1 KORINT 5:13 - DAÜLANGPÜ LAIHING (BSI)

¹³ Haolei nyupüthü keyü Kahvangi shahphenhen. “Amphong khong kübü nemeipü shennyak changtüktuh.”

1 KORINT 5:13 Referans Kwoze

SHAHKÜP 17:7

Denpü shuohpü shennyakthüi shongei lak shih-ei panghen, hatü hapheikü mon nanglakthü peüi lakhüngei yaongi shükei jühen. Hapakei dükpai am touei nyupü mang daütükhen.

SHAHKÜP 13:5

Hapa keipü thibü nevaijü mangh tetpeyü jütüktuh; mehenangkü jomi Shembüpa, ammei Kahvang, üpai am aa vaihampü Ijip kahdok leipü müei leipa, büpa khüei yaongnyüke. Büpai Shembüpa, ammei Kahvangi epü lem kübü am mülanghen khenyüke. Am toueipü henüng keipü mang daütüktuh.

SHAHKÜP 21:21

Hahepak kü jomei jila kübü shennyakthüi büpa yaongi shükei jütükhen, hatü hapakei am khong kübü mang daütükhen. Israel am peüi hapa danei nyemhen.

MATHI 18:17

Büpai ha banghen nemongjema, ha attoi am kü etuh, hatü büpai attoi ami epü kao nebangjema, büpayü Kung am nevaijü lat thaipü am kei tuhphongtuh.

SHAHKÜP 22:24

ammi jiji nyiphen penyüshalei deiyei yaongi shükei jütüktuh. Mehenangkü hapa nela-i chingnyülei pinnyüi vaüpü eepü mih-i danhen mü tuhtü nevaüpü nangkü, hatü hapa bahapai mih-i doi khüamlangphei nela mü mükbongjuyungpü nangkü dihen. Hapa keiha am toueipü mang daütükhen.

SHAHKÜP 17:12

Shembüpa, ammei Kahvang chongphopü shahphenbü nevaijü ngongpa kü üpai ven nebanghen jütükhen; hapakei dükpai Israel kübü mang daütükhen.

1 KORINT 5:5

Hapa shennyakei phai mangtükhen shingvaishi ammi Satan kü shuohtüktuh; shejüang Shembüpalei nyih kü büpalei laangha yangaokhen.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

1 KORINT 5:7

Daw chang daütüktuh, shejüang amphongü daw neshihpü aan ja vaihen. Mehenangkü jenei Khrista, Hompü Mo mi cheha moila shuohteke.

1 KORINT 5:1

Amphong khongkü mükbongjuyung, hapayü nevaipü am touei dangkao nenyubenüng dou– shennyak hüki laophülei nyüma mü nyunyüke shei hingshangi shah-om shuohteke.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

CHONGVENBÜ 9:18

Kihikonü vehok phunglang mao meipeih, shejao mang shennyaki mei longi mangtüknyeih.

MENVIH KESHO 50:6

Vangshothüi büpa daülangshemshepü baongnyeih, mehenangkü Kahvang, büpayü shahphenbü.

SHAHPHENBÜTHÜ 20:13

Israel kübü nemeipü mang shaptükhen shingvaishi Gibeah kü nemeipü shennyakthü shakei ngaishih hatü hamphongi jomphong jütükhen” shei e. Shejao Benjamin ami jempü jeihinaü Israel jatthüi epü kü dhaong neno.

1 KORINT 5:2

Ammi ha kü changmeinyüke! Hapakei dükpü shennyak am toueipü changtükhen nangkü am mongshangei deihhen nevaipü je?