1 KORINT 7:34 - DAÜLANGPÜ LAIHING (BSI)

³⁴ hatü büpalei chudeih nyi hantü nyunyeih. Shem neyempü nyüha hatü nelayü büm hatü laangha kü daülangi nyuhen nangkü Shembüpalei dousho deihshi nyunyeih; shejao shem yempü nyühayü kahdoknyü shahhidou kü mekei etü baha mongmeihühen deihshi nyunyeih.

1 KORINT 7:34 Referans Kwoze

1 KORINT 6:20

Mehenangkü amphongü bhei shuohtü shakpeih; hanangkü ammei büm kü Kahvang müknyinshekhanghütuh.

PHILIPPI 1:20

Ngei ongyangpü hatü monglempeyü ngei mekei etao neveühen, shejao ngei monglongei epai yemmü nyujao nevaijü didaijao düngei nyupü keiha shaangao ngelei büm kü Khrista longei anshihhen.

2 KORINT 11:28

Lebü douthü mü lenei, attoithü deihpai ngei nyihjeih hanggovih chettü nyunyeih.

ROM SHAHSHA APPÜ 6:13

Mangei douhinang vaiyei mang thahhen mü hajük kü ammei phaihan teshuoh, shejao dipü kübü yangei leipü keiha laophü nyingi Kahvang kü shuohtuh, hatü nüngei phaihan Kahvang kü daülangshemshepü douhinang kei shuohtuh.

TITUS 3:8

Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.

1 THESALONIKA 5:23

Chingmei Kahvang, büpai am chemjalak kü daüphahen, hatü jenei Shembüpa Jisu Khrista yiüshingkü ammei laangha, yangnyu hatü yembüm meishi hatü eela neshiüi tuhhen.

2 KORINT 8:16

Ngei kü nyupükei Tituslei mongkü am shing nyakpükenpü mongdang shuohpü Kahvang kü ngei menvih shuohnyeih.

1 TIMOTI 3:5

Hanei ami laophülei shemong kü dangkao vanglem nelemaokjema, büpai mekei etü Kahvangei attoi jungei aokhen?

JOHAN 10:13

Lathahbü mokdainyüke, mehenangkü lathahbüi mi kü nejungnyu.

1 KORINT 7:33

shejao shem yempü shennyakü kahdoknyü shahhidou kü mekei etü nyüha mongmeihühen deihshi nyunyeih,

1 KORINT 7:35

Ngei hayü am meihen nangkü enyeih; hayü am kü khüamhen nangkü nevai, shejao jiüpü hatü mei dükei mong aampü neshiüi Shembüpalei dousho longhühen yangnyu lanei shuohhen nangkü enyeih.

1 TIMOTI 5:5

Vaümnyü, üpa monha nyu, Kahvang kü monglemnyüke hatü nyakhingai thüngei yüpü hatü phoppü kü nedoh-i nyunyüke;