1 ONGPATHÜ 1:16 - DAÜLANGPÜ LAIHING (BSI)

¹⁶ Bathsheba-i ongpa touei aümei sha, hatü ongpai pinnyü kü, “Nüngei nadang meheang?” shei phe.

1 ONGPATHÜ 1:16 Referans Kwoze

1 SAMUEL 25:23

Mechem Abigaili David eepa, pinnyü shülangi gadu dokshang leipü shüh-ei kahdok kü dhe shüshi David touei aümei sha.

1 SAMUEL 24:8

Hapheikü Davidao yaongdung leipü vamei daiyei Saul kü, “Ngelei shembü ongpa!” shei nyük. Mechem Saul yaakei veipa, Davidi büpalei dhe kahdokei aümei shatü, Saul kü,

1 SAMUEL 20:41

Hapa naü aongdaipheikü Davidi yaong khongpü toueipü vamei Jonathan touei jempa thahshi kahdokei aümei shatü khüm. Jiji om kü jüptei, hatü chemi thep shejao Davidi nyeishi thep.

MATHI 20:32

Jisu nenei yaongtü jiji kü nyüktü, “Ngei anji kü mehe dükhahhünya?” shei phe.

MATHI 20:21

Büpai pinnyü kü, “Nüngi mehe napa?” shei phe. Pinnyüi büpa kü, “Nüngei ongching kü ngelei ha hük nüngei lakdah lemei hatü hük nüngei laknyong lemei uohühen mongshih” shei e.

ESTHER 7:2

hatü jiji nyih nyipabü yiü yingei nyushingkü ongpai, “Esther onglanyü, nüngi mehe nanya? Ha nüng kü shuohhen hih. Nüngi mehe yahhahhünya? Ongching hükkeishing vaijao bhaoei shuohhen hih” shei e.

1 ONGPATHÜ 2:20

Pinnyüi, “Ngei nüng kü yühen khümpü dou maanpü hük nyüpeih. Nüngi tah shei te-epha” shei e. Büpai, “Onyü, meheang etuh, ngei tah shei ne-epih” shei e.

1 ONGPATHÜ 1:23

Jomphongi ongpa kü, “Nathan thibüao peiyei nyüke” shei eshuoh. Büpa ongpa touei shüei kahdokei aümei sha.

1 ONGPATHÜ 1:15

Hanangkü Bathsheba ongpalei dungei shü. Ongpa viüdaipü nangkü Shunam am Abishagi jungei nyu.

1 ONGPATHÜ 1:17

Pinnyüi büpa kü, “Ngelei shembü, nüngi Shembüpa nüngei Kahvangei men kü nüngei chongphobü kü lah-ei, ‘Anha Solomoni ngei kü jeiyei ong vaihühen, hatü büpai ngelei ong uoshing kü uohühen shei epü-ü.