1 KORINT 4:8 - DAÜLANGPÜ LAIHING (BSI)

⁸ Ammi napü peü dangteke! Am sheyü shemmei leiteke! Ham nevaijao am payü ongthü leidaiteke! Hamao am mü ong vaihen shingvaishi am peü ong nyemvai shei ngei deihnyeih.

1 KORINT 4:8 Referans Kwoze

SHAKEI VAMPÜ 5:10

nüngi hathüyü ongching, hatü jenei Kahvang chongphopü ngongpathü leihüteke, hatü jom kahdoknyülei vanglem lemhen.”

GALATIA 6:3

Üami menüngao nevaipü kü lemhük vaipükei deihnya, laophü nyingi luhahnyüke.

2 KORINT 13:9

Mechem ham wong nekoh, shejüang ham mongongnyeih, shejao ammü wong kohnyüke; hatü ha tata kü hami phoppeyü am changeishaei leihen shingvaishi nyüke.

1 KORINT 5:6

Am changmeipeyü doumei nevai. Maanpü daw homei aan kemei paaidainyeih shei ammi nenyingnyu je?

1 KORINT 1:5

mehenangkü lem peü kü– epü kü, nyingpü kü hatü lemphü kü büpa mü mongjemei am shemmei leiteke.

ROM SHAHSHA APPÜ 12:3

Mehenangkü ammi deihhen jiüpü mü nyeishi laophü nyingi longi shaoshi tedeih shei ngei kü shuohpü phahji homei ngei am peü kü enyeih, shejao Kahvangi shuohpü hinglempü kü shettü ha aimü jiüshangpü shahphen yahhen deih-ei dangtuh.

LUK SHAHSHA APPÜ 6:25

Shaang moh-ei nyupüthü onyükei, mehenangkü amphong aeihen. Amphong shaang nyipüthü onyükei, mehenangkü mahng thephen hatü younghen.

KANDOK 13:7

Hanei ami meheyao neshiüshiüi lemphü angpükei hunyüke; shejao lebü hanei-i lemphü angtü taopa kei hunyüke.

SHAKEI VAMPÜ 3:17

Mehenangkü ammi, “Ngeiyü shemmei hih, ngei lemphü nyüpeih; meheyao netaonyih” shei enyüke. “Shejao amü lomoh aühaü mong kü nemeipü, taopü, mükphüngpü hatü bümkong kü nyüke shei nenyingnyu.

PHILIPPI 2:12

Hanangkü ngei bampüthü, ngei nyushi mon nevai, ngei neshiüpü hepak kü nyeishi ammi düngei ngelei shah bangpükei nyemei kheüei laophülei yemleipü düklangtuh;

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

2 KORINT 11:1

Ngei maani nelipü kü am nenteiaokei chongkütuh; shejao ammi hapayü dükei heiteke.

1 KORINT 4:18

Shejao am hanei ami ngei am touei nepeikahen shei deihshi changmeinyüke.

PHONGSHANTHÜ DOU 26:29

Pauli, “Lomi vaijao nevaijao nüng mon nevai, shejao shinnyih ngei epü kü bangpüthü peü nyiamvüi shapü mü lenei ngei kei nyemlei shei ngei Kahvang kü phopnyeih” shei jangei e.

JEREMIAH 28:6

Jeremiah thibüi, “Amen! Shembüpai hapakei nyemdükma! Nüngi teteivanei epü shahthü kei Shembüpalei shem leipü deilangpü yungshongthü hatü Babylon wüpküpei nyupüthü müei nyemleiküma!

ISAIAH 5:21

Laophü nyingi nahnyüpeih, hatü kon kohnyüpeih shei deihpüthü onyükei!

KANDOK 25:14

Laophüi thintho neshuohhen kü lahtü changmeipüthüyü vang nekei-i phum thih-ei vanglük lükpükei nyüke.

BHEI-IE 11:29

Shejao Mosai büpa kü, “Ngei leimao nüngi ha kü mükhühpü je? Shembüpalei nanglakthü kemei thibüthü kei hatü Shembüpai jom peü kü büpalei laangha nyemshuohkei shei ngei deihnyeih” shei e.

MATHI 5:1

Mechem Jisui khongnyü eepa, büpa kahshangei aong, hatü büpa uopheikü büpalei nanglomthü büpa touei heih.