1 KORINT 4:12 - DAÜLANGPÜ LAIHING (BSI)

¹² hatü hamei laki dou dükpai ham nyiudaiteke. Mechem ham kü thaüvaüphahen, hami moihimanshuohnyeih; mechem shüveiphahen, ham munennyeih;

1 KORINT 4:12 Referans Kwoze

1 PETER 3:9

Ammi ten kü ten, thaüvaü kü thaüvaü tekhangtei, shejao ha nang jeiyei moihimaneishuoh. Moihiman mükjüp danghen tata kü amphong nyükpeih.

MATHI 5:11

Ngei nangkü mechem hangkuthüi am kü yaüeilunghen, am kü shüveihen hatü am khüei shahshemi ten peü ehenshang am moihimanpü.

ROM SHAHSHA APPÜ 12:14

Nüng kü shüveipüthü kü moihimaneishuoh; moihimaneishuoh hatü jom kü tethaüvaü.

ROM SHAHSHA APPÜ 12:20

Ha nang jeiyei, “Nüngei vepathü aeiyei chongküjema, jom kü ühyingtuh, jom yung leyei chongküjema yinghen lemhük shuohtuh; mehenangkü nüngi hapakei dükpai jomei shangjing kü awtao haüshuohpü vainyüke.

PHONGSHANTHÜ DOU 18:3

hatü büpa-ao ashak shem lingbü aihük mü jom kei bhei leihpü am vaipü nangkü jom shemei ngoi, hatü jom chemi dou dük.

LUK SHAHSHA APPÜ 6:28

am kü thaüvaüpüthü kü moihimaneishuoh; am kü nemei-i dükpüthü kü phopeishuoh.

1 PETER 3:14

Shejao ammi jiüpü dükpü kü shangpongjema, am moihimanpü. Jomi mehe kü nyem, ha kü ammi tenyem, nevaijü tehan,

1 PETER 2:23

Mechem jomi büpa kü yaüeilungei epa, büpai ha kü nekhang; mechem büpa shangpongpa, büpai nyemneshao, shejao shahhing shahphenbü kü büpa lanei shuoh.

LUK SHAHSHA APPÜ 23:34

Hahepak kü Jisui, “Opa, jom kü mang tükeishuoh; mehenangkü jomi mehe düknya, jomi nenying” shei e. Jomi büpalei ashakviha hanteihen phongyom.

MATHI 5:44

Shejao ngei am kü enyeih, ammei vepa kü bamtuh hatü am kü shüveipüthü shing phopeishuoh;

PHONGSHANTHÜ DOU 7:60

Hapheikü büpa aümei shatü, “Shembüpa, nüngi hapa mang jom kü tehethü” shei lenei e. Mechem büpai ha eyei kempa, büpa didai.

JOHAN 15:20

“Aathüyü shembü mü longpü nevai” shei ngei am kü epü shah deih-ei dangtuh. Jomi ngei kü dangkao shüveijema, am kao shüveiphahen. Jomi ngelei shah bangjema, ammei shah-ao bangkahen.

JUD SHAHSHA APPÜ 1:9

Shejao vangsho phongshan longpüba Mikhaeli dangkao mechem kahshih mü Mosalei mahng kü aetteipa, büpai büpa kü yaüeilungei thaüvaüei ne-eangpih shejao, “Shembüpai nüng kü lohnyüke” shei epeih.

1 TIMOTI 4:10

Ha tata kü hami ponghah-ei dou düknyeih; mehenangkü ham monglempeyü hangku peü, anyei vaishi büpa kü hinglempüthü yemleipüba vanyangyem Kahvang kü tuh-ei nyüpeih.

2 THESALONIKA 3:8

nevaijü lop neshuoh-i hami üamei hahyingao nehah, shejao amphong üpa kao hami hanggovih neshuohhen shingvaishi nyakhingai thüngei hami dou dükpeih.

1 THESALONIKA 2:9

Jeihinaü hatü nyahinaüthü, hami am kü Kahvang shahjangmei baongshingkü am üpa kao hanggovih nekohühen shingvaishi ham nyakhingai thüngei nyiueinangei dou dükpü ammi deih-ei dangtuh.

1 KORINT 9:6

Nevaijü Barnabas henji mon shünyü shing dou dükpü kübü dohhen jiüpü neshiüpü je?

PHONGSHANTHÜ DOU 20:34

Ngelei nadang kempü hatü ngelei küphüthülei nadang peü shingvaishi ngei ngelei laki dou dükpü am nyingi nyingei nyüke.

1 PETER 4:19

Hanangkü üami Kahvangi mongpükei shangpongnya, hingshangpü jom Lingbü kü lanei shuohhen hatü nedoh-i mei dükhen.

ROM SHAHSHA APPÜ 8:35

Khristai bampü kübü üpai jen yantükhen? Hapayü ponghahpü nevaijü shangpong, nevaijü shüveidoidei, nevaijü shaühile, nevaijü bümkong nyupai, nevaijü vongshüh nevaijü vehoki hiang?

2 KORINT 11:8

Am kü sheühhen tata kü ngei lebü attoithü leipü sheühpü yahpai ngei jom leipü gühpü kei leiteke.

EPHESIA 4:28

Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.