1 KORINT 4:6 - DAÜLANGPÜ LAIHING (BSI)

⁶ Jeihinaü hatü nyahinaüthü, am nanglei vaihen nangkü ngei hapayü Apollos henji kü lapei epeih, shejüang ammi henji homei, “Laihingei nyangei nyupü kü nyeishi tedai” shei epü nyinghen; shejüang am üpaiyao hüki hük khüei nechangmeihen.

1 KORINT 4:6 Referans Kwoze

2 KORINT 11:4

Mehenangkü hanei ami am touei peiyei hami chongvenpü Jisu jung mü lenei lebü jisu jung chongvenphüjü, nevaijü ammi yahpü laangha mü lenei lebü laangha jung nyuhphüjü, nevaijü ammi yahpü shahjangmei mü lenei lebü shahjangmei chongvenphüjü ammi hapayü temtüktü nyupükei yahnyüke.

2 KORINT 12:19

Nyuyang kemei kü am touei ham nyingi yanglem yempükei deihpü je? Khrista kü Kahvang touei hami enyüpeih, hatü hami dükpü lemphü, bampü küphüthü, am wong kohhühen nangkü dükpeih.

2 KORINT 12:6

Ngei changmeihen jehahjao ngeiyü ngapa nevai; mehenangkü ngei shahhing ehen. Shejao ngei nyingi henüng kübü yepei tuhlangnyeih, shejüang ngei kübü eepü nevaijü ngei kübü danhahpü mü lenei üpaiyao ngei nang meinyu kei nedeihhen.

KOLOSI 2:18

Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

1 THESALONIKA 1:5

mehenangkü am touei shahjang meipeyü shah kü mon nevai, shejao ngan kü hatü Laangha Daülangpü kü hinglemhen mü peipeih. Ammei men kü am touei ham mekei nyuei daipa ammi ha nyingei nyüke.

ROM SHAHSHA APPÜ 12:3

Mehenangkü ammi deihhen jiüpü mü nyeishi laophü nyingi longi shaoshi tedeih shei ngei kü shuohpü phahji homei ngei am peü kü enyeih, shejao Kahvangi shuohpü hinglempü kü shettü ha aimü jiüshangpü shahphen yahhen deih-ei dangtuh.

2 KORINT 10:7

Amphongü shakdok leipü dou kü mon veinyüke. Amphong hanei ami hamphongü Khristalei shei monglemei nyujema, amphong Khristalei vaipükei hamphongao Khristalei shei deih-ei dangtuh.

2 KORINT 4:15

Hih, lemphüli am nanglei danghen shingvaishi nyüke, shejüang hapa phahji nanglak nyeipüba nyeipüba touei yanei daishingkü Kahvang müknyinshekhang shing menvih nyeinya dahen.

1 KORINT 8:1

Shaangü lajei kü jeetükpü hahying nangkü: “Jen peü kü kihikon nyüpeih” shei jeni nyingnyüke. Kihikoni changmeipai pouknyeih, shejao bampai lingnyüpeih.

1 KORINT 5:6

Am changmeipeyü doumei nevai. Maanpü daw homei aan kemei paaidainyeih shei ammi nenyingnyu je?

1 KORINT 3:19

Mehenangkü hapa kahdoknyü kihikonü Kahvang touei ngadou nyüke. Mehenangkü ha nyangei nyüke: “Büpai nahpüthü jomei glüp mü yeplangnyeih,”

2 TIMOTI 2:10

Hanangkü nedohnetenpü müknyinshekhang mü Khrista Jisu kü jomphongao yemleipü danghen shingvaishi jepüthülei men kü ngei lemphü munennyeih.

2 KORINT 10:15

Mih-i düktükpü dou kü hami jiüpü mü lenei nechangmeinyih; shejao hami monglempeyü am vaipü kü dashingkü am touei hami dou dükpü nyeinya longhen,

2 KORINT 10:12

Longi shaoshi deihpüthü mü ham nyingi khong khong kungei nelingnyih, nevaijü neshetteinyih. Shejao jom hüki hük mü shetteipai hatü hüki hük mü phenteipai jomi chudeih meipü nehunyu.

1 KORINT 13:4

Bampai nenteiaoknyeih; bampai yahyang shinshangnyeih; bampai mük nehühnyih; nevaijü bampai awdaei, nevaijü changmeiyei,

1 KORINT 9:23

Ngei hapalei moihiman hanteihen shingvaishi ngei ha peü shahjangmei men kü düknyeih.

1 KORINT 5:2

Ammi ha kü changmeinyüke! Hapakei dükpü shennyak am toueipü changtükhen nangkü am mongshangei deihhen nevaipü je?

1 KORINT 3:21

Hanangkü üpaiyao shennyaki dükaokpü nangkü techangmei. Mehenangkü dou peü ammei,

1 KORINT 1:31

shejüang nyangei nyupü keiha, “Üpai changmeinya, Shembüpa kü changmeituh.”

1 KORINT 1:19

Mehenangkü ha nyangei nyüke: “Ngei nahpüthülei kihikon mahtükhen, hatü yaopüthülei kon ngei küptükhen.”

1 KORINT 1:12

Ngei ehüpeyü ha hih, am peüi, “Ngeiyü Paul khong,” nevaijü “Ngeiyü Apollos khong,” nevaijü “Ngeiyü Cephas khong,” nevaijü “Ngeiyü Khrista khong” shei enyüke.

ISAIAH 2:22

Ngü mon heetü didaihen nyupü hangku kü mongtelem, Büpa kü mehe monglemhen shangpü nyüpa?

MENVIH KESHO 146:3

Nüngi ongthü kü mongtelem, hangkui nüng neyangaokpih.

MENVIH KESHO 8:4

shennyak kü nüngi hajük mong shuohhen mü, hatü hangku kü nüngi hajük junghen mü büpa meheang?

PHONGSHANTHÜ DOU 18:24

Shaang Ephesialei Alexandria leipü Jehoda am Apollos shei menpü pei. Büpayü shah meishi eaokpü laihing meishi nyingpü shennyak nyu.

PHONGSHANTHÜ DOU 19:1

Mechem Apollos Korintlei nyupa, Paul-ü hapa kahmük moidoi jiam homei daiyei Ephesialei pei; halei büpai vaipüthü hanei heüteke.

2 KORINT 12:20

Mechem ngei peihenshang, ngei napükei am nenyuphahen, hatü ammi napükei ngei nenyukahen vaaishang shei yingei deihnyüke; Üpai nyingpa, depülaopü, mükhühteipü, mongshih anpü, laophü shing mon deihpü, yaüeilungpü, mihla epü, changmeipü hatü bukpüshaanpü nyuhen khih shei ngei yingei deihnyüke.