1 KORINT 5:1 - DAÜLANGPÜ LAIHING (BSI)

¹ Amphong khongkü mükbongjuyung, hapayü nevaipü am touei dangkao nenyubenüng dou– shennyak hüki laophülei nyüma mü nyunyüke shei hingshangi shah-om shuohteke.

1 KORINT 5:1 Referans Kwoze

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

SHAKEI VAMPÜ 2:21

Ngei pinnyü kü mong lephen hepak shuoh, shejao pinnyüi mükbongjuyung kübü mong lepei neleihünyu.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

EPHESIA 5:3

Shejao iyjeiphailei hatü nedaünelangpü lemphü, nevaijü hahnempü henüng keipü ammi te-etei; mehenangkü daülangpüthü touei ha jiüpü nevai.

LEVI 18:8

Nüngi ampalei nyüha hük mao mükbongjuyung tedük; hapai ampa veü danghühen.

GALATIA 5:19

Shaang phailei douthü ngaiheyei vamteke: iyjeiphailei, nedaünelang, ten dükpü,

1 THESALONIKA 4:7

Mehenangkü Kahvangi jenphongü nedaünelangpü kü nevai, shejao daülangpü yangnyu nyuhen nyükpeih.

2 KORINT 12:21

Shao mechem ngei am touei peihenshang, ngelei Kahvangi ngei am touei maanei leihühen, hatü üami shelei mang thahtü jomi dükpü nedaünelang, mükbongjuyung, shahkung mangpü kübü mong nelep, hathü longi nangkü ngei mongkü tünghen mü shiühen khih shei ngei yingei deihnyüke.

1 KORINT 6:18

Iyjeiphailei tuhtüktuh! Shennyak hüki thahpü mang kemei büm kü hongei neshiü, shejao mükbongjuyungü laophülei büm khüei düknyüpeih.

1 KORINT 6:13

“Hahyingü shünyü shingvaishi hatü shünyü-ü hahying shingvaishi nyüke,” hatü Kahvangi nyiphen mahtükhen. Bümü iyjeiphailei shingvaishi nevai, shejao Shembüpa shingvaishi, hatü Shembüpayü büm shingvaishi nyüke.

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

1 KORINT 5:11

Shejao shaang ngei am kü nyangpeyü vaipü jeihinaü nevaijü nyahinaü shei men kotü mükbongjuyungei, hahnemei, lajei kü khümei, ten epü hatü gühpüthü mü tejemtei shei epeih. Henüng keipü shennyak mü chemiyao tehah teying.

PHONGSHANTHÜ DOU 15:29

Ammi lajei kü jeetükpü hahying nehahhen, iy hatü yüpei jüpü nehahhen hatü mükbongjuyung kübü yantuh. Ammi hathü kübü yanei nyujema, am-üng meipüba kü nyuhen, dohpü selam.”

PHONGSHANTHÜ DOU 15:20

shejao jeni jom kü nyangshuohhenü lajei kü jeetükpü hahying nehahhen, mükbongjuyung mang kübü, hatü yüpei jüpü hatü iy hahpü kübü yanei nyuhen ehen khih.

JEREMIAH 2:33

Chühimai yawhhen nüng meshük manpüang! Nemeipü nyühathü kü dangkao nüngi nüngei lemnyuh-aokteke.

2 KORINT 7:12

Hanangkü ngei am kü nyangjao hayü nejiüi dükpüba nangkü nevai, nevaijü mongkü ma yahpüba nangkü nevai, shejao Kahvang touei ammi ham shing nyakpükenpü am kü nyinghühen nangkü nyangpeih.

1 KORINT 1:11

Ngelei jeihinaü hatü nyahinaüthü, am khongkü dehilao nyüke shei Khloe am shemi ngei kü eküpeih.

AMOS 2:7

Jomi taopathü kübhih kü nyeüei dungtüknyüke, hatü neaoknethang ponghahpüthü lemhaoei yaktüknyüke. Pahiha nyi chemi nyüha hük mü shinyüke; hapai ngelei daülangpü men tentüknyüke.

EZEKIEL 16:47

Ammi jomei lemthü kü kamei jomei jiühitbenüng dükhiling kapiyei dükpü mon nevai shejao jom mao lem peü kü am-üng nemeipüba nyupeih.

SHAHKÜP 27:20

“Laophülei palei nyüha mü mükbongjuyung dükei üpai laophülei pa veühühenshang, hapa shennyak kü thaüvaü hettuh”. Hahepak kü nanglak peüi, “Amen!” shei ehen.

SHAHKÜP 22:30

Üpaiyao laophülei palei nyüha mü mükbongjuyungei laophülei pa neveühühen vongbong.

EZEKIEL 22:10

Hapa chingnyülei hanei laophülei palei nyüha mü shinyüke, hatü nyühathü hangha tenpü hepak kü jemteinyüke.

1 SHÜPPÜKENGPÜ 5:1

Jakobei hashongpa Reubenei hühihathü. “Mehenangkü Reubeni chepalei yiükphü hük mü mükbongjuyungpü nangkü jeiyongpa heanü Joseph kü shuohtükpeih. Hanangkü bülem itpülei büpayü bühpü aimü jeiyongpa hean kü itei nenyangnyih,

2 SAMUEL 20:3

Mechem David Jerusalemei büpalei shemei leipa, büpai shem veihen tuhpü yiükphü jom an yah-ei shem hükei yomshi tuh. Büpai jomphong kü hahying shuoh, shejao jomphong mü neshi. Mangdi thahshi vaümnyüthü kei küpshi angteke.

2 SAMUEL 16:22

Hanangkü jomi jom shing shem adokei ashakshem hük ve, hatü büpai Israel am peüi eeshi chepalei yiükphüthü mü shi.

1 SAMUEL 2:24

Tahma, ngelei hapeü nyi, Shembüpalei nanglakthü khongkü eteiyei ngei danpü shah-ü mei nevaipih.

LEVI 20:11

Shennyak hanei-i laophülei palei nyüha mü mükbongjuyungjema, chepa veühüteke. Jijiphen jütükhen, hatü jijilei iy jiji shak kü nyuhen.

KAHBHAO 49:4

Yung keiha shing nelingi, nüng hajük kü shongnyü neleipih; mehenangkü nüngi ngelei shinshing dhüm neshiüi sheihtükpeih.

KAHBHAO 37:2

Hapayü Jakob am shemei büshah. Joseph bong anpünyet kü chejeihijei am Bilhah hatü Zilpah nyilei hapeüthü kü sheühteiyei mi yomei nyu. hatü büpai hathü jung shahjang nemeipü chepa touei koei leiteke.

KAHBHAO 35:22

Mechem Israel hapa kahdokei nyupa, Reuben peiyei chepalei yiükphü Bilhah mü shi, hatü Israeli ha dan. Shaang Jakobei yeshangthü jom anpünyi nyu.

2 KORINT 2:5

Shejao hanei ami am mongmanghüei nyujema, büpai hayü ngei kü nevai, shejao lemhüklei, daei enyu nevai, am peü mongmanghüteke.