1 ONGPATHÜ 1:39 - DAÜLANGPÜ LAIHING (BSI)

³⁹ Ngongpa Zadoki ashakshem mongeipü mainga shong yah-ei Solomon kü phuteke, hatü jomi amit vüngtü nanglakthü peüi, “Solomon ongpa yangnyu shoshoshi nyutuh!” shei len,

1 ONGPATHÜ 1:39 Referans Kwoze

MENVIH KESHO 89:20

Ngei ngelei chongphobü David kü daülangpü mainga nyioei ong vaihen jetepih.

1 SHÜPPÜKENGPÜ 29:22

Ha nyih jomi Shembüpa touei longi mongongshi hah hatü ying. Jomi nyipabü Davidei cheha Solomon ong vaihen shingvaishi Shembüpa touei thiteiphuei je hatü Zadokü ngongpa vaihen je.

1 ONGPATHÜ 1:34

Halei ngongpa Zadok hatü Nathan thibü nyi homei büpa Israel kü ong vaihen thiteiphuei jetuh. Amit vüngtuh hatü, ‘Solomon ongpa yangnyu shoshoshi nyutuh!’ shei lentuh.

1 SAMUEL 10:24

Samueli nanglakthü peü kü, “Shembüpai jepü shennyakü büpa hih. Nanglakthü peü khong kü büpa keipü üpayao neshiüpih” shei e. Hahepak kü nanglakthüi lenei, “Ongpa yangnyu shoshoshi nyutuh!” shei e.

2 SHÜPPÜKENGPÜ 23:13

hatü mechem pinnyü veishuohpa, shaden shemnyü touei ongpa yaongtü veshan mübüthü hatü amit vüngpüthü ongpa touei yaongtü nanglak peü mongongpai amit vüngei kesho lokpü ee. Athaliah-i pinnyülei ashak shaaktü, “Ngei luhahteke! Ngei yutükteke!” shei len.

2 SHÜPPÜKENGPÜ 23:11

Hapheikü büpai ongpalei cheha müei deiyei ong athen thenhü, hatü büpa kü vangpüshuwpü shuoh; jomi büpayü ongpa shei len hatü Jehoiada hatü chehathüi büpa thiteiphuei yah, hatü, “Ongpa yangnyu shoshoshi nyutuh!” shei len.

2 ONGPATHÜ 11:12

Hapheikü Jehoiada-i ongpalei ha Joash müei ngai, hatü büpa kü ong athen thenhütü büpai büpa kü vangpüshuwpü lai hük shuoh-ei ong vaihen je. Jomi büpa ong vaihen je, hatü, “Ongpa, yangnyu shoshoshi nyutuh!” shei lak apei len.

1 ONGPATHÜ 1:25

Shinnyih büpa yiüei mohohbaongthü, nitshüpü mohoh chehathü hatü mi longi yah-ei moila shuohteke, hatü büpai ongpathülei hapeüthü peü, veshan mübü Joab, hatü ngongpa Abiathar, hathü büpa touei hahyingei, ‘Adonijah ongpa yangnyu shoshotuh!’ shei enyüke.

1 SAMUEL 16:13

Hanangkü Samueli mainga shong yah-ei büpalei chejei ami eeshi mainga-i phuteke, hatü ha nyih mü pangei Shembüpalei laangha David kü pei. Hapheikü Samuel Ramahlei leidai.

1 ONGPATHÜ 1:40

hatü shennyakthü peü büpa phei müei liping vüngei mongongmongleyei jomei ngeüi kahdokao jenshi aong.

2 ONGPATHÜ 9:1

Hahepak kü Elisha thibüi thibüthü khong kübü thibü hük nyükei büpa kü, “Shünglok loktuh, hatü hapa mainga shong yah-ei Ramoth-Gileadei daituh,

2 ONGPATHÜ 9:13

Hahepak kü jomi shülangi jomei ashak nyiukei büpalei lateenei nyem. Hapheikü jomi amit vüngei, “Jehuyü Ongpa!” shei len.

2 ONGPATHÜ 11:14

Pinnyüi veishuohjü jomei büyem kü nyupükei ongpa hük shemnyü touei yaongshi ee. Lakchongbüthü hatü amit vüngpüthü peü ongpa touei, hatü nanglakthü peü mongongpai amit vüng. Hahepak kü Athaliah-i pinnyülei ashak shaaktü, “Ngei pungteke! Ngei pungteke!” shei lenei e.

MÜLANGPÜ 30:35

hatü vong büpü meli lingbüi lingpükei vong meipü meli lingtuh. Daüdaihen hatü daülangi leihen shingvaishi hüm shihtuh.

1 ONGPATHÜ 2:15

Büpai, “Ongchingü ngelei shei nüngiyao nyingdaiphei, hatü Israel am kemei ngei vanglem lemjahen shei ongyangei danteke, shejao hapa ongchingü ngelei naüpeüei lakei heihdaiteke; mehenangkü hapayü Shembüpai büpa kü shuohpü khih.