1 ONGPATHÜ 11:26 - DAÜLANGPÜ LAIHING (BSI)

²⁶ Shao Solomon ongpa khüei yaongpü lebü shennyak hükü büpalei chongphobü khong kübü Nebatei cheha Jeroboam nyuteke. Büpayü Zeredah leipü Ephraim am nyuteke. Büpalei chenyü-ü vaümnyü hük meni Zeruah shei nyu.

1 ONGPATHÜ 11:26 Referans Kwoze

2 SHÜPPÜKENGPÜ 13:6

Shejao Davidei cheha Solomonei chongphobü Nebatei cheha Jeroboami laophülei shembü khüei yaongteke,

1 ONGPATHÜ 12:2

Mechem Nebatei cheha Jeroboami Solomon ongpa kü nyemei Ijiplei daiyei nyushi hapa jung danpa, büpa Ijip leipü nyokei lei,

1 ONGPATHÜ 11:28

Jeroboamü dou aokpü nethe hük nyu, hatü mechem Solomoni büpa dou dükpü eepa, büpai büpa Joseph am phang dou dükbüthü shak kü dou veibü vaihü.

1 ONGPATHÜ 11:11

Hanangkü Shembüpai Solomon kü, “Nüngi mongpükei deihtü nüngi ngei mü vangeishuwpü nedüki nüng kü ngei epü ngelei shahkungthü mangtükpü nangkü, ngei nüngei ongching nyi vaishi hantü nüngei chongphobü hük kü shuohtükhen.

2 SAMUEL 20:21

Hapakei nevaipih! Shejao phaüshang kahmük Ephraim leipü Bikrilei cheha Sheba shei menpü shennyaki David ongpa khüei yaongnyüke. Hapa shennyak mon yepei yahshih, shejema ngei hapa chingnyü leipü leidaiphahen” shei e. Hapa nyühai Joab kü, “Pe daüei büpalei shangjing dakei shükphahen hih” shei e.

1 SAMUEL 1:1

Shaang phaüshang kahmük Ephraim leipü Ramathaim-zuphim am shennyak hükei meni Elkanah shei nyu. Büpayü Ephraim am Zuph-ei cheha Tohu, Tohulei cheha Elihu, Elihulei cheha, Jehoramei cheha nyuteke.

RUTH 1:2

Hapa shennyakei menü Elimelekh, hatü chenyühalei menü Naomi hatü yeshang nyilei menü Mahlon hatü Kilion nyuteke. Jomphongü Judah kahdok Bethlehem leipü Ephrath am nyuteke. Jom Moab kahdokei daiyei halei nyu.

1 SHÜPPÜKENGPÜ 2:19

Azubah didaipheikü Kalebi Ephrath mü shem yem hatü pinnyüi Hur bühteke.

1 ONGPATHÜ 21:22

Ngei nüngei shemong Nebatei cheha Jeroboam, hatü Abijahlei cheha Baasha am shem kei leihühen; mehenangkü nüngi ngei mongshihhü, hatü Israel am mang thahhüteke.

1 ONGPATHÜ 16:3

Hanangkü ngei Nebatei cheha Jeroboam am shem kü dükpü keiha ngei Baasha am shemao li hümtükhen.

1 ONGPATHÜ 15:30

mehenangkü hapayü Jeroboami mang thah, hatü Israel amao thahhü, hatü Shembüpa, Israel Kahvang mongshihhüpü nangkü ha vamteke.

1 ONGPATHÜ 14:16

Jeroboami thahpü büpalei mang hatü Israel am kao hapa mang thahhüpü nangkü Shembüpai Israel am yakphonghen shei e.

1 ONGPATHÜ 9:22

Shejao Solomoni Israel am hükao aa neleihü; jomphongü veshan, büpalei ongching kü lakchongbüthü, veshan mübüthü, koyei khari kü hokpü veshanthü kü mübü leihü.

1 SAMUEL 17:12

Shaang Davidü Judah kahdok Bethlehem leipü Ephrath am Jesselei cheha nyu. Büpa hapeü jom shet nyu. Hahepak kü Saul-ü ong nyu hatü longi viüdaitü nyu.

KAHBHAO 35:16

Hapheikü nedoh-i jomphong Bethel leipü dai, hatü jomphong Ephrah leipü maani yanei daiyei nyushingkü Rachelü hapeü anghen tüngei nyu.

1 ONGPATHÜ 11:25

Hadadi dükpü keiha Solomonei den kemei Rezonü Israel amei vepa lei. Büpa Aram kahdokei ong vai, hatü Israel am mü düngei vemang vaiteke.

SHAHPHENBÜTHÜ 12:5

Ephraim am nyaiyei Jordan yung homei daihen lem yomlang. Mechem Ephraim am yanglem yemei, “Ngei Jordan yung homei leishah” shei eshuohhenshang, Gilead ami büpa kü, “Nüngü Ephraim am je?” shei phe. Üpai “Nevaipih” shei ejahenshang,

2 SHÜPPÜKENGPÜ 9:29

Shaang Solomoni dükpü lebü douthü peü Nathan thibülei büshah, Shilon am Ahijahlei thihivam shah, hatü Nebatei cheha Jeroboam nangkü Iddo thibülei manghkhang kü nyangei nyüpeih.