1 ONGPATHÜ 1:25 - DAÜLANGPÜ LAIHING (BSI)

²⁵ Shinnyih büpa yiüei mohohbaongthü, nitshüpü mohoh chehathü hatü mi longi yah-ei moila shuohteke, hatü büpai ongpathülei hapeüthü peü, veshan mübü Joab, hatü ngongpa Abiathar, hathü büpa touei hahyingei, ‘Adonijah ongpa yangnyu shoshotuh!’ shei enyüke.

1 ONGPATHÜ 1:25 Referans Kwoze

1 SAMUEL 10:24

Samueli nanglakthü peü kü, “Shembüpai jepü shennyakü büpa hih. Nanglakthü peü khong kü büpa keipü üpayao neshiüpih” shei e. Hahepak kü nanglakthüi lenei, “Ongpa yangnyu shoshoshi nyutuh!” shei e.

1 ONGPATHÜ 1:19

Büpai mohohbaongthü nitshüpü mohoh chehathü hatü mi changshi jüei moila shuohteke, hatü ongpalei hapeüthü peü, ngongpa Abiathar, veshan mübü Joab kü nyükteke, shejao nüngei chongphobü Solomon kü nenyükang.

1 ONGPATHÜ 1:9

Adonijah-i mi, mohoh hatü nitshüpü mohoh chehathü yah-ei En-Rogel yopailei Zoheleth Yaong touei moila shuoh. Büpai büpalei jeihinaüthü, ongpathü, hapeüthü, hatü Judah am ongpalei lakchongbüthü peü kü nyük,

LUK SHAHSHA APPÜ 19:38

“Shembüpalei men kü peipü ongpa moihimanpü! Vangsholei chingmei, hatü shaopüba kü müknyinshekhang!”

MATHI 21:9

Büpa shekü kampü hatü phei kü müpü khongi hapakei len: “Hosanna David Ha! Shembüpalei men kü peipüba moihiman! Peü mü shaopüba kü men longtuh.”

2 SHÜPPÜKENGPÜ 23:11

Hapheikü büpai ongpalei cheha müei deiyei ong athen thenhü, hatü büpa kü vangpüshuwpü shuoh; jomi büpayü ongpa shei len hatü Jehoiada hatü chehathüi büpa thiteiphuei yah, hatü, “Ongpa yangnyu shoshoshi nyutuh!” shei len.

1 SHÜPPÜKENGPÜ 29:21

Nyihphei jomi Shembüpa kü moila hatü jakpü moila hapakei shuoh: mohoh chebaong 1, 000, mi chebaong 1, 000, mi chebaongha 1, 000 mü yiü moila hatü lebü moilathü changshi Israel am peü shingvaishi shuoh.

1 SHÜPPÜKENGPÜ 29:13

Shaang, Oh Kahvang, hami nüng vihnyeih, hatü nüngei müknyinshekhangpü men longnyeih.”

2 ONGPATHÜ 11:12

Hapheikü Jehoiada-i ongpalei ha Joash müei ngai, hatü büpa kü ong athen thenhütü büpai büpa kü vangpüshuwpü lai hük shuoh-ei ong vaihen je. Jomi büpa ong vaihen je, hatü, “Ongpa, yangnyu shoshoshi nyutuh!” shei lak apei len.

1 ONGPATHÜ 1:34

Halei ngongpa Zadok hatü Nathan thibü nyi homei büpa Israel kü ong vaihen thiteiphuei jetuh. Amit vüngtuh hatü, ‘Solomon ongpa yangnyu shoshoshi nyutuh!’ shei lentuh.

2 SAMUEL 16:16

Hahepak kü Ark am Davidei mongjempa Hushai-i Absalom touei peiyei, “Ongpa den lushi nyutuh! Ongpa den lushi nyutuh!” shei e.

MATHI 22:4

Shao büpai lebü chongphobüthü kü, “Nyükpüthü kü hapakei etuh: Veituh, ngei mo temtepih, ngei mohohbaong hatü nitshüpü mohoh chehathü jütepih, hatü lemphü temei nyüpeih; yiükjing molei peikei” shei ehen shom.

1 ONGPATHÜ 1:24

Nathani, “Ngelei shembü ongpa, nüngi Adonijah nüng kü jeiyei ong vaihühen hatü büpai nüngei ong uoshing kü uohühen shei epü je?

1 ONGPATHÜ 1:39

Ngongpa Zadoki ashakshem mongeipü mainga shong yah-ei Solomon kü phuteke, hatü jomi amit vüngtü nanglakthü peüi, “Solomon ongpa yangnyu shoshoshi nyutuh!” shei len,

1 ONGPATHÜ 2:15

Büpai, “Ongchingü ngelei shei nüngiyao nyingdaiphei, hatü Israel am kemei ngei vanglem lemjahen shei ongyangei danteke, shejao hapa ongchingü ngelei naüpeüei lakei heihdaiteke; mehenangkü hapayü Shembüpai büpa kü shuohpü khih.

2 ONGPATHÜ 9:13

Hahepak kü jomi shülangi jomei ashak nyiukei büpalei lateenei nyem. Hapheikü jomi amit vüngei, “Jehuyü Ongpa!” shei len.

2 ONGPATHÜ 11:14

Pinnyüi veishuohjü jomei büyem kü nyupükei ongpa hük shemnyü touei yaongshi ee. Lakchongbüthü hatü amit vüngpüthü peü ongpa touei, hatü nanglakthü peü mongongpai amit vüng. Hahepak kü Athaliah-i pinnyülei ashak shaaktü, “Ngei pungteke! Ngei pungteke!” shei lenei e.