1 ONGPATHÜ 1:37 - DAÜLANGPÜ LAIHING (BSI)

³⁷ Ngelei shembü ongpa mü Shembüpa nyupükei, Solomon mao büpa hapakei nyemnyu, hatü ngelei shembü David ongpalei ong uoshing mao longpüpa büpai büpalei ong uoshing nyemlonghü” shei e.

1 ONGPATHÜ 1:37 Referans Kwoze

1 ONGPATHÜ 1:47

Nyeinya vaishi ongpalei chongphobüthüi David ongpa kü, ‘Nüngei Kahvangi Solomonei men, hatü büpalei ongching nüngei ongching mao nyeinya men-e hatü longpü nyemleihü!’ shei mongmei shah ehen peinyu khih, hatü ongpai büpalei lüngei aümei khümei,

1 SAMUEL 20:13

Shejao opai nüng kü nemeihen mü eküjema ngei nüng kü yanglem yemei lüdaihen shah shomphahen. Ngei nüng kü hapa jung ne-ejema Shembüpai ngei kü ha mao nyeishi nemei-i nyemdükpha. Opa mü nyuhampükei Shembüpa nüng mü nyemnyuma.

JOSHUA 1:17

Hami Mosalei shah bangpükei, hami nüngi epü kao banghen. Shembüpa, nüngei Kahvang Mosa mü nyupükei nüng mao nyemnyukeima.

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

MENVIH KESHO 89:27

Ngei büpayü ngelei hashongpa, hatü kahdoknyü ongthü khongkü shaopüba leihühen.

MENVIH KESHO 72:8

Büpa vanglem lempü yungching kübü yungching thahshi, hatü Euphrates yungyen kübü kahdok dohpü ngoishi nyuhen.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

2 SHÜPPÜKENGPÜ 1:1

David ongpalei cheha Solomoni Israel ongching wong kohshi ling; Shembüpa, büpalei Kahvang büpa mü nyu hatü büpa ahshi-üng longpü leihüteke.

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

2 ONGPATHÜ 2:9

Mechem jijinyi yung hompa, Elijah-i Elisha kü, “Ngei nüng toueipü anlanghen shekü ngei nüng kü mehe dükhahhüpüshang eshih” shei e. Elisha-i, “Nüngei ngan mükjüp phaihan shing nyi ngei kü yahshih” shei e.

2 SAMUEL 24:3

Shejao Joabi ongpa kü, “Shembüpa, nüngei Kahvangi veshanthü shaang nyupü mü kho uoshing mü nyeishi nyemdahüma hatü ngelei shembü ongpalei müki ha eehen. Shejao mehekei ngelei shembü ongpai hapa keipü dou dükhünya?” shei e.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

1 ONGPATHÜ 1:36

Jehoiadalei cheha Benaiah-i ongpa kü jangei, “Amen! Ngelei shembü ongpalei Shembüpa Kahvangi jepü nyemvaima.

1 SHÜPPÜKENGPÜ 29:25

Israel am peüi eeshi Shembüpai Solomon shangei longei anshih, hatü Israel kü shelei üpa ongpaiyao nedangpü müknyinshekhang büpa kü shuoh.