1 ONGPATHÜ 10:18 - DAÜLANGPÜ LAIHING (BSI)

¹⁸ Büpai shao meinyübha-i mon ong uoshing hük ling, hatü hapa kü honi jümei ling.

1 ONGPATHÜ 10:18 Referans Kwoze

MENVIH KESHO 45:8

Nüngei büm-ow kemei myrrh, aloe, hatü cassia vong meipai bünyüke. Meinyübha yah-ei ow shih-ei lingpü ong uoshing kü vü shihpü hadir vüngei kesho lokpai nüng mongonghünyüke.

1 ONGPATHÜ 10:22

Hiramei jahas mü yungchingei bhei leih-ei daiteipü ongpalei jahasthü nyuteke. Bong jem kü chem hapa jahasthüi hon, ngin, meinyübha, meishang hatü atüthü koei leihamteke.

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

SHAKEI VAMPÜ 18:12

hathüyü hon hanggo, ngin, yüknyü, hatü douvang yaongthü, meipü nyemin ashak, manghmepü, nyülükpü hatü hakla ashakthü, vong meipü büpü püthü peü, meinyübha-i lingpü douthü, bhei wongpü püi lingpü douthü, melangnyiam, nyiam, marble,

HEBREW 1:8

Shejao Hapeü nang büpai ha epeih, “Nüngei ong uoshing, Oh Kahvang, den den kü nyüke, hatü daülangpü lenshuoh-ü nüngei ongchingei lenshuoh.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

AMOS 6:4

Ammi meinyübha-i lingpü lüng kü lemnyüke, hatü uoshing yaongshing meipü kü uonyüke; ammi mi khong kübü mi cheha, hatü khaok leipü mohoh nitshüpü hahnyüke.

EZEKIEL 27:6

Jomi ammei ailüngü Bashan leipü longkhampü yah-ei lingteke, hatü jomi jahas bümü meinyübha mongei shihtü Cyprus leipü awkaongpü yah-ei lingteke.

MENVIH KESHO 122:5

Halei shahphenpü ong uoshing nyüke; David phang amei ong uoshing.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

MENVIH KESHO 45:6

Nüngei ong uoshing denden kü nyuhen, Oh Kahvang, shahhing lenshuoh-ü nüngei ongchingei lenshuoh nyuhen.

1 ONGPATHÜ 22:39

Shaang Ahabi dükpü douthü, büpai vepü meinyübha shem, büpai lingpü chingnyüthü peü Israel ongthülei Büshah Laitap kü nyangei nyüpeih.

1 ONGPATHÜ 10:19

Hapa ong uoshingei aonghen lateen vok shiüteke, hatü ong uoshing shaopüba ngaümphei lemei toilangi shih, hatü lateen nyonghidah phikü lakdükshing shih, hatü ha kü mailang hük baong dhe dhe khangteiyei ling.