1 KORINT 5:9 - DAÜLANGPÜ LAIHING (BSI)

⁹ Ngelei lai kü ngei am kü mükbongjuyungpüthü mü tejemtei shei nyangphei.

1 KORINT 5:9 Referans Kwoze

EPHESIA 5:11

Betjük nejükpü shangmang douthü kü hean teyah, shejao hathüyü shakei ngaihütuh.

2 THESALONIKA 3:14

Shennyak hanei ami hami ha lai kü nyangpü shah nebangjema, büpa meishi veiyei tuhtuh. Büpa veü nyemdangnüng ammi büpa mü tejemtei.

2 THESALONIKA 3:6

Jeihinaüthü, nehetpü jeihinaüthü hatü ammi ham leipü yahpü shahjangmei aimü nenyupüthü kübü khaatei nyutuh shei Shembüpa Jisu Khristalei men kü hami am kü shahkung shuohnyeih.

2 KORINT 6:14

Ammi nevaipüthü mü pang hük kü tepaai. Mehenangkü daülangpü hatü mang nyi melei jempa? Nevaijü vangngai-i vangnyak mü melei jempa?

KANDOK 9:6

Amphong nelinehapü tuhphongtuh, shejüang am yem mü nyuhen; nyingpühingpü lem kü kamtuh” shei enyüke.

1 KORINT 5:7

Daw chang daütüktuh, shejüang amphongü daw neshihpü aan ja vaihen. Mehenangkü jenei Khrista, Hompü Mo mi cheha moila shuohteke.

1 KORINT 5:2

Ammi ha kü changmeinyüke! Hapakei dükpü shennyak am toueipü changtükhen nangkü am mongshangei deihhen nevaipü je?

2 KORINT 6:17

Hanangkü jom kübü vamdaituh, hatü jom toueipü khaatei nyutuh shei Shembüpai enyüke. hatü nedaüpü mepa kao tehong; shejema ngei am mongongshi yahhen,

1 KORINT 5:10

Hapa kahdoknyü kübü nevaipü am mükbongjuyungpü, hahnempü, gühpü nevaijü lajei kü khümpüthü nang ngei ne-enyih. Hathü kübü yanhenü ammi chemjalak kü kahdoknyü kübü yanhen nyüke.