1 KORINT 7:22 - DAÜLANGPÜ LAIHING (BSI)

²² Mehenangkü üpa aa vaishi nyushi Shembüpai nyük, büpayü Shembüpa kü bümei shennyak; hapa keiha üpa kü bümei vaishi nyushi nyüktepa, büpayü Khristalei aa nyüke.

1 KORINT 7:22 Referans Kwoze

1 PETER 2:16

Bümei nanglakthü kei nyutuh, shejao ammei bümei hean mang küptükhen shingvaishi tenotei; Kahvang chongphobüthü kei nyutuh.

PHILEMON 1:16

Hajük keyü aa hük kei nevai, shejao aa hük mao nyeipüba, bampü jeihinaü hük, anyei vaishi ngei kü, shejao nyeinya nüng kü phai hatü Shembüpa kü nyüpeih.

GALATIA 5:13

Jeihinaü hatü nyahinaüthü, amphongü bümei touei nyükpeih; shejao ammei bümei hean yah-ei mang nyingnyoi hüshemhühen tenotei, shejao bampai am hüki hük chongphoteituh.

GALATIA 5:1

Mehenangkü bümei shingvaishi Khristai jen bümei leihüpeih. Hanangkü wong kohshi yaongtuh, hatü aalei pang kü shao tepaai.

MENVIH KESHO 116:16

Oh Shembüpa, ngei nüngei chongphobü; Ngei nüngei chongphobü; nüng chongphonyülei hapeü. Nüngi ngei nyiamvü kübü laiyei deishihpeih.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

GALATIA 1:10

Ngei shaangü hangku leipü meiangke shei ehahpü yemnyu hi Kahvang leipü danghen khenya? Nevaijü ngei hangku mongmeihühen khenyu je? Shaang thahshi ngei hangku mongmeihühen khejema, ngeiyü Khristalei chongphobü hük nevai.

1 KORINT 9:19

Ngeiyü üpalei aayao nevai, bümei vaijao, jom nyeishi müei leihen shingvaishi ngei jom peülei aa leipeih.

ROM SHAHSHA APPÜ 1:1

Paul, Khrista Jisu chongphobü, phongshan hük vaihen nyükpü hatü Kahvangei shahjangmei shingvaishi khaatei tuhpü,

1 KORINT 7:21

Am kü nyükshingkü am aa vaishi nyupü je? Hapai am mongteshanghü. Am bümei paoh dangjao sheleipü mao nyeishi shaang hapa laphen kü meipüba kü nyutuh.

1 KORINT 9:21

Shahkung haolei nyupüthü müei leihen shingvaishi shahkung haolei nyupüthü touei (ngei Kahvangei shahkung kübü bümei leiyei nenyu shejao ngei Khristalei shahkung phangkü nyujao) ngei shahkung haolei nyupüthü kei leipeih.