1 KORINT 4:17 - DAÜLANGPÜ LAIHING (BSI)

¹⁷ Ha tata kü ngei am touei Shembüpa kü ngei bampü hatü monglempü hapeü Timoti shomphünyeih. Büpai am kü ngei attoi peülei jom kü shing peülei nyuhpükei Khrista kü ngelei lemthü am kü deihhen nangkü ephahen.

1 KORINT 4:17 Referans Kwoze

1 TIMOTI 1:2

Vaipü kü ngelei mong hahpü hapeü Timoti touei: Pa Kahvang hatü jenei Shembüpa Khrista Jisu leipü phahji, yahyang hatü chingmei nyute.

1 KORINT 16:10

Timoti peiküjema büpa am mü mehe kao nenyemi tuhtuh; mehenangkü ngei keiha büpai Shembüpalei dou longi düknyüke;

1 KORINT 7:17

Shennyak peüi laophü kü Kahvangi mepa nangkü am kü nyükpa hapakei Shembüpai shuohpü yangnyu aimü nyuei daituh. Hapayü ngei attoi peülei shuohpü shahkung hih.

2 TIMOTI 1:2

Ngei bampü ha Timoti touei Phahji, yahyang hatü Pa Kahvang hatü Khrista Jisu, jenei SHEMBÜPAleipü chingmei nyute.

1 KORINT 16:1

Shaang vaipüthü shing moila thaipü nangkü: Ngei Galatia attoithü kü mehe epa, ha düktuh.

1 KORINT 14:33

mehenangkü Kahvangü podongpolong Kahvang nevai, shejao chingmei Kahvang.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

1 KORINT 11:2

Lemphüli kü ammi ngei deih-ei dangpü nangkü, hatü ngei am kü shuohpü nyuhpüvenpü ammi noteipü nangkü ngei am kü mongmeinyeih.

1 KORINT 7:25

Shaang shem neyempüthü nangkü ngeilei Shembüpalei shahkung neshiü, shejao Shembüpalei phahji homei monglemaokpü shennyak hük keiha ngei am kü ngelei chudeih shuohnyeih.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

2 TIMOTI 3:10

Shaang nüngi ngei nyuhpüvenpü, ngelei dükhiling, yangnyu kü ngelei mükhong, ngei hinglempü, munenpü, ngei bampü hatü ngei wongshongi yaongpü,

2 TIMOTI 2:2

hatü denpü longi homei nüngi mepa ngei leipü danpa, ha mih kao nyuh-aokhen monglemaokpü shennyakthü kü koeishuoh.

KOLOSI 4:9

Büpa hingshangpü hatü bampü jeihinaü Onesimus, amphong khong kü hük mü peikünyüke. Jijinyi-i hatoueipü lemphü am kü ekahen.

KOLOSI 1:7

Hapayü ammi chemi chongphopü bampü Epaphras leipü danteke. Büpayü ammei men kü hingshangi Khrista chongphobü hük,

PHILIPPI 2:19

Ammei shahjang danei ngei mongmeihen shingvaishi ngei am touei Timoti lomi shomphahen shei Shembüpa Jisu kü monglemnyeih.

EPHESIA 6:21

Hanangkü ngei mekei nyu, hatü ngei mehe dük, ha jeihinaü Tekhikus homei lemphü ephahen. Büpayü bampü hatü hingshangi Shembüpa chongphobü nyüke.

1 KORINT 11:16

Shejao hanei ami shah dakteihüjema, hapa keipü jenei vanglem nevaijü Kahvangei attoi kü neshiü.

1 KORINT 4:15

Ammi Khrista kü yombüthü haja an nyujao ammei pathü longi nenyu. Hingmei shahjangmei homei Khrista Jisu kü ngei ammei pa leipeih.

MATHI 25:23

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 24:45

Shejema hingmeipü hatü kon kohpü chongphobü üpaang? Büpayü shembüi laophülei shem leipü lebü chongphobüthü shak kü hepak jiüshi hahying hanei shuohhen shembü shaei tuhpüba hih.

KANDOK 13:17

Nemeipü phongmokbüi vongshüh koei leinyüpeih, shejao hingshangpü phongmokbüi chingmei shah konyüpeih.

BHEI-IE 12:7

Shejao ngei chongphobü Mosa meyü hapakei nevai; Büpayü ngelei Israel nanglak peü kü veihen ngei shuohpeih.

1 KORINT 4:2

Anyei vaishi khei vaibüthüyü monglemaokpü vaihen vongbong.

PHONGSHANTHÜ DOU 16:1

Pauli Derbe hatü nanglak hük meni Timoti nyupü Lystralei heih. Büpayü vaipü Jehoda am nyüha hükei ha, shejao chepayü Greek am nyuteke.

1 KORINT 4:14

Ngei hapayü am veühühen shingvaishi nevai, shejao ngei bampü hapeüthü kü kei nyuhhen shingvaishi nyangnyüpeih.

1 KORINT 11:34

Am aeiyei nyujema, shemei hahtüktuh, shejüang am chemi thaijü hapayü am nyonghühen shingvaishi nechongkahen. Lebü douthü nangkeyü ngei peijü ephahen.

2 KORINT 8:18

Shahjang meipü dousho nangkü attoithü peüi dupü jeihinaü hük büpa mü hami shomphünyeih.

PHILIPPI 2:22

Timoti nang ammi nyingei nyüke; mehenangkü pa mü hapeüi keiha büpai shahjang meipü dousho kü ngei mü chongphoteke.

1 TIMOTI 1:18

Timoti, ngelei hapeü, nüng nangkü shelei tetpüvanpü shahthü keiha nüngi hathü mü kamei vehok meipü hok-aokhen shingvaishi ngei hapa nyuhpüvenpü nüng kü shuohnyeih,

TITUS 1:5

Hanangkü dükhen aopü douthü shüpeikenghen hatü ngei epükei jila peüei behethü jehen shingvaishi ngei nüngü Cretelei tuhphongpeih: