1 KORINT 4:5 - DAÜLANGPÜ LAIHING (BSI)

⁵ Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

1 KORINT 4:5 Referans Kwoze

JAKOB 5:7

Hanangkü jeihinaüthü, Shembüpa mangyiü thahshi nenteiaokei dantuh. Kahling ami kahdok leipü hahying vamjapü dannyeih hatü shongpü hatü nyipabü vang keipü omdannyeih.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

1 KORINT 3:13

büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

2 KORINT 10:18

Laophü nyingi meipeih shei deihhahpü hapai nevai, shejao Shembüpai meiangpeih shei deihpü shennyak yahnyüpeih.

ROM SHAHSHA APPÜ 2:16

Hapayü ngei venpü shahjangmei aimü Jisu Khrista homei Kahvangi joshi deihpü peü shahphenpü nyih nyukahen.

ROM SHAHSHA APPÜ 2:1

Hanangkü üpa vaihenshang vaijao ammi mih kü shahphenpü kü mang tükpü neshiü; mehenangkü mih kü shahphen shuohpai ammi laophü nyingi nyonghahnyüke; mehenangkü am shahphenpüthüi aihük douthü düknyüke.

SHAKEI VAMPÜ 20:12

Hatü ngei dipüthü longpü maanpü peü ong uoshing touei yaongshi ee, hatü laithü apteke. Shao lebü lai hük, yangnyu laitap apteke, hatü dipüthü peü lailei nyangei nyupü jomei dou aimü shahphenteke.

CHONGVENBÜ 12:14

Mehenangkü Kahvangi joshi nyupü dou, meipü hatü nemeipü dou lemphüli shahphen shingei koei peikahen.

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

ROM SHAHSHA APPÜ 2:29

Halangmao üpai monglei nyu büpayü hingmeipü Jehoda am, hatü hingshangi japtükpeyü mongdangei shahhidou; hapayü nyingnyoi dou nevai laangha dou. Hapa keipü shennyakü mih leipü nevai Kahvang leipü dupü-oupü dangnyeih.

2 KORINT 4:2

Hami veübenüng douthü hatü jopü douthü yaktüktih; hami ühingnakai nedüknyih, nevaijü Kahvangei shah shahshem neleihünyih; shejao shahhing ngaiheyei epai ham nyingi peülei mongdeih kü Kahvang touei menvih shuohnyeih.

ROM SHAHSHA APPÜ 14:4

Hanei amei chongphobü kü shahphenhen nüng üpaang? Jomei shembü touei jom yaonghen nevaijü dohen. Büpa yaonghen, mehenangkü Shembüpai büpa yaonghüaokhen.

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

JAKOB 4:11

Jeihinaü nyahinaüthü, am hüki hük khüei ten te-etei. Üami lebü khüei ten ehen, nevaijü shahphenhen, shahkung khüei ten enyüke hatü hapa shahphennyüke. Shejao ammi shahkungi shahphenjema, amphongü shahkung bangpüthü nevai, shejao shahphenbüthü leinyüke.

LUK SHAHSHA APPÜ 6:37

“Ammi mih-ei shah tephen, hatü ammei shah-ao nephenhen; ammi mih tenyonghü, shejüang amao nenyonghühen. Mih kü mang tükeishuoh, shejüang ammei mangao tükphahen.

MATHI 24:46

Shembü nyokei leishingkü dou dükei nyupü chongphobüyü moihiman.

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

1 THESALONIKA 5:2

mehenangkü Shembüpalei nyih-ü yanüng gühpa hük peipü keiha peikahen shei ammi meishi nyingei nyüke.

JOHAN 21:22

Jisui büpa kü, “Ngei yiüpü thahshi büpa yemmü tuhjao nüngi ha mehe vainüng? Ngei phei mükei” shei e.

2 PETER 3:4

hatü jomi, “Büpa yiükahen lahpü melei nyüpa? Jenei bühipathü dikemteke, shejao chongpangpülei lingpü lakshing lemphüli shaang thahshi dainyüke!” shei enyüke.

MATHI 25:23

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

JUD SHAHSHA APPÜ 1:14

Adam kübü hüshomhülai nyetpabü Enokh-i hathü nang hei tetei epeih: “Veituh, Shembüpai büpalei daülangpü vangsho phongshan haja dok kü haja müei yiükünyüke;

2 PETER 3:12

Kahvang yiükahen shülangpü nyih danhenang? Mehenangkü hapa nyih vangshothü awi hahtükhen, hatü awshami lemphü douthü nyaüdaihen.

1 KORINT 15:23

Shejao peüi laophü kü jiüpü ai yangei leihen: Khristayü shongpü betjük; hapheikü büpa yiüshingkü Khristalei lompüthü yangei leihen.

1 KORINT 11:26

Mehenangkü ammi meshükpa hapa aan hah, hatü hapa yungshong ying, büpa mangyiü thahshi ammi Shembüpa dipü baongnyüke.

1 KORINT 1:7

Hanangkü jenei Shembüpa Jisu Khrista shakei vamküpü omdanpai am laangha thintho mepayao taoei nenyu.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

MATHI 24:30

Hahepak kü Shennyak Ha nyangeihepü phumshangei vamhen, hatü kahdoknyü jatthü peü thephen. Jomi Shennyak Ha vangsho phumthü shangkü uotü ngan hatü müknyinshekhang longpü kü yiüpü eehen,

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

1 KORINT 3:8

Sheibü hatü yung shihpü nyiphen aihük mükhong nyüpeih, hatü jijiphen laophülei dou aimü lat danghen.

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

JOB SHAHSHA APPÜ 12:22

Büpai vangnyak leipü chüpü douthü shakei ngainyeih, hatü vangngai kü shangmang koei peihünyeih.

JEREMIAH 16:17

Ngelei mük jomei lemthü kü veishi nyüpeih; jom ngei touei joshing neshiü; nevaijü jomei mang ngei touei joshi neshiü.

JEREMIAH 23:25

Ngelei men kü shahshem teteivanpü thibüthüi epü shah ngei dantepih. Jomi, “Ngei mangh hük manghpeih! Ngei mangh hük manghpeih!” shei enyüke.

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

MATHI 10:26

Hanangkü jom kü tenyem; mehenangkü shakei nevamhen meheyao küpei neshiü, hatü nenyinghen doujo mepayao nechongkahen.

JOHAN 21:23

Hanangkü hapa nanglom nedihenja shei jeihinaüthü khongkü shahjang yanteke. Shejao Jisui büpa nedipih shei büpa kü ne-e, shejao “Ngei yiüpü thahshi büpa yemmü tuhjao nüngi ha mehe vainüng?” shei mon eteke.

1 KORINT 3:14

Mepa hapa chongnyiam shangkü vetepa, ha meishi nyujema shem vebüi laklei danghen.

1 KORINT 11:16

Shejao hanei ami shah dakteihüjema, hapa keipü jenei vanglem nevaijü Kahvangei attoi kü neshiü.

JAKOB 5:9

Jeihinaüthü, am hüki hük khüei tenümnüm, shejüang am kü shah nephenhen. Veituh, Shahphenbü shadenei yaongshi nyüke!

KANDOK 12:8

Laophülei kihikon aimü shennyak hük kü vihnyüpeih, shejao sholi neshiüpüthüyü ne-ienelemi yakphongnyeih.

2 KORINT 10:9

Ngelei lai homei ngei am kü nyemshaonyu kei nyemtedeih shei ngei deihnyüke.