1 KORINT 4:4 - DAÜLANGPÜ LAIHING (BSI)

⁴ Ngei khüei ngei nyingi meheyao nyingei neshiü, shejao hapai shei ngei mang neshiü shei ne-eaokpih. Ngei kü shahphenpeyü Shembüpa hih.

1 KORINT 4:4 Referans Kwoze

MENVIH KESHO 143:2

Nüngei chongphobü shahphenshingei tedei; mehenangkü üpayao nüng touei daülangpü neshiü.

MENVIH KESHO 130:3

Oh Shembüpa, nüngi paoh mang nyangei tuhlangmeyü, Oh Shembüpa, üpai nenyongi yaongaokhen?

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

KANDOK 21:2

Shennyak peüi laophülei lem-üng jiüpükei deihnyüpeih, shejao Shembüpai mong doknyüpeih.

MENVIH KESHO 19:12

Büpai pungpü üpai yepaokhen? Joshi nyupü ngelei mang tükshih.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

ROM SHAHSHA APPÜ 2:13

Mehenangkü shahkungnyü danpüthü Kahvang touei daülangpü nevai, shejao shahkungnyü noteipüthü dahshakhen.

JOB SHAHSHA APPÜ 40:4

“Veituh, ngei kei maanpü hüki nüng kü jangei meheephaaokhen? Ngei ngelei ju kü laki shümlangnyeih.

JOB SHAHSHA APPÜ 27:6

Ngei daülangshemshepü kü wongshongi shounghen, hatü ha yanei nedeishihhen; ngei yemmü nyupü thahshi ngelei mongi ngei nevüshihhen.

JOB SHAHSHA APPÜ 25:4

Mekei etü Kahvang touei shennyaki daülangpü leiaokhen? Nyüi bühpü hangkuli büpa touei daülangi leiaokhen je?

PHONGSHANTHÜ DOU 23:1

Pauli shahtap kübü nanglakthü kü hüngei veitü, “Jeihinaüthü, shinnyih thahshi ngei ngelei chudeih mongdang meipüba kü Kahvang touei ngelei yangnyu jiüshi nyuei heihtepih” shei e.

JOHAN 21:17

Büpai jempabü büpa kü, “Johanei ha Simeon, nüngi ngei kü bamnyüla?” shei e. “Nüngi ngei kü bamnyüla?” shei büpai büpa kü jempa thahshi eshuohpü nangkü Peter mong yimei deih. Büpai büpa kü, “Shembüpa, nüngi lemphü nyingei nyüke; ngei nüng kü bamnyeih shei nüngi nyingei nyüke” shei e. Jisui büpa kü, “Ngelei mithü haümtuh” shei e.

JOB SHAHSHA APPÜ 15:14

Hingmei shennyak daülangi leiaokhen je? Nevaijü nyüi paipü moi daülangi nyuaokhen je?

JOB SHAHSHA APPÜ 9:20

Ngei pungpü neshiüjao ngelei jui-üng ngei nyonghen; ngei kü eela neshiüjao ngeiyü pungpeih shei büpai nyongphahen.

ROM SHAHSHA APPÜ 4:2

Abrahami paoh dou homei dahshakpü vailangmeyü büpa changmeihen lemhük nyüke, shejao Kahvang touei nevai.

MENVIH KESHO 50:6

Vangshothüi büpa daülangshemshepü baongnyeih, mehenangkü Kahvang, büpayü shahphenbü.

MENVIH KESHO 26:12

Ngelei la shingmeiji kü yaongnyüpeih; thaipü longpü kü ngei Shembüpa kü menvih shuohhen.

KANDOK 29:26

Peüi vanglem lembü leipü yahyang shinshang yemnyeih, shejao shennyak hüki shahhingü SHEMBÜPAleipüdangnyüpeih.

1 KORINT 4:3

Shejao ngei shingvaishi ammi nevaijü hangku shahphen shingei ngei kü shahphenhenü douha shei ngei deihnyeih. Ngei, ngei nyingiyao shah nephenhahnyih.