1 ONGPATHÜ 11:13 - DAÜLANGPÜ LAIHING (BSI)

¹³ Shejao ngei büpalei ongching kemei payü nehantükhen, shejao ngelei chongphobü David hatü ngei jepü Jerusalem men kü jat hük shuohhen” shei e.

1 ONGPATHÜ 11:13 Referans Kwoze

1 ONGPATHÜ 12:20

Mechem Israel ami Jeroboam nyokei leiteke shei danpa, jomi shah shomei büpa kü khong thaipü touei nyükei Israel am shak kü büpa ong vaihü. Judah jat mon Davidei hühihathü chongphoei nyu.

1 ONGPATHÜ 11:32

Shejao ngelei chongphobü David hatü Israel jatthü peü khong kübü ngei jepü Jerusalem Chingnyü men kü büpa kü jat hük mon shuohhen.

SHAHKÜP 12:11

Hahepak kü Shembüpai büpa khümhen shingvaishi shing hük jephahen, hatü amphongi ngei epü lemphüli: jakpü moila, lebü lanei shuohpü moila, ammei ankhong moila, hatü ammi Shembüpa kü shuohhen shei lahpü lebü moilathü kemei koei peihen.

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

ISAIAH 62:7

Büpai Jerusalem mangling thahshi büpa kü nyiumeihen teshuoh, hatü hapayü kahdoknyü kemeilei men-e leihütuh.

ISAIAH 62:1

Zionlei daülangshemshepü vanghela kei mangnya thahshi, hatü Jerusalemei yemleipü awnya kei mangnya thahshi, Zion men kü ngei nenmü nenyupih, hatü Jerusalem nangkü ngei nyiumeiyei nenyupih.

ISAIAH 14:32

Philistia leipü peiküpü phongmokbü kü jeni mehe jangei eshuohhen? “Shembüpai Zion chonglingteke, hatü pinnyü kü büpalei taopa shennyakthüi loishing danghen.”

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 132:17

Halei ngei David shing vaung hük vamhühen; ngei jelangpü ongpa shing ngei awdük hük temei nyüpeih.

MENVIH KESHO 132:1

Oh Shembüpa, David kü bamei büpai ponghahpü peü deih-ei dangtuh.

MENVIH KESHO 89:49

Aivang den mü nüngi bampü melei daipa? Nüng shahhing epai David mü lahpü melei tükpa?

2 ONGPATHÜ 23:27

Hanangkü, “Ngei Israel am changtükpü keiha, ngei Judah amao changtükhen, hatü ngei Jerusalem hatü ngei jepü Chingnyü yaktükhen, hatü ‘Ngei kü khümhen shing’ shei ngei epü hapa Phopshemao yaktükhen” shei Shembüpai eteke.

2 ONGPATHÜ 21:4

Shembüpai, “Jerusalemei ngei kü khümtuh” shei epü Shembüpalei Phopshemei büpai lebü kahvangthülei moidüthü ling.

2 ONGPATHÜ 19:34

Ngei hatü ngelei chongphobü Davidei men kü ngei hapa chingnyü honglangtü yanghen.”

2 ONGPATHÜ 13:23

Shejao Shembüpai jom kü phahjiei deih; mehenangkü büpai Abraham, Isak hatü Jakob mü vangteishuwteipü nangkü jom kü yahyang shinshang hu. Shinnyih thahshi büpai jom nemahtük nevaijü büpa toueipü nechangtük.

1 ONGPATHÜ 11:39

Hapa phuo kü ngei Davidei hühihathü hanghihühen, shejao denshing payü nevai’ ” shei e.

SHAHKÜP 9:5

Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

1 ONGPATHÜ 8:29

“Ngelei men hatouei nyuhen” shei nüngi epü shingkü nüngei chongphobüthüi hapa shingei phoppü nüngi danlangphahen shangmü nyakhingai thüngei nüngei müki hapa Phopshem philei veishi nyukei.

1 ONGPATHÜ 11:14

Hapheikü Shembüpai Solomon khüei vepa hük Edom am ongsha ongshem kübü Hadad vamhü.

1 ONGPATHÜ 12:17

Shejao Judah jilathülei nyupü Israel am shak kü mon Rehoboami vanglem lem.

2 ONGPATHÜ 17:18

Hanangkü Shembüpai Israel am kü mongshih, hatü büpa toueipü jom changtük; Judah jat mü lenei hükao ne-ao.

2 SHÜPPÜKENGPÜ 21:7

Shejoongpa Shembüpai David mü vangpüshuwpü lingpü nangkü Shembüpai David am shem nemahtükhü; mehenangkü büpai Davidei hühihathüi düngei vanglem lemhen shei vangeishuwpü lingteke.

1 ONGPATHÜ 12:19

Hapa nyih mü pangei Israel ami David am shem kü khüei nyupeih.

2 ONGPATHÜ 8:19

Shejao laophülei chongphobü Davidei men kü Shembüpai Judah am nemahtükhü. Büpai David kü awdük shuohhen, hatü büpalei hühihathüi nedoh-i vanglem lemhen shei lahtük.