1 KORINT 6:11 - DAÜLANGPÜ LAIHING (BSI)

¹¹ Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

1 KORINT 6:11 Referans Kwoze

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

1 KORINT 1:2

Korintlei nyupü Kahvangei attoi, Jisu Khrista kü daütükpüthü, daülangpüthü vaihen nyükpüthü mü chemi shing peülei jenei Shembüpa Jisu Khrista– jomei hatü jenei Shembüpa men kü nyükpüthü touei,

PHONGSHANTHÜ DOU 22:16

Mehekei nüng pheinya? Layaongtuh, baptüktuh, hatü nüngei mang paütüktü büpalei men kü nyüktuh” shei ephopeih.

ROM SHAHSHA APPÜ 8:30

hatü üam büpai jelang, hathü büpai nyüklang; hatü üam büpai nyüklang, büpai hathü dahshakhü; hatü üam büpai dahshakhü, büpai hathüao müknyinshekhanghüteke.

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

EPHESIA 5:26

shejüang shah homei yungi paüei daüpai pinnyü daülangi leihen;

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

ROM SHAHSHA APPÜ 8:33

Kahvangi jelangpü khüei üpai thaüvaüaokhen? Hapayü Kahvangi dahshakhüpeih.

ROM SHAHSHA APPÜ 5:1

Hanangkü hinglempai jen dahshakhüpü nangkü jenei Shembüpa Jisu Khrista homei Kahvang mü jen chingmei nyüpeih.

2 THESALONIKA 2:13

Shejao Shembüpai bampü jeihinaü nyahinaüthü, hami düngei am shingvaishi Kahvang kü menvih shuohhen vongbong nyüke; mehenangkü Kahvangi amphongü daühüpü Laangha dou homei hatü shahhing kü hinglempü homei yemleihen shingvaishi shongpü betjük vaihen jelangpeih.

PHONGSHANTHÜ DOU 13:39

Mosa shahkungi dah neshakhüaokpü lemphü kübü hinglempüthü peü büpa homei dah shaknyüpeih.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

GALATIA 3:11

Shahkung dükpai üpaiyao Kahvang touei dahshakei neaokpih shei shaang lekei eenyüke; mehenangkü, “Daülangpü shennyak hinglempai mon nyuhen.”

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

GALATIA 2:16

shejao shennyak hüki shahkungnyü dükpai nevai, shejao Jisu Khrista kü hinglempü homei dahshaknyeih shei jeni nying. Khrista kü hinglempai jen dahshakpü danghen shingvaishi jeni Jisu Khrista kü hinglemei peiteke, hatü hayü shahkungnyü douthü dükpai nevai; mehenangkü üpaiyao shahkungnyü douthü dükpai dahshakei neaokpih.

1 KORINT 12:2

Mechem am nevaipü am nyupa, amphongü shah ne-eaokpü lajeithü lemei yawh-ei lemnyongei deilangpeih.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

MENVIH KESHO 51:7

Hyssop yah-ei ngei daütükshih, hatü ngei daüdaihen; ngei paütükshih, hatü ngei shüdao mao shoshi leidaihen.

MENVIH KESHO 51:2

Ngei pungpü kübü meishi daütükshih, hatü ngelei mang kübü ngei paütükshih.

HEBREW 2:11

Mehenangkü daühüpüba hatü daütükpüthü peüei Pa hük nyüke. Ha tata kü Jisui jomphong peü kü jeihinaü hatü nyahinaüthü shei nyükhen neveünyu.

GALATIA 3:24

Hanangkü hinglempü homei jen dahshakhen mü Khrista mangyiüi nyupü thahshi shahkungnyü-ü jenei shembü vaihampeih.

ROM SHAHSHA APPÜ 5:9

Shaang jeni büpalei iy homei dahshakhüteke, meshükpa büpa homei jen Kahvangei mongshih kübü yangphahen!

ROM SHAHSHA APPÜ 3:24

shejao jomphong shaangü Khrista Jisu kü angei leipü homei büpalei phahji thinthoi jom dahshakhüteke.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

ISAIAH 45:25

Shembüpa kü Israel jat peüi aokpü danghen hatü müknyinshekhanghen.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

GALATIA 3:8

Kung amao hinglempai Kahvangi dahshakhühen shei Laihingi yeihshi eeyei sheleiüng hapa shahjangmei Abraham kü, “Kung am peü nüng homei moihimanhen” shei baongei eteke.

ROM SHAHSHA APPÜ 4:5

Shejao dou ne-omi nemeipüthü dahshakhüpü Kahvang kü üami hinglemnya, hapakei hinglempü kü daülangshemshepü shei ieyeilemnyeih.

ISAIAH 1:16

Am nyingi paütüktuh, hatü daülangi leituh. Am toueipü ammi dükpü doulemthü yaktükkemtuh, ten dükpü dohdaituh.

KANDOK 30:12

Shennyak haneiyü müki eeheni daülangpükei, shejao nedaünelangpü kübü neyanpü nyüke.

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JOHAN 13:10

Jisui büpa kü, “Hangha laktükpü hüki la paühen mü lenei peü paühen nadang neshiü, shejao peü daüshi nyüke. Peü nevaijao amphong daüshi nyüke” shei e.

LEVI 8:6

Hahepak kü Mosai Aaron hatü chehathü shelei deiyei yung kü jom paühüteke.

JOHAN 13:8

Peteri büpa kü, “Nüngi ngelei la demü tephukei” shei e. Jisui, “Ngei nüng mangpaü thahshi nüng ngei mü phaihan neshiü” shei e.

HEBREW 10:29

Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?

1 JOHAN 2:12

Maanpü hashihthü, ngei am kü nyangnyeih, mehenangkü büpalei men nangkü ammei mang peü tükteke.

LEVI 14:48

Shejao ngongpai hapa mom dokei veinüng shüjü hapa jintükpheikü daei nedaijema, büpai hapa shemü daülangpü shei baonghen; mehenangkü mom mahdaiteke.

MATHI 20:4

hatü büpai jomphong kü, “Amphongao ngelei nyalingngupai kahlei shatuh, hatü am kao jiüpü aimü nanglat shuohhen” shei e. Hanangkü jomphongao shateke.

JOHAN 5:4

Mehenangkü hepak hepak kü vangsho phongshan yiüei hapa yung jenhamteke. Yung jenshan ieyei üpai shong halei laongei hünghenshang, mehe din vaijao meidaihamteke.