1 KORINT 9:17 - DAÜLANGPÜ LAIHING (BSI)

¹⁷ Ngei hayü ngei nyingi mongei dükjema, ngei shing laklei nyüpeih; shejao ngei nyingi mongei dükpü nevaijema, ngei kü kangpü dou hük shuohpü khih.

1 KORINT 9:17 Referans Kwoze

GALATIA 2:7

Haleimü Peter kü Jehoda am kü chongvenhen shuohpükei Kung am touei ngei kü chongvenhen dousho shuohpü jomi eteke.

1 KORINT 3:8

Sheibü hatü yung shihpü nyiphen aihük mükhong nyüpeih, hatü jijiphen laophülei dou aimü lat danghen.

KOLOSI 1:25

Kahvangei shah changei nyinghühen nangkü am shingvaishi ngei kü shuohpü Kahvangei kangpü dou aimü ngei hapalei chongphobü leipeih.

1 KORINT 4:1

Hamphong keyü Khristalei chongphobüthü hatü Kahvangei shahjothü kü khei vaibüthü shei deihtuh.

MATHI 10:41

Üami thibü hükei men kü thibü hük mongongshi yah, thibülei laklei danghen, hatü üami daülangpü shennyakei men kü daülangpü shennyak mongongshi yah, daülangpü shennyakei laklei danghen;

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 THESALONIKA 2:4

shejao shahjangmei kohen Kahvangi mongei jepü shennyakthü keiha enyeih. Hami shennyakthü nevai, jenei mongdang dokpü Kahvang mongmeihühen khenyeih.

1 KORINT 3:14

Mepa hapa chongnyiam shangkü vetepa, ha meishi nyujema shem vebüi laklei danghen.

EZEKIEL 3:14

Laanghai ngei shangei an hatü ngei müei dai, hatü Shembüpalei ngan ngei touei wongmü pei, hatü ngei shahyaki mongshih-ei deihteke.

JEREMIAH 20:9

“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

ISAIAH 6:8

Shembüpai, “Ngei üpa shomhen, hatü ngei shingvaishi üpa daihenang?” shei epü ngeü ngei dan, Hatü ngei eteke, “Ngei hammü nyüpeih; ngei shomtuh.”

NEHEMIAH 11:2

Jerusalemei nyuhen mongpüthü kü nanglakthüi menvih shuoh.

1 SHÜPPÜKENGPÜ 29:9

Hahepak kü mongongshi, mong hük mü jomi Shembüpa kü shuohpü nangkü nanglakthüi mongong hatü David ongpai longi mongong.

1 SHÜPPÜKENGPÜ 29:5

hatü dou dükbüthüi hon shihhen kü honi, ngin shihhen kü ngini ow linghen shuohtepih. Shaang üami Shembüpa kü shinnyih lak laiyei moila shuohhenang?”

PHILEMON 1:14

shejao nüngi bampü doumei dük, hayü kangeishongei nevai shejao nüngei mong kübü vampü vaihen nangkü ngei nüngi nemongpü kü meheyao nedükhü.

2 KORINT 8:12

Mehenangkü shuohhüpü mong nyuphei keyü laophüi ne-angpü ai nevai, shejao angpü aimü thintho yahnyüpeih.

1 KORINT 9:16

Ngei shahjangmei baongjema, ngei changmeihen laphen neshiü; mehenangkü chongvenhenü ngei kü nangtükpü dou, hatü ngei ha shahjang meipü nevenjema ngei onyükei!

LUK SHAHSHA APPÜ 12:42

Jisui e, “Laophülei shembüi büpalei aathü kü hepak jiüshi jomphong kü hanpü hahying shuohhen dousho hanhen mü hingshangpü hatü kon kohpü kheipa üpa nyüpa?

MATHI 24:25

Yeihshi ngei am kü ha etepih, nyingtuh.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

JONAH 1:3

Shejao Jonah-i Shembüpa toueipü lükei Tarshish lemei dai. Büpa Joppalei yiüjashingkü Tarshish lemei daihen jahas hük heüteke. Büpai fara shuohtü jahas mongei shü hatü Shembüpa toueipü lükei Tarshish lemei dai.

1 SHÜPPÜKENGPÜ 29:14

Shejao hapakei mongongshi moila shuohhen mü ngei üpa hatü ngelei nanglakthü üamang? Lemphü nüng leipü peinyeih hatü mehe nüngei lak leipü pei, ha-üng nüng kü yahphünyeih.

JOHAN 4:36

Hah vetbüi nanglat dangnyeih, hatü yangnyu shingvaishi betjük thainyeih, shejüang li haibü hatü vetbü nyi chemi mongongnyeih.

1 KORINT 9:18

Shejema ngelei laklei meheang? Ha khih: ngei shahjangmei baongpü kü bhei neyah-i angkü vennyeih; shahjangmei nangkü ngei ngelei hean jiüpü neyünyih.