongshem leihühen, hatü ngei nüng kü Israel am shuohhen.

1 ONGPATHÜ 9:10

Solomoni Phopshem hatü ongshem nyiphen vangbong kukha lompü mü tem.

1 ONGPATHÜ 6:1

Israel am Ijip kahdok leipü vamei daipü vangbong kho ali mü büalipabü kü Solomoni Israel kü ong vaipü bong ali mü lenyang nyipabü Ziv len kü büpai Shembüpalei Phopshem vehen chongpang.

SHAHKÜP 7:4

Mehenangkü jomi ammei hapeüthü ngei toueipü lepei jomei kahvang khümhen mülanghen, hatü Shembüpai am khüei mongshihhen hatü ngangahük kü mahtükhen.

1 ONGPATHÜ 3:3

Moidü shing longilei moila shuohpü, hatü ayingshü jakpü mü lenei Solomoni Shembüpa kü longi bam, hatü chepa Davidi nyuhpü lem kü kam.

1 ONGPATHÜ 11:9

Büpa touei nyipa thahshi vamei hupü Shembüpa Israel Kahvang toueipü mong lepei lüdaipü nangkü Shembüpai Solomon kü mongshih.

MÜLANGPÜ 20:3

ngei mü lenei ammi lebü kahvangthü tekhüm.

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.