1 KORINT 4:10 - DAÜLANGPÜ LAIHING (BSI)

¹⁰ Khristalei men kü hamphongü ngapathü kei, shejao amphongü Khrista kü longi nahshi nyüke. Hamphongü wong nekoh, shejao amphongü wong kohshi nyüke! Amü dhüm kohshi, hamphongü dhüm neshiü.

1 KORINT 4:10 Referans Kwoze

1 KORINT 2:3

Ngei am touei wong nekohpü, nyempü hatü kheüpü kü peipeih.

PHONGSHANTHÜ DOU 26:24

Mechem Pauli büpa nang eyei nyupa, Festus-i, “Paul, nüng ngadainyu khih! Ahshi nyingpai nüng ngadainyu khih!” shei e.

PHONGSHANTHÜ DOU 17:18

Shao Epikurean hatü Stoik vaipü vanglem kü nyingpühingpüthüi büpa mü shah doktei. Hanei ami, “Hapa shahvang ahpai mehe ehünyuja” shei e. Lebüthüi, “Büpayü mih Kung amei Kahvang jung baongbü khih” shei e. (Hayü büpai Jisu jung shahjang meipü hatü yangei leipü jung epü nangkü nyuteke.)

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.

2 KORINT 13:9

Mechem ham wong nekoh, shejüang ham mongongnyeih, shejao ammü wong kohnyüke; hatü ha tata kü hami phoppeyü am changeishaei leihen shingvaishi nyüke.

1 KORINT 3:18

Am laophü nyingi telutelemhah. Hapa den kü amphong nahpeih shei deihjema, am nahpü am leihen shingvaishi ngapa leihen vongbong.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

2 KORINT 11:29

Mechem hanei am wong nekoh-i leihen, ngeiyao wong nekoh-i leinyüke; mechem hanei am huluh shuohhen, ngei ha kü mongmangi manyüke.

2 KORINT 11:19

Laophü nyingi kon kohpeih shei etü ngapathü mü am nyunyüke.

2 KORINT 10:10

Mehenangkü hanei ami, “Büpalei laiyü mangshi hatü wong kohshi khih, shejao büpa jen mü nyujü wong nekohnyu, hatü büpalei shah-ü yahlak neshiü” shei enyüke.

1 KORINT 10:12

Hanangkü am wong kohshi yaongshi nyüpeih shei deihjema, am nedohen thashimashi nyutuh.

1 KORINT 4:8

Ammi napü peü dangteke! Am sheyü shemmei leiteke! Ham nevaijao am payü ongthü leidaiteke! Hamao am mü ong vaihen shingvaishi am peü ong nyemvai shei ngei deihnyeih.

1 KORINT 3:2

Ngei am kü vaanpü hahying nevai, amma mon yingpeih; mehenangkü amphongü vaanpü hahying hahhen temei neshiü. Shaang dangkao am temei neshiü;

1 KORINT 2:14

Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

PHONGSHANTHÜ DOU 17:32

Mechem jomi dipü kübü yangei leipü jung danpa, hanei ami nyienteke, shejao lebüthüi, “Hami shao-üng hapa jung banghen hih” shei e.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

LUK SHAHSHA APPÜ 18:9

Hanei ami ham daülangpeih shei deihpü hatü mih kü yaüpüthü kü büpai hapa shahlap eteke:

LUK SHAHSHA APPÜ 10:16

Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

MATHI 24:9

Hahepak kü amphongü shüveihen shingvaishi lanei shuohtükhen, hatü am jütükhen, hatü ngelei men kü jat peüi am kü jiühitphahen.

MATHI 5:11

Ngei nangkü mechem hangkuthüi am kü yaüeilunghen, am kü shüveihen hatü am khüei shahshemi ten peü ehenshang am moihimanpü.

HOSEA 9:7

Hanghihen nyihthü ngoikünyüke; Dükpü shangshi hanghihen nyihthü yopailei nyüke; Israel ami ha nyingtuh. Mehenangkü ammei mang ahshi-üng longdaipü nangkü; hatü nejiünepaipü ahdaipü nangkü thibüthü kü ngapa, hatü laangha shennyakthü kü yoipa khih shei deihnyüke.

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

KANDOK 11:12

Üpai mih kü naamei deihnya, büpayü sholi nebaongpü, shejao nyingpü shennyakü nenmü nyunyüpeih.

2 ONGPATHÜ 9:11

Mechem Jehu büpalei küphü lakchongbüthü touei vamjapa, jomphong khongkü hüki, “Lemphüli meishi-üng vaaikhihma yo? Mehekei hapa ngapayü nüng yemei peiküpüja?” shei phe. “Ammi hapa shennyak mepa keipüang ha nyingei nyüke” shei Jehu-i e.

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

1 KORINT 1:23

shejao hami Khrista shophang kü appü jung chongvenpeyü Jehoda am shing huluh yaong, hatü Kung am shing ngashah leidaiteke,

1 KORINT 1:25

Mehenangkü Kahvang ngapeyü shennyakei kihikon mü nahpüba, hatü Kahvang wong nekohpeyü hangkulei wong mü wong kohpüba.

2 KORINT 6:8

dhüm kohpü hatü nekohpü, menten hatü menmei kü munenei hutepeih. Hamphong keyü shahshem epü am kü kei nopeih, shejao hami shahhing epeih;

2 KORINT 4:12

Hanangkü ham kü dipai dou düknyüke, shejao am kü yangnyuyemi dou düknyüke.